YIIEM DOE 1:19 - Wa Common Language Translation

¹⁹ “Aux kok yo ka pui pa moh aux khankix, viang mawh nan, kix hoik pie lhen ka aux heue. Cao giex kaing li mai kuad song aux khankix, hoik dud rhawm ka daux veng, glang yam sawg kix pa ih sonsang deeh taoh ju tix heue.”

YIIEM DOE 1:19 Iomraidhean Croise

YERAMIX 2:28

Mawh kheu nan, siyiex pa hoik yuh maix son tokaux tix koe dee mawx lie? Phan kix pon taoh ka maix kieh kix kaoh mai taoh ka maix yam yaox maix krax pa kha rhawm heue. O meung Yudax eue, koe veng maix haoh hun miex ding, siyiex maix kawx haoh hun awm an heue.

YERAMIX 30:14

Pui pa moh maix khankix, hoik piawm ka maix, kix ang lai sawg lai chawk maix heue. Mawh kheu Aux hoik kieh maix mat, ka krax mat pa tawx pui koeng, tau mai krax kham geu pa kied lang teung kin kheu jao pa kied haoh hun krax lud maix mai phimap maix khankix heue.

YERAMIX 4:30

Yam hoek ceu pa laux leeing ka maix, mawh sang yuh maix ka mawx? Viang maix ceep ka kraung pa raoh kawx mai viang maix jawg tokaux tix ka kraung khri kawx, viang mai kraix ngai tix ka sidah awt kawx, pa yuh maix grang tix an mawh pa giex going heue. Paox moh maix khankix tak seeing ka maix mai tak sang sawk ti teei ju maix yum heue.

YIIEM DOE 1:1

Veng pa hoik naog ot pui ka in dix, yam in lai ngawm ti ot yiien yawg nong nong yuh ka mawx! Nawh pa hoik sax ting sax lhaong ka daux sinax ceu pui khankix ka in dix, yam in lai hoik awm miexmai yuh ka mawx! Laux simiang daux sinax haktiex ku meung ka in dix, yam in hoik lih ti mawh siliex heue.

YIIEM DOE 1:11

Pui nawh koe krax ngia krax ngheeik, kix sawg ka pa ih, kix hoik loh pa ih ka kraung khrai tix mai sonsang taoh ka ju tix heue. Siyiex eue, jhak ti yaox liak! Grawh grawng nawh, aux mawh pa hoik pon krax pa salao pui heue.

YIIEM DOE 1:2

Nawh yiiem sigrien sigre ka daux ponsawm, rawm ngai nawh khankix lih ka piang sibax nawh, sinax daux paox moh nawh, pa tawx krax nyawm rhawm ka nawh ang lai koe tix kaux kawx heue. Paox grawm paox gru nawh khawmuik hoik yuh krax pie lhen ka nawh, kix hoik lih ti mawh pui koeng nawh heue.

YIIEM DOE 2:20

Siyiex eue, jhak ti yaox mai keud ti yaox liak! Maix Cao hoik yuh ceu inkix ka pui mawx lie? Mawh sang chix ih bun ka kawn cao tix, pa mawh kawn ngie pa hoik teem kix daux taix tix lie? Sang chix mawh cao giex kaing li mai cao jhai khankix pa pah ti yum ka dah dee pa singax singeh Siyiex lie?

YIIEM DOE 4:17

Ngai ex hoik vuvix ka pau ex tix jhak giex going mai ang koe pui pa sang teem ex heue. Ka daux krax pa pau ex ti jhak, ex hoik pau ti jhak ka son ceu pui pa ang pon taoh ka ex heue.

YIIEM DOE 5:12

Taix simiang khankix mawh pa phyawk tix mai tak teue ka kix mai ang lai koe krax yungyi nab yam ka kuad song khankix heue.