YIIEM DOE 1:16 - Wa Common Language Translation

¹⁶ Kheu jao grawng ceu inkix aux yiiem mai ngai aux hoik lih rawm ngai, grawh grawng nawh, cao pa tawx krax nyawm rhawm pa tak sang deeh taoh ti teei ju aux, mawh pa kied singai khaing aux heue. Kawn praix aux khankix hoik voi, mawh kheu hoik pex pui koeng heue.

YIIEM DOE 1:16 Iomraidhean Croise

YAOGYAW 106:42

Pui pa koeng ka kix, tuktiaktukte ka kix mai kix yaox ti ot mai yuh siliex greem tawm taix kix heue.

YAOGYAW 119:136

Mawh kheu ang kix priex ti hawt ka beenli Maix, rawm ngai aux lih awm rawm klawng heue.

YAOGYAW 69:20

Mawh kheu lox pa salao, aux kied khi rhawm mai laux rhawm mai sawg pui pa sang caux rhawm ka aux ang koe tix kaux kawx mai aux sawg pui pa sang kieh aux nyawm rhawm kawx, ang yaox tix kaux kawx heue.

SIDIEX 4:1

Khaix an aux deeh keud ti yaox krax pa tuktiak, pa hoik yuh tix greem singaix khawmuik mai jhak ka rawm ngai can pui pa yaox ti kham geu krax tuktiak, mai ang koe pui pa pon tawx krax nyawm rhawm ka kix tix kaux kawx heue. Mawh kheu can pui pa tuktiak khankix koe sibrawm, pui pa pon tawx krax nyawm rhawm ka kix ang koe tix kaux kawx heue.

ISAYAX 54:11

Maix pa mawh pa hoik kha rhawm tix mai pa hoik phlu bhaung ting mai pa ang nyang koe krax pa nyawm rhawm eue, jhak heue, Aux tak sang yuh ti deuh jaong simaox maix ka siang simaox pa toh riang mai yuh ti deuh num riah maix khankix ka siang simaox pa klai heue.

YERAMIX 13:17

Viang mawh nan, phan pex ang cu tix nghiet ka an, khwan ju Aux tak yiiem ka dee glip ka son krax ting rhawm ca nyhau pex, ngai aux tak yiiem sigrien sigre mai roik rawm ngai, kheu jao hoik teei cub phung yung Siyiex hu awm pa giex laung heue.

YERAMIX 14:17

Mawh kheu nan maix tak krai gumlox in ka kix, kieh rawm ngai Aux jauh lih ku singaix mai ang chix naox heue. Mawh kheu kawn bunkrih ceu pui aux khankix, hoik pot si-ang mai krax kham pa kied ting kin saux heue.

YERAMIX 15:5

“Veng Yerusaliem eue, mawh pui mawx pa sang caux rhawm ka maix lie? Phan ang mawh nan, mawh pui mawx pa sang laux rhawm tau mai maix lie? Phan ang mawh nan, mawh pui mawx pa sang veh tix chawk grawng nyawm ot maix lie?”

YERAMIX 8:18

Sonsang grai krax pa khi rhawm, aux sang yuh ka mawx, aux kied koe krax laux rhawm heue.

YERAMIX 9:1

O kieh kaing aux lih mawh rawm giex mai kieh sok ngai aux mawh rawm keut dee lih rawm ngai, aux tak sang yaox tix yiiem ku singaix son grawng pa yum kawn bun pui aux khankix liak.

YERAMIX 9:10

Aux tak sang koe krax yiiem grai mai ngia son gawng lua khankix mai krax yiiem doe son daux tiagtu khankix, kheu jao hoik proe baoh dee an, tom ang pui tix kaux kawx pon tiang tix hu ka dee an, mai pui khankix ang lai pon tix mhong lox tobrie, sim raoma mai totiag hoik to tix luan heue.

YERAMIX 9:21

Grawh grawng nawh, krax yum hoik hoek bleeh ka ex mai hoik laig ka daux nyiex haw simiang ex, sonsang pah ti tik kawn nyawm khankix ka plak praix mai pui awn ju khankix piang krax heue.

YIIEM DOE 1:2

Nawh yiiem sigrien sigre ka daux ponsawm, rawm ngai nawh khankix lih ka piang sibax nawh, sinax daux paox moh nawh, pa tawx krax nyawm rhawm ka nawh ang lai koe tix kaux kawx heue. Paox grawm paox gru nawh khawmuik hoik yuh krax pie lhen ka nawh, kix hoik lih ti mawh pui koeng nawh heue.

YIIEM DOE 1:9

Krax pa seeing nawh hoik koe ka piang sibex dhah nawh heue. Nawh ang lai keud ka dee sidah ju tix, mawh kheu nan, krax pa laux leeing nawh hoik mawh pa daox am pui ka mai nawh ang lai koe cao pa tawx krax nyawm rhawm pie tix kaux kawx heue. Siyiex eue, jhak ka krax pa kha rhawm aux liak! Mawh kheu pui koeng hoik tang yaw tokaux cao tix heue.

YIIEM DOE 2:11

Ngai aux hoik roik rawm ngai, tom hoik pupie, mai daux vaig daux tu aux hoik lukliak, ghin aux hoik glup ti lih ka piang tiex, kheu jao krax laux leeing kawn bun ceu pui aux khankix mai kheu hoik khrup rhawm kawn nyawm mai kawn nyawm peuex teeih khankix ka daux krax daux veng heue.

YIIEM DOE 2:18

Rhawm kix kok yo ti sawg ka Siyiex, guh veng kawn bun veng Zion eue, kieh rawm ngai maix khankix lih hu awm rawm klawng, ku singaix mai paw kieh kawn ngai maix koe krax laux lee tix heue.

HOSE 9:12

Viang kix eei kawn praix tix haok hwan ting lhaong kawx mai Aux tak sang kieh kawn praix kix som nai khawmuik, ang lai kieh deuk tix kaux kawx heue. Yam tik vud Aux ka kix mai kix tak koe krax kha rhawm heue.