YIIEM DOE 1:9 - Wa Common Language Translation

⁹ Krax pa seeing nawh hoik koe ka piang sibex dhah nawh heue. Nawh ang lai keud ka dee sidah ju tix, mawh kheu nan, krax pa laux leeing nawh hoik mawh pa daox am pui ka mai nawh ang lai koe cao pa tawx krax nyawm rhawm pie tix kaux kawx heue. Siyiex eue, jhak ka krax pa kha rhawm aux liak! Mawh kheu pui koeng hoik tang yaw tokaux cao tix heue.

YIIEM DOE 1:9 Iomraidhean Croise

2 SAMOELAX 16:12

Kheu pa jhax lawg in singaix, ha mawh Simiang Siyiex pa sang kia ngien piang pa khaw aux rhawm tix mai tak deeh tawx pa mhawm ka aux pleue.”

2 SIMIANG 14:26

Mawh kheu Siyiex hoik yaox ka pa kied lang teung kha rhawm pui Isarelax mai pui pa giex laung ang ah, pui pa lawt luan ang ah, pui pa teem pa coi pui Isarelax ang koe pie tix kaux kawx heue.

NEHAMIX 9:32

Mawh kheu nan Siyiex ex eue, Siyiex pa kied ting lhaong, pa kied ting riang rao mai pa koe sibrawm krax lhat graung, pa priex pa jhung ka gumlox sijax mukheu mai krax caux rhawm tix eue, paw kieh krax pa kha rhawm an khankix, mawh pa iak pa lied ka plak sivoe ngai Maix Cao pa hoek piang yix mai ka simiang yix, ka cao giex cao kwang yix mai ka cao giex kaing li yix, ka keeing yix mai ka pui Maix Cao khawmuik, jah ka yam kwang simiang Asurix ka haktiex tom hoek ka daux in singaix heue.

YAOGYAW 119:153

Jhak ka pa kha rhawm mai taoh aux liak, aux ang pi awm beenli Maix heue.

YAOGYAW 140:8

Siyiex eue, paw lai tawx akhwang pa grum naog ka pui pa ang rahsee liak. Paw lai tawx krax pa keud kix grum naog liak.

YAOGYAW 25:18

Keud ka pa hot pa sibhawm aux mai krax pa khi rhawm aux mai pluat ploi phimap aux khawmuik liak.

YAOGYAW 69:21

Pie sang ih aux kawx, kix tawx aux ih sidah song, pie sang nyaux aux rawm kawx, kix tawx aux nyaux sidah niex heue.

LIH HU 3:17

Aux hoik yuh sijax mukheu sonsang teei pex lih khaing krax pa kha rhawm khaing Ejiptux mai kieh pex hu ka haktiex ceu pui Khananix, ceu pui Hitix, ceu pui Amawrix, ceu pui Pharazix, ceu pui Hiwix mai ceu pui Yebusix, dee lih rawm teeih mai rawm hia.”

LIH HU 3:7

Siyiex ah nin, “Aux hoik yaox ka yeen ya kix ceu pui Aux, pa ot daux meung Ejiptux, Aux mhong lox riag yo kix ka cau cao kaing ka kix, mawh kheu Aux hoik tawng krax kha rhawm kix,

LIH HU 4:31

Yam hoik mhong pui khankix ka hoek fi Siyiex ka pui Isarelax mai yaox Nawh Cao hoik kia ngien ka krax kha kix rhawm tix, kix yum rhawm num kaing tix mai krub ka Nawh Cao heue.

SIDIEX 4:1

Khaix an aux deeh keud ti yaox krax pa tuktiak, pa hoik yuh tix greem singaix khawmuik mai jhak ka rawm ngai can pui pa yaox ti kham geu krax tuktiak, mai ang koe pui pa pon tawx krax nyawm rhawm ka kix tix kaux kawx heue. Mawh kheu can pui pa tuktiak khankix koe sibrawm, pui pa pon tawx krax nyawm rhawm ka kix ang koe tix kaux kawx heue.

ISAYAX 3:8

Grawh grawng nawh veng Yerusaliem hoik goh grhup mai meung Yudax hoik som nai kheu dak kix mai pa yuh kix khankix, mawh pa tieh feen ka Siyiex, sonsang so kaoh ka ngai min sibrawm Nawh Cao heue.

