YIIEM DOE 1:18 - Wa Common Language Translation

¹⁸ Siyiex mawh pa rahsee heue. Grawh grawng nawh, aux hoik lheu ka gumlox pingnyap Nawh heue. Pui khawmuik eue, nghiet heue. Mai jhak ka krax pa kha aux rhawm tix, bunkrih aux mai pui awn ju aux khankix hoik kham ka krax pa giex laung tix hu heue.

YIIEM DOE 1:18 Iomraidhean Croise

1 SIMIANG 13:21

mai nawh kok ah nin ka pui Siyiex pa kaoh khaing meung Yudax, Simiang Siyiex ah nin, mawh kheu jao ang maix nghiet lox Simiang Siyiex mai ang priex ka lox tawm pingnyap pa tawm Simiang Siyiex ka maix,

EZARAX 9:13

Mawh kheu kaing pa caox caig mai pa lud ting yuh ex, ex tom yaox ti kham geu yuh nin, viang Siyiex ciyang ka ex kawx, kawn lheu iak khaing phimap pa caw ex tix kham geu mai hoik tawx ex pon krax pa taoh awm in,

NEHAMIX 9:26

Viang mawh nan kix ang cu nghiet mai hoik tieh feen ka Maix Cao mai tik vud ka lox tat jhawm prawng Maix Cao plak khaix tix mai hoik pah ka cao jhai Maix Cao khankix, pa sidiex gau kix sonsang veeh tix ing ka Maix Cao mai kix hoik yuh kaing pa salao pa kied ting lhaong heue.

NEHAMIX 9:33

Viang yuh ka mawh kawx Maix Cao rahsee ka can ceu pa hoik lih ti mawh piang yix khawmuik, mawh kheu maix Cao hoik kied kaux sijax tete, viang mawh nan yix hoik yuh pa ang rahsee heue.

YAOGYAW 107:11

Mawh kheu thiang kix ti tik ka gumlox Siyiex mai nieb yuh pa ang cee ang cag ka krax pa keud pa sawn Siyiex Cao pa ting lhaong khaing khawmuik heue.

YAOGYAW 119:137

Siyiex eue, Maix mawh pa rahsee heue. Grawng krax prawng ca Maix khankix kawx, mawh pa rahsee heue.

YAOGYAW 119:75

Siyiex eue, aux tawng grawng krax prawng ca Maix mawh pa mawh meh mai pa kieh Maix aux yaox krax kha rhawm khaw mai sijax mukheu Maix heue.

YAOGYAW 145:17

Daux krax Siyiex mawh pa rahsee mai pa yuh Nawh ti deuh khawmuik mawh pa singax singeh heue.

LIH HU 9:27

Pharaw ploi pui hu, kok ka Mose mai Arun ah nin ka kiex, “Yam in aux hoik lud, Siyiex mawh pa rahsee, pui aux khankix mai aux hoik mawh pa lud.”

YERAMIX 12:1

Siyiex eue, yam ka kum aux tau mai Maix, Maix Cao mawh pa rahsee, viang mawh nan, kieh aux chawk grawng krax prawng ciyang Maix khankix ka Maix Cao liak, pui caox caig khankix lai koe krax haok hwan kheu jao grawng pa yuh ka mawx lie? Pui pa ang kaux sijax khankix lai koe krax nyawm rhawm kheu jao grawng pa yuh ka mawx lie?

YERAMIX 32:23

Kix hoik laig ka daux mai teei ti cie haktiex an, viang mawh nan, kix ang cu nghiet ka lox Maix Cao mai ang lawng hu ka daux lox tat jhawm prawng Maix Cao heue. Kix ang yuh awm pa hoik tawm Maix kix yuh tix ceu kawx heue. Mawh kheu nan, Maix Cao hoik kieh krax pa kha rhawm in khawmuik hoek piang kix heue.

YERAMIX 4:17

Kix hoik vung viang ka haktiex Yudax awm cao pa pau ka kaung heue. Grawh grawng nawh, haktiex an, hoik tieh feen ka aux, Siyiex ah nan heue.

YERAMIX 49:12

Mawh kheu Siyiex ah nin, “Jhak heue, pui pa ang keung tix nyaux ka kawk nyaux an mai phan nyaux ka, Mawh Sang khaw maix tix luan khaing pa ciyang lie? Maix tak ang yaox ti luan khaing pa ang ti nyaux, viang mawh nan maix tak yaox ti nyaux tete heue.

