YIIEM DOE 1:22 - Wa Common Language Translation

²² Kieh krax pa caox caig yuh kix hoek ka plak sivoe Maix Cao khawmuik mai yuh ka piang kix awm pa hoik yuh Maix Cao ka aux, kheu jao krax pa lud aux khankix khawmuik heue. Grawh grawng nawh, krax pa ngia ngheeik aux khankix koe tom nie mai rhawm aux hoik kied koe krax laux rhawm heue.

YIIEM DOE 1:22 Iomraidhean Croise

YAOGYAW 143:7

Siyiex eue, nied ti deeh pawk ka lox aux liak, aux hoik laux rhawm heue. Paw lai mox ngai Maix khaing aux, awm kix pa lih hu daux tiex heue.

YAOGYAW 79:10

Mawh kheu patix, pui tang ceu khankix ah nin, Siyiex kix koe dee mawx? Maix prawng ca ka nham pui Maix, pa hoik teei pui tang ceu khankix, sidawng ka sivoe ngai ex liak.

ISAYAX 13:7

Mawh kheu nan, taix can pa koe khawmuik, tak mawh pa tak teue hu, rhawm rhi pui khankix tak koe krax pa laux rhawm mai kix hoek krax lhat graung heue.

YERAMIX 10:25

Klup krax pa meet rhawm Maix Cao lih piang ceu pui tang ceu khankix, pa ang tawng ka Maix Cao mai piang nyiex ma khankix pa ang cu tix kok ka ceu kaux Maix Cao, mawh kheu kix hoik kiied ti ih ceu pui Yakop mai hoik bleet hoik laux leeing yuh nawh mai hoik yuh dee ot dee koe nawh yiien heue.

YERAMIX 18:23

Siyiex eue, Maix Cao tawng krax pa keud kix piang aux khawmuik, sonsang pah ka aux heue. Paw lai pluat ploi ka pa lud kix mai paw preet ka phimap kix khaing plak sivoe ngai Maix Cao, yuh awm in ka kix, ka daux bawg yam pa song rhawm Maix Cao heue.

YERAMIX 30:16

Mawh kheu nan, can pui pa sang kiied tix ih ka maix, tak sang deeh kiied tix ih ka nawh mai can pui koeng maix khankix tak sang hoek ka daux pa giex laung, can pui pa yuh con ka maix tak sang deeh hoek ka daux krax pa deeh con mai can pui pa tud rhim ka maix Aux tak sang deeh kieh nawh hoek ka daux pa tud rhim heue.

YERAMIX 51:35

Pui pa ot ka daux veng Zion tak sang ah nin, “Kieh ceu pa kin, pa hoik yuh nawh ka aux mai ka nex aux hoek piang veng Babulon, veng Yerusaliem tak ah nin, “Kieh nham aux hoek piang pui pa ot ka daux haktiex Khaladie khankix heue.”

YERAMIX 8:18

Sonsang grai krax pa khi rhawm, aux sang yuh ka mawx, aux kied koe krax laux rhawm heue.

YIIEM DOE 1:13

Khaing ka plak piang, Nawh Cao hoik ploi ngu laig ka daux si-ang aux khankix mai an hoik kheem ti pex ka aux heue. Nawh Cao hoik taong ti deuh kie son sideeing caong aux mai kieh aux deeh veeh tix ing taug mao leeing lang singaix heue.

YIIEM DOE 5:17

Mawh kheu jao grawng in, rhawm rhi yix koe krax pa taug pa mao, mawh kheu jao grawng inkix ngai yix hoik vuvix,

LUKAX 23:31

Kheu phan kix yuh ceu in khankix ka khaox im khaox klai, tak sang yuh ka mawx ka khaox kroh?”

EFESUX 3:13

Mawh kheu nan aux tom khyox khaw ka pex, son ang pex sang laux rhawm ka krax kha rhawm aux son pex, pa mawh sonsang pon pex min pakngai heue.

PLAK JHI 6:10

Kix kok yo lox pa ting pa sinum, ah nin, “Simiang pa giex kaing, pa singax singeh, pa mawh meh eue, Maix tak ang prawng ciyang mai ang pawk bix ka son nham ex, ka kix pa ot ka piang haktiex khankix miex grheung.