ISAYAX 37:17

Siyiex eue, daong yhaok Maix Cao mai nghiet liak! Siyiex eue, blah ngai Maix Cao mai jhak liak mai nghiet lox Shenakherip pa ploi pui hoek ah lox salao ka Siyiex pa im ju.

ISAYAX 37:23

Mawh jhax lawg mai sibriem maix ka pui mawx lie? Mawh briah maix ka piang pui mawx mai blin maix ngai tix ka pui mawx? An kix maix hoik yuh ka Siyiex pa singax singeh pui Isarelax.

ISAYAX 37:29

Mawh kheu song rhawm maix ka Aux mai pa ting rhawm ca nyhau maix, hoik hoek ka daux yhaok Aux, mawh kheu nan Aux tak cieh meeh maix mai sau maox keu ka jheeh maix mai Aux deeh kieh maix ing ka krax hoek tix.

ISAYAX 37:4

Kieh Siyiex pa mawh Siyiex maix mhong ka lox pa hoik krai Rabasakha, pui pa ploi cao simiang nawh, pa mawh simiang Asurix sonsang hoek ah lox salao ka Siyiex pa im ju pa mawh Siyiex maix mhong ka gumlox in mai tak sang deeh pawk tix ah ka, mawh kheu nan maix rawg bwan son pui pa kawn deuk khankix.

ISAYAX 40:2

Krai lox nyawm rhawm ka veng Yerusaliem mai krai ka meung an, naing ang lai koe son maix mai phimap phighram maix kawx hoik pluat ploi ka mai nawh hoik rieb ti kham phimap khaing Siyiex, mawh phimap ra son khaing maix.

ISAYAX 47:7

Maix ah nin, “Aux tak mawh cao nang leeing ju,” Maix tom ang lai sawn rhawm tix, ka ceu an mai ang lai keud dee sidah sidu an kix.

ISAYAX 51:19

Ceu inkix hoek ka maix, pa mawh krax yiien hu pui mai krax pa laux leeing, krax pa sibhawm praix mai vaig lawm khankix heue. Mawh pui mawx pa tak sang koe krax laux rhawm son maix lie? Aux tak sang pon tawx krax nyawm rhawm ka maix lie?

ISAYAX 54:11

Maix pa mawh pa hoik kha rhawm tix mai pa hoik phlu bhaung ting mai pa ang nyang koe krax pa nyawm rhawm eue, jhak heue, Aux tak sang yuh ti deuh jaong simaox maix ka siang simaox pa toh riang mai yuh ti deuh num riah maix khankix ka siang simaox pa klai heue.

YERAMIX 13:27

Aux hoik yaox krax seeing brai maix khankix mai lox kraing lox he maix, khawm pa seeing brai maix piang gawng ka daux tiagtu khankix heue. Siyiex eue, maix tak kha rhawm heue. Mawh kawn sang rheung miex grheung sonsang kieh maix tokaux tix singax singeh lie?”

YERAMIX 16:7

Ang koe pui sivit blah ka pui pa yiiem grai son pui yum mai ang koe pui khu rhawm kix son pa yum mai ang koe pui tawx kawk nyaux ka pui pa khu rhawm yam yum miex keeing kix heue.

YERAMIX 2:34

Ka piang sibex lang jung maix kawx, hoik yaox ka nham pui hot khankix pa ang koe phimap heue. Viang Aux ang sawg ti yaox an tom dee raux dee mox kawx, viang mawh nan, hoik sidawng piang kraung ceep maix heue.

YERAMIX 48:26

Grawh grawng nawh, mawh kheu jhi nawh krax pa lhaong rhawm tokaux tix piang Siyiex, kieh nawh yoek heue. Mawbax tak sang lulieh tix piang haoh nawh mai nawh tak sang yaox ti kham krax nunai pui tix heue.

YERAMIX 5:31

cao jhai khankix ah lox jhai pa ang mawh ang meh mai cao giex kaing li khankix kawx rieb ti teei ka sibrawm pa kwang tix mai pui Aux khankix kawx khaw rhawm ka ceu an awm paox tix heue. Yam sidah ceu an khankix pex tak sang yuh ka mawx lie?

YERAMIX 50:29

Kok pui naing ak khankix hoek puing ka veng Babulon, can pex pa chix puing ak khankix yuh tab hawt vung viang veng mai lai lawm khawmuik, paw lai kieh kix glawd tix kaux kawx. Deeh viied ka kix awm kaing pa hoik yuh kix mai deeh yuh ka nawh awm can pa hoik yuh nawh khankix heue. Mawh kheu nawh hoik yaw rangdi tix sonsang tieh feen ka Siyiex pa mawh Siyiex Cao pa singax singeh ceu pui Isarelax heue.