YIIEM DOE 1:12

Pex khawmuik pa tiang ti hu hawt baoh an khankix eue, mawh ang an saux ka rhawm pex lie? Jhak ti yaox liak! ceu pa awm krax pa laux rhawm lauxrhi aux koe ang koe lie? Ka pa hoik dawg hoek ka piang aux mai ka pa kieh Siyiex aux kha rhawm tix, ka daux singaix kied song rhawm song rhi Nawh Cao heue.

YIIEM DOE 3:42

Ex hoik lud mai hoik tieh feen, Maix Cao ang nyang koe krax pa pluat ploi heue.

YIIEM DOE 5:16

Mhok khri hoik rau khaing kaing yix, krax pa kha rhawm koe ka yix, kheu jao hoik lud yix heue.

DANYELAX 9:5

“Ex hoik lud mai koe phimap. Ex hoik yuh ceu pa caox mai hoik tieh feen ka Maix Cao mai hoik singai hu khaing daux been pa deuh Maix Cao mai khawm lox tat jhawm prawng Maix Cao khankix heue.

DANYELAX 9:7

Siyiex eue, Maix Cao mawh pa rahsee, pakngai yix mawh pa kaig tua, awm koe an kix ka daux singaix in, ka pui meung Yudax, ka can pui pa ot ka daux veng Yerusaliem mai ka ceu pui Isarelax khankix pa ot dee dex ang ah mai pa ot dee singai ang ah ka daux haktiex khankix khawmuik, ka pui pa hoik grheu Maix Cao kix, kheu pa ang kix kaux sijax mai pa hoik lud kix ka Maix Cao heue.

AMOT 8:13

Ka daux singaix an, bun krih pa mhawm grang mai sinaw pui awn ju khankix, tak koe krax pa taug pa mao kheu pa sang nyaux nie rawm heue.

ZEPHANIX 3:5

Siyiex mawh pa rahsee, ka daux sigreung nawh, Nawh Cao ang yuh krax pa ang rahsee tix ceu kawx, ka daux plak ponngawb ku ngawb, Nawh Cao jhi krax pa rahsee tix sidawng mai ang koe ngaix tang siyox, viang mawh nan, pui pa ang rahsee ang tawng ti koe krax kaig tua heue.

ZAKHARIX 1:6

Viang mawh nan, gumlox beenli pa deuh Aux khankix, ka pa hoik tawm Aux ti deuh ka kawncau Aux pa mawh cao jhai khankix, mawh ang hoek ka keeing pex lie? “Kix hoik deeh ing hoek mai ah nin awm hoik tat Siyiex cao kru naing raoma rhawm rhi tix ti sang yuh ka piang ex, awm koe krax grawng pa yuh ex mai awm koe kaing pa yuh ex, mawh kheu nan, Nawh Cao hoik yuh ka ex heue.”

ROMAX 2:5

Kheu pa kiien rhawm mai rhawm pa ang chix doh keud ka phimap tix mai rhawm ti deuh ceu pa song rhawm son tokaux tix, ka daux ngaix pa song rhawm mai yam sang sidawng pa prawng ciyang Siyiex rahsee.

ROMAX 3:19

Ex tawng grawng can pa ah lox lai beenli, sang ah ka kix pa ot greem lox lai beenli. Kheu sonsang thox jheeh ku mu mai sonsang viex pui haktiex khawmuik hoek greem pa prawng ca Siyiex heue.

PINGNYAP 32:4

Nawh Cao mawh rang ting, kaing jhaw Nawh Cao mawh pa grum pa naog, daux krax Nawh Cao mawh pa khaw caw mai mawh Siyiex pa mawh meh mai pa ang koe krax lud, Nawh Cao mawh pa rahsee mai pa kaux sijax.

CAO PRAWNG 1:7

Mai simiang Adawnix Beziet ah nin, “Aux hoik tat giien ting taix mai giien ting caong simiang atixgliah kaux, can pa ih priex ka greem pheen sawm aux, awm pa hoik yuh aux, Siyiex hoik deeh pawk ka aux heue.” Khaix an kix viex nawh hu ka veng Yerusaliem mai nawh yum tan heue.

1 SAMOELAX 15:23

Mawh kheu pa tieh feen awm phimap pa yuh phicaox mai pa kiien rhawm awm phimap pa caox mai pa krub riang grang, mawh kheu hoik thiang maix ka gumlox Simiang Siyiex, Nawh kawx thiang ka simiang mawh maix.”