YIIEM DOE 1:3 - Wa Common Language Translation

³ Pui Yudax hoik yaox ti kham krax pa kha rhawm mai kham krax pa cau tix daux kaing pa nu sigrien sigre, nawh ot ka daux sinax ceu pui tang meung khankix mai nawh ang lai yaox krax pa laux lee tix, can pui pa hawt leue khaix nawh khawmuik, krup nawh ka dee sikhawp krax heue.

YIIEM DOE 1:3 Iomraidhean Croise

2 SIMIANG 25:11

Khaix an, Nebuzaradan cao kaing naing pa pau simiang giex ti viex pui pa kawn deuk pa ot daux veng khankix mai pui pa hoik tieh ti hu ka plak simiang Babulon tau mai can pui pa ghoik ti ot daux sinax pui hun khankix heue.

2 SIMIANG 25:21

Khaix an simiang Babulon ciyang ka kix mai pah kix ka veng Ribalax ka daux haktiex Hamat heue. Mawh kheu nan, pui Yudax, hoik teei ti hu awm pui pa giex laung khaing daux haktiex cao kix heue.

2 SIMIANG 25:4

Khaix an, guh veng hoik bhieh mai pui naing khankix hoik to daux sawm an ka diang siviex sinax guh veng ra mu, ka plak sipeem simiang, mawh kheu pui Khaladie khankix lai lawm vung viang mai yuh veng laux heue. Simiang to lih ka plak daux lung heue.

2 SIMIANG 25:5

Viang mawh nan, cub kru naing Khaladie khankix hawt khaix simiang, kix krup nawh ka daux lung Yerikho heue. Cub kru naing nawh khawmuik hoik prung prang khaing nawh heue.

YERAMIX 13:19

Veng pa koe plak seh khankix hoik nyeep tix khawmuik mai pui tix kaux kawx ang lai pon paoh ka, pui Yudax hoik viex kix hu mawh pa giex laung khawmuik, mai hoik mawh pa giex laung khawmuik khawm leeing heue.

YERAMIX 16:16

Siyiex ah nin, jhak heue, aux tak sang ploi pui pa teei kax tom nie mai kix tak sang miiet ka kix, khaix an, Aux tak sang ploi pui leue tiag tom nie mai kix tak sang jaw ka kix, khaing gawng ku gawng mai khaing ton ku ton mai khaing daux rang khankix heue.

YERAMIX 24:9

Aux tak kieh kix koe krax kha rhawm ka daux meung haktiex pui, ka lox salao pui mai ka lox jhax lawg pui, ka can dee hoik grheu Aux kix to heue.

YERAMIX 39:9

Khaix an Nebuzaradan cao kaing naing piang pui naing pa pau simiang khankix hoik rhim tix viex pui pa kawn deuk ka daux veng khankix, khawm pui pa hoik blak tix hoek ka plak nawh mai pui pa goh khankix, hu mawh pa giex laung tix ka daux veng Babulon heue.

YERAMIX 52:15

Khaix an Nebuzaradan cao kaing naing piang pui naing pa pau simiang hoik viex pui pa hot shia khankix tiblah mai pui pa kawn deuk ka daux veng mai can pui pa hoik grux tieh tix ot plak simiang Babulon khankix mai can pui pa chix kaing taix kaing caong pa kawn deuk khankix heue.

YERAMIX 52:8

Viang mawh nan, cub kru naing pui Khaladie khankix hawt khaix simiang mai kix krup Zedekix ka daux lung Yerikho heue. Cub kru naing nawh khankix hoik prung prang khaing nawh heue.

YIIEM DOE 2:9

Siviex veng Zion hoik blawn ka daux tiex mai Nawh Cao hoik yuh nawh laux leeing mai hoik raig ti tik jhong siviex nawh khankix heue. Simiang nawh mai kawn simiang nawh khankix ot ka daux sinax ceu pui tang meung, pa ang koe been khankix, mai cao jhai nawh khankix ang lai chix pon ti yaox krax pa plak jhi khaing Siyiex heue.

YIIEM DOE 4:15

Pui kok yo ka kix ah nin, “Hu dee singai heue. Pex pa ang singax singeh khankix eue, hu luan dee singai heue, paw krox teeh ka yix!” Yam hoik to kix mai yam hoik vung viang kix tix hu, pui ankix pa ot ka daux sinax ceu pui khankix ah nin, “Kix ang lai pon tix ot tin heue.”

YIIEM DOE 5:5

Kix hawt ti leue yix tom phoek loek caong yix heue. Yix hoik taug mao mai ang lai koe krax laux lee heue.

YEZAKELAX 5:12

Khaing daux pex loe nyum tix nyum tak yum ka jhawm saux preng mai laux leeing ka krax hot sibhawm ka daux sinax pex, daux loe nyum an tix nyum, tak goh tix yum ka lawm vaig hawt vung viang maix khankix khawmuik mai Aux tak prung prang ti tik an tix nyum ka bhaung pa hoek khaing ku plak mai Aux tak ploi vaig hawt khaix kix heue.

PINGNYAP 28:48

mawh kheu nan maix tak yaox ti yuh kaing jhaw pui pa koeng tix khankix, pa ploi Siyiex hoek ka maix, ka daux pa cai rhawm tix mai pa sang nyaux nie rawm mai pa ang koe kraung ceep mai ka pa cud cha kuceu mai Nawh Cao tak sau iak rhiem piang ngawg maix, tom sidah yuh Nawh Cao maix laux leeing.