YIIEM DOE 1:8 - Wa Common Language Translation

⁸ Veng Yerusaliem hoik kied ting lud tom nie, mawh kheu nan, nawh hoik mawh ceu pa seeing heue. Can pui pa nab yam ka nawh khawmuik, deeh koe krax pa salao ka nawh, kheu jao yaox kix ang nawh ceep kraung heue. Mawh heue, tokaux nawh hoik ngia ngheeik mai deeh veeh ti hu plak khaix heue.

YIIEM DOE 1:8 Iomraidhean Croise

YAM JAH 3:7

Khaix an ngai kiex blah khawm ra mai tawng ang kraung ceep tix koe mai kiex caing ti ceep kraung ka lhax khaox ruh sonsang kheem ka cao tix heue.

1 SIMIANG 9:6

Phan ang mawh nan, phan kawn simex maix khankix deeh veeh ti khaing daux pa hawt ti khaix Aux mai ang lai priex rien ka lox tawm pingnyap cie Aux mai ka lox lai beenli pa deuh Aux plak sivoe maix mai hu yuh kaing jhaw siyiex tang kaux mai krub ka kix,

1 SIMIANG 9:7

“Khaix an Aux tak tik pui Isarelax khankix khaing haktiex pa tawx Aux ka kix, mai nyiex bwan pa yuh Aux mawh pa singax singeh ka son ceu kaux Aux in, Aux tak tik an khaing plak sivoe ngai Aux, pui Isarelax khawmuik tak lih awm lox been praix mai lox sibriem ka plak sivoe pui heue.

1 SIMIANG 9:9

“Khaix an, kix tak deeh pawk ah nin, mawh kheu hoik tik vud kix ka Simiang Siyiex, Siyiex tix pa hoik viex keeing kix lih khaing meung Ejiptux mai een rhawm tix ka siyiex tang kaux mai krub mai yuh kaing son kix, mawh kheu nan, Simiang Siyiex viex krax pa laux leeing hoek ka piang kix heue”

ISAYAX 47:3

Maix tak ot kakaong mai pon pa kaig tua, Aux tak pawk bix, Aux tak ang lai jhak ka plakngai pui tix kaux kawx.

YERAMIX 13:22

Phan maix ah nin ka daux rhawm tix, “Ceu khankix hoek piang aux, kheu grawng pa yuh ka mawx lie? “Kheu jao pa kied ting phimap maix, kraung ceep maix khankix hoik bheeik khaing maix mai loek caong maix kawx hoik mat ka ang koe kiep ceep heue.

YERAMIX 13:26

Mawh kheu nan, Aux tak sang khleeing kraung ceep khankix piang pakngai baoh maix, sonsang sidawng krax kaig tua maix heue.

YERAMIX 15:4

Aux tak sang baox kieh kix yaox krax kha rhawm ku meung piang haktiex khawmuik, kheu jao grawng pa yuh Manashe, kawn simex Hezakiyax simiang meung Yudax ka daux veng Yerusaliem heue.

YERAMIX 24:9

Aux tak kieh kix koe krax kha rhawm ka daux meung haktiex pui, ka lox salao pui mai ka lox jhax lawg pui, ka can dee hoik grheu Aux kix to heue.

YERAMIX 32:23

Kix hoik laig ka daux mai teei ti cie haktiex an, viang mawh nan, kix ang cu nghiet ka lox Maix Cao mai ang lawng hu ka daux lox tat jhawm prawng Maix Cao heue. Kix ang yuh awm pa hoik tawm Maix kix yuh tix ceu kawx heue. Mawh kheu nan, Maix Cao hoik kieh krax pa kha rhawm in khawmuik hoek piang kix heue.

YERAMIX 34:17

Mawh kheu nan, Siyiex ah nin, pex ang cu nghiet ka Aux, ka grawng pa krai pao pa luad luan, ka puxaik tix mai ka paox plawg tix heue. Siyiex ah nin, Aux tak krai pao grawng pa luad luan son pex, pa mawh lawm vaig, jhawm saux preng mai sibhawm praix heue. Aux tak ap pex kha rhawm tix daux sinax meung haktiex pa koe piang haktiex heue.

YERAMIX 4:31

Mawh kheu Aux hoik mhong lox pa awm lox ngia bun keh pa ang sax keh kawn tix mai lox ngia pa saux nawh awm bun pa liang ti keh kawn tix, awm an lox yo kawn bun veng Zion ka daux pa ngia nawh pa neh taix tix ah nin, “Aux koe krax kha rhawm yam in heue. Aux kied koe krax pa laux rhawm kheu jao grawng cao pa pah pui khankix heue.”

YERAMIX 6:28

Kix mawh pui pa kied tieh feen pa chix coh lox sikah khawmuik heue. Kix mawh tawng lheung mai rhiem giex going mai mawh pa yuh laux leeing heue.

YIIEM DOE 1:11

Pui nawh koe krax ngia krax ngheeik, kix sawg ka pa ih, kix hoik loh pa ih ka kraung khrai tix mai sonsang taoh ka ju tix heue. Siyiex eue, jhak ti yaox liak! Grawh grawng nawh, aux mawh pa hoik pon krax pa salao pui heue.

YIIEM DOE 1:17

Kawn bun Zion yaog taix tix mai pui pa sang tawx krax nyawm rhawm nawh ang koe heue. Siyiex hoik tawm ti deuh lox ka son grawng Yakop, ka tak sang mawh pui pa ot hawt vung viang nawh khankix pui koeng nawh, mai veng Yerusaliem hoik mawh ceu pa ang singax ka daux sinax kix heue.

YIIEM DOE 2:10

Kuad song veng Zion khankix, ngawm ti ot ka piang tiex mai ot yiien yawg, kix rhuat phawng tiex ka piang kaing cao tix mai rawd nyoi ka man chee rhix heue. Bunkrih veng Yerusaliem khankix, gum kaing tix tom silaing tiex heue.

YIIEM DOE 4:21

Kawn bun Edom pa ot ka daux haktiex Uzax eue, gaux rhawm mai koe krax pa nyawm rhawm heue. Kawk nyaux tak sang loe tix hoek ka dee ot maix heue. Maix tak sang nyaux ti yoek, tom ang lai ceep kraung heue.

YEZAKELAX 23:29

Kix tak yuh awm koe rhawm koeng tix ka maix mai rhim kraung can pa hoik khrawm maix ti deuh mai kieh maix ot kaux kaong mai kieh pa yuh maix bun coh kaux, pa ghoing rhawm maix, pa lud vao maix sidawng heue.

YEZAKELAX 23:46

Siyiex ah nin, “Aux tak viex cub pui hun hoek ka kiex mai tawx akhwang yuh krax kha rhawm mai rhim ka kix heue.”

YEZAKELAX 39:23

ceu pui tang ceu tak tawng ka mawh nyiex ma ceu pui Isarelax pa hu ka daux pa giex laung son phimap tix, kheu ang kix kaux sijax ka Aux, mawh kheu nan, Aux hoik mox pakngai khaing kix mai ap kix ka daux tawm taix pui koeng kix mai kix goh gup ka lawm vaig khawmuik heue.

HOSE 2:10

Yam in aux tak sang plak jhi krax pa kraing nawh, ka plak sivoe ngai paox moh nawh khankix mai pui tix kaux kawx, tak ang lai pon taoh ti teei nawh khaing dau taix Aux heue.

HOSE 2:3

Phan ang mawh nan, aux tak peeik ti tik kraung nawh mai kieh nawh ka kaung, awm ka daux yam tak keh nawh mai kieh nawh awm daux tiagtu dee kroh mai kieh nawh yum ca kheu sang nyaux nie rawm heue.

PLAK JHI 3:18

Aux nhie maix liag khri pa hoik thi ka daux ngu, sonsang lih mawh maix pa mi pa koe mai ka kraung ceep pa paing sonsang ceep ka tokaux tix, son tak ang ceu pa kaig pa tua pa kakaong maix sidawng mai ka sidah kraix ngai, ti sang kraix ka ngai maix, sonsang chix yaox maix ka heue.

1 SAMOELAX 2:30

Siyiex pui Isarelax ah nin, Aux hoik krai tete, doeh ru maix mai doeh ru keeing maix tak hu ing sivoe ngai Aux leeing ju, Simiang Siyiex ah nin, kieh an singai khaing Aux, pui pa tawx min ka Aux mai pui pa nunai ka Aux, tak pon krax nunai.