YIIEM DOE 1:15 - Wa Common Language Translation

¹⁵ Siyiex hoik dig pui pa kied ting riang ting rao khankix pa ot ka daux sigreung aux, Nawh Cao hoik kok cub pui hun tix cub hoek tuktiak ka aux, sonsang kleeig pui awn ju aux khankix phawng heue. Siyiex hoik biiet bunkrih Yudax awm biiet rawm plix siiet heue.

YIIEM DOE 1:15 Iomraidhean Croise

2 SIMIANG 9:33

Yehu ah nin, “Cot kiex rau!” mawh kheu nan, kix cot kiex rau mai nham kiex hoik phrit ka guh veng mai ka piang brung, mai brung hoik dug dig kiex heue.

YAOGYAW 119:118

Maix tik vud ka pui pa lud krax ka lox tawm beenli Maix khankix heue. Pa keud kix mawh pa pie lhen heue.

ISAYAX 28:18

Sijax mukheu yuh pex tau mai krax yum, tak laux leeing mai pa khaw rhawm maix ti yuh paox pie tau mai meung yum, tak ang kaux cong, yam hoik luan krax kha rhawm an mai an tak dig ka pex.

ISAYAX 41:2

Pui mawx pa so ka pui tix kaux hoek khaing haktiex plak lih singaix lie? Pui ka koe riang rao tix pex, Nawh Cao tak ap pui kuceu ka nawh, nawh tak dig simiang khankix greem caong tix mai yuh awm phawng tiex ka vaig lawm tix mai ak nawh kieh kix awm kam phlu bhaung hu sidauh.

ISAYAX 5:5

Yam in yuh bwanson kieh Aux krai pex mhong grawng sang pon yuh Aux ceu patix ka sipeem plix siiet Aux, Aux tak sang teei ti viex nawh mai gleeing ka ngu mai yieh ti tik guh veng nawh mai kieh pui ting dig ka heue.

ISAYAX 63:3

Aux hoik biiet rawm plix siiet nong nong mai pui tix kaux kawx ang lai ot tau mai aux, khaing daux pui khankix heue. Grawh grawng nawh, Aux hoik biiet an kix ka daux krax pa song rhawm Aux, hoik dig an kix ka daux pa kied song rhawm Aux heue. Nham kix hoik phrit ti lih ka piang kraung ceep Aux mai hoik kawm yuh kraung ceep Aux khawm jung heue.

YERAMIX 13:24

Mawh kheu nan, Aux tak sang kieh kix prung prang awm kam, pa taih bhaung pa kaoh khaing daux tiex tug heue.

YERAMIX 14:17

Mawh kheu nan maix tak krai gumlox in ka kix, kieh rawm ngai Aux jauh lih ku singaix mai ang chix naox heue. Mawh kheu kawn bunkrih ceu pui aux khankix, hoik pot si-ang mai krax kham pa kied ting kin saux heue.

YERAMIX 18:21

Mawh kheu nan, ap kawn praix kix ka pa sibhawm praix mai ap kix ka sibrawm lawm vaig, kieh moeng kix mawh miexmai mai kieh kawn praix kix yum heue. Kieh pui pah ka pui ting kix yum mai kieh pui awn ju kix yum ka lawm vaig daux naing heue.

YERAMIX 37:10

Viang pex hoik pex ka cub kru naing pui Khaladie pa puing ka pex khawmuik kawx mai deuk ngie pui mat ka daux sinax kix kawx, kix ku kaux tak kaoh khaing daux nyiex gox tix mai gleeing veng ka ngu heue.”

YERAMIX 50:26

Hoek puing ka nawh, jah khaing mee plak in tom hoek plak an, paoh ka nyiex krao nawh khankix mai pum nawh awm pum nghox mai yuh nawh laux leeing pak lawg heue. Paw lai kieh nawh deuk tix ceu kawx heue.

YERAMIX 51:34

“Nebukhaneza simiang Babulon hoik kiied ti ih aux mai hoik krid aux phawng, nawh hoik yuh aux mawh aw yi tix mu, nawh hoik bleet ti ih aux, awm siyawng mai nawh hoik kieh vaig tix naog ka ceu pa gaux rhawm aux khankix, Nawh grheu aux lih hu heue.

YERAMIX 6:11

Mawh kheu nan, krax pa meet rhawm Siyiex hoik naog ka daux aux heue. Aux taug mao ka giex tix an heue. “Aux tak klup an lih piang kawn nyawm pa ot daux krax mai piang pui awn ju pa kraix khrawm tix tau heue. Grawh grawng nawh, mex moeng khawm ra tak teei tix hu tau, khawm pui riex ju pa koe tau mai nawh khankix heue.

YIIEM DOE 2:21

Pui pa awn ju mai pui pa riex ju khankix nyat tix ka piang tiex ka daux krax khankix heue. Bunkrih mai sinaw aux khankix hoik goh ti yum ka vaig lawm mai Maix Caox hoik pah kix yum ka daux singaix koe krax pa song rhawm Maix Cao heue. Cao hoik pah ti tik kix mai ang lai koe krax caux rhawm ka piang kix heue.

YIIEM DOE 3:34

Sonsang dig pui haktiex pa ot daux thawng phawng khawmuik, ka greem caong tix,

DANYELAX 3:13

Yam an, simiang Nebukhaneza, hoik kied song rhawm mai kied saux rhawm mai nawh hoik tawx lox tix hu kok Shadariet, Meshak mai Abedanego khankix hoek heue. Mawh kheu nan, kix hoik viex pui inkix hoek ka plak sivoe simiang heue.

YOLAX 3:13

Khre sivawg heue, mawh kheu nghox pa sang vawg hoik kaux heue. Hoek mai laