YIIEM DOE 1:17 - Wa Common Language Translation

¹⁷ Kawn bun Zion yaog taix tix mai pui pa sang tawx krax nyawm rhawm nawh ang koe heue. Siyiex hoik tawm ti deuh lox ka son grawng Yakop, ka tak sang mawh pui pa ot hawt vung viang nawh khankix pui koeng nawh, mai veng Yerusaliem hoik mawh ceu pa ang singax ka daux sinax kix heue.

YIIEM DOE 1:17 Iomraidhean Croise

1 SIMIANG 8:22

Sawlamon cung ka plak sivoe khu dee tan Simiang Siyiex mai ka plak sivoe pui hun Isarelax mai nawh yaog taix tix khawm ra khawn ka raoma,

1 SIMIANG 8:38

pui Maix Isarelax tix kaux kaux ang ah, yam hoik tawng nawh ka krax ciyang pa hoek ka piang tix ka daux rhawm nawh mai phan nawh hoik yaog taix tix rawg bwan khyox khaw ka ceu patix ang ah, ka daux nyiex bwan in,

2 SIMIANG 25:1

Daux bawg yam kwang Zedekiyax ka haktiex dim num ka daux khix kao, kaongaix tix ngaix, ka daux khix an, Nebukhaneza simiang Babulon mai cub kru naing nawh khawmuik, hoek puing ka veng Yerusaliem mai lai lawm ka vung viang veng mai kaong ka guh veng heue.

SIDIEX 4:1

Khaix an aux deeh keud ti yaox krax pa tuktiak, pa hoik yuh tix greem singaix khawmuik mai jhak ka rawm ngai can pui pa yaox ti kham geu krax tuktiak, mai ang koe pui pa pon tawx krax nyawm rhawm ka kix tix kaux kawx heue. Mawh kheu can pui pa tuktiak khankix koe sibrawm, pui pa pon tawx krax nyawm rhawm ka kix ang koe tix kaux kawx heue.

ISAYAX 1:15

Yam nyeu pex khawn taix tix khankix lih, Aux tak mox ngai khaing pex, pie viang pex yuh krax pa rawg tix bwan tom nie kawx Aux tak ang nghiet kah heue. Taix pex khankix mawh pa hoik naog ka nham heue.

ISAYAX 54:11

Maix pa mawh pa hoik kha rhawm tix mai pa hoik phlu bhaung ting mai pa ang nyang koe krax pa nyawm rhawm eue, jhak heue, Aux tak sang yuh ti deuh jaong simaox maix ka siang simaox pa toh riang mai yuh ti deuh num riah maix khankix ka siang simaox pa klai heue.

YERAMIX 12:9

Sin ngao cie aux hoik lih awm klang preeh ka aux lie? Klang preeh an ot hawt rawb rim an khawmuik, mawh pa tieh feen ka nawh lie? Hoek heue, khrawm totiag pa koe daux tiag khankix hoek khawmuik, viex hoek sonsang kiied ti ih heue.

YERAMIX 15:5

“Veng Yerusaliem eue, mawh pui mawx pa sang caux rhawm ka maix lie? Phan ang mawh nan, mawh pui mawx pa sang laux rhawm tau mai maix lie? Phan ang mawh nan, mawh pui mawx pa sang veh tix chawk grawng nyawm ot maix lie?”

YERAMIX 16:6

Pui ting pui iak khankix tak sang yum tau ka daux haktiex in mai tak ang lai yaox ti sipaung kix mai ang lai koe pui yiiem grai son kix mai ang pon ti pat tokaux cao tix mai ang pon khlao hauk kaing tix pak son kix heue.

YERAMIX 34:22

Siyiex ah nin, jhak heue, Aux tak sang tawx lox hu mai kieh kix deeh hoek ka veng in, kix tak rhim ti teei mai gleeing ka ngu mai Aux tak kieh haktiex Yudax mawh dee pa yiien mai dee ang pui lai ot ka heue.”

YERAMIX 4:31

Mawh kheu Aux hoik mhong lox pa awm lox ngia bun keh pa ang sax keh kawn tix mai lox ngia pa saux nawh awm bun pa liang ti keh kawn tix, awm an lox yo kawn bun veng Zion ka daux pa ngia nawh pa neh taix tix ah nin, “Aux koe krax kha rhawm yam in heue. Aux kied koe krax pa laux rhawm kheu jao grawng cao pa pah pui khankix heue.”

YERAMIX 6:3

Cao liang yung mai yung khankix, tak hoek bleeh ka nawh. Kix tak sum nyiex gox tix plak hawt vung viang nawh khawmuik. Kix tang kuah tix ih dee ot pui mawx pui an heue.

YERAMIX 8:18

Sonsang grai krax pa khi rhawm, aux sang yuh ka mawx, aux kied koe krax laux rhawm heue.

YIIEM DOE 1:16

Kheu jao grawng ceu inkix aux yiiem mai ngai aux hoik lih rawm ngai, grawh grawng nawh, cao pa tawx krax nyawm rhawm pa tak sang deeh taoh ti teei ju aux, mawh pa kied singai khaing aux heue. Kawn praix aux khankix hoik voi, mawh kheu hoik pex pui koeng heue.

YIIEM DOE 1:19

“Aux kok yo ka pui pa moh aux khankix, viang mawh nan, kix hoik pie lhen ka aux heue. Cao giex kaing li mai kuad song aux khankix, hoik dud rhawm ka daux veng, glang yam sawg kix pa ih sonsang deeh taoh ju tix heue.”

YIIEM DOE 1:2

Nawh yiiem sigrien sigre ka daux ponsawm, rawm ngai nawh khankix lih ka piang sibax nawh, sinax daux paox moh nawh, pa tawx krax nyawm rhawm ka nawh ang lai koe tix kaux kawx heue. Paox grawm paox gru nawh khawmuik hoik yuh krax pie lhen ka nawh, kix hoik lih ti mawh pui koeng nawh heue.

YIIEM DOE 1:21

Kix hoik mhong lox pa ngia ngheeik aux, pui pa sang tawx krax nyawm rhawm ang lai koe ka son aux heue. Pui koeng aux khawmuik hoik mhong ka grawng krax pa kha rhawm aux mai kix koe krax gaux rhawm ka hoik yuh Maix Cao ka ankix heue. Kieh singaix krax pa hoik pao Maix Cao ti deuh hoek liak! Sonsang pon kix tix awm aux heue.”

YIIEM DOE 1:8

Veng Yerusaliem hoik kied ting lud tom nie, mawh kheu nan, nawh hoik mawh ceu pa seeing heue. Can pui pa nab yam ka nawh khawmuik, deeh koe krax pa salao ka nawh, kheu jao yaox kix ang nawh ceep kraung heue. Mawh heue, tokaux nawh hoik ngia ngheeik mai deeh veeh ti hu plak khaix heue.

YIIEM DOE 1:9

Krax pa seeing nawh hoik koe ka piang sibex dhah nawh heue. Nawh ang lai keud ka dee sidah ju tix, mawh kheu nan, krax pa laux leeing nawh hoik mawh pa daox am pui ka mai nawh ang lai koe cao pa tawx krax nyawm rhawm pie tix kaux kawx heue. Siyiex eue, jhak ka krax pa kha rhawm aux liak! Mawh kheu pui koeng hoik tang yaw tokaux cao tix heue.

YIIEM DOE 4:15

Pui kok yo ka kix ah nin, “Hu dee singai heue. Pex pa ang singax singeh khankix eue, hu luan dee singai heue, paw krox teeh ka yix!” Yam hoik to kix mai yam hoik vung viang kix tix hu, pui ankix pa ot ka daux sinax ceu pui khankix ah nin, “Kix ang lai pon tix ot tin heue.”

YEZAKELAX 36:17

“Kawn pui eue, yam ot nyiex ma ceu pui Isarelax ka daux haktiex cao tix, kix hoik seeing yuh haktiex tix ka can pa yuh tix, kaing mai jhawm pa yuh kix hoik seeing brai sivoe ngai Aux awm bun pa hoek mee heue.

HOSE 8:8

Ceu pui Isarelax mawh pa hoik bleet ti grai, yam in kix ot ka daux sinax pui tang ceu tang meung, awm aw tawng, pa ang pui khaw rhawm kah heue.