YIIEM DOE 1:17

Kawn bun Zion yaog taix tix mai pui pa sang tawx krax nyawm rhawm nawh ang koe heue. Siyiex hoik tawm ti deuh lox ka son grawng Yakop, ka tak sang mawh pui pa ot hawt vung viang nawh khankix pui koeng nawh, mai veng Yerusaliem hoik mawh ceu pa ang singax ka daux sinax kix heue.

YIIEM DOE 1:21

Kix hoik mhong lox pa ngia ngheeik aux, pui pa sang tawx krax nyawm rhawm ang lai koe ka son aux heue. Pui koeng aux khawmuik hoik mhong ka grawng krax pa kha rhawm aux mai kix koe krax gaux rhawm ka hoik yuh Maix Cao ka ankix heue. Kieh singaix krax pa hoik pao Maix Cao ti deuh hoek liak! Sonsang pon kix tix awm aux heue.”

YIIEM DOE 2:13

Kawn bun veng Yerusaliem eue, Aux sang tiag maix ka mhai patix lie? Aux tak sang tiag maix mai pui mawx lie? Kawn bunkrih veng Zion eue, Aux tak sang tiag maix ka ceu patix, sonsang pon tawx aux krax pa nyawm rhawm ka maix lie? Grawh grawng nawh, krax laux leeing maix mawh pa kied ting awm rawm sigrit sigra, mawh pui mawx pa pon pai maix lie?

YIIEM DOE 4:1

Khri hoik laix rawm sawng yuh ka mawx, khri nawnaw hoik bheet yuh ka mawx. Lon simaox koe dee pa singax singeh khankix hoik prung prang ti hu ka piang gah krax kudauh heue.

YIIEM DOE 5:1

Siyiex eue, doh keud ka ceu pa hoik hoek ka piang yix, jhak ti yaox ka lox salao pa hoik kham yix liak.

HOSE 2:14

Mawh kheu nan, jhak heue, Aux tak sang nyaw glaw nawh mai viex nawh laig ka daux tiagtu mai krai lox pa nyawm rhawm ka nawh heue.

ZEPHANIX 2:10

Grawng in hoek ka piang kix, kheu krax pa lhaong rhawm kix, kheu hoik ah kix lox pa ting ca nyau mai hoik salao ka pui Siyiex cao kru naing raoma heue.

YOHAN 11:19

Pui Yudax, hun hoek ka Mathax mai Marix, sonsang khu rhawm kiex kheu yum prie kiex heue.

PINGNYAP 26:7

khaix an yix riag yo lox tix ka Simiang Siyiex keeing yix mai Simiang Siyiex hoik mhong ka lox yix mai hoik yaox ka krax pa kham geu yix mai hoik yaox kaing jhaw pa yuh yix mai khawm ka krax pa khin kix piang yix khankix.

PINGNYAP 32:27

Aux ang lhat ka krax pa song rhawm pui pa koeng Aux khankix, phan ang mawh nan pui koeng khankix tak koe krax pa yaw rangdi ka tokaux tix, phan ang mawh nan kix tak ah nin, “Riang rao khawn taix yix mawh pa ting lhaong mai inkix ang mawh Simiang Siyiex, pa hoik yuh inkix khawmuik.”

PINGNYAP 32:29

Kieh kix mawh pa koe pingnya cuyi mai tawng ka ceu inkix, sonsang pon keut gau kix dee sidah tix khaix in sax.

1 PETRUX 4:17

Bawg yam pa sang jah ti prawng ca, ka pui geh nyiex Siyiex hoik hoek mai phan krax prawng ca an jah ka ex phao ka, dee sidah kix pa ang koe krax cu nghiet ka lox bwan gaux rhawm Siyiex, tak sang mawh pa yuh ka mawx?

1 SAMOELAX 1:11

Nawh tiextu ah nin, “Simiang Siyiex Cao pa ting piang khawmuik eue, phan Maix koe rhawm ti kia ngien ka krax kham geu siliex bun tix, doh keud ka aux, paw piawm ka siliex bun Maix, phan Maix tawx kawn simex ka siliex bun Maix tix kaux, aux tak ap nawh ka Simiang Siyiex glang singaix im ju nawh mai ang khlao ka kaing nawh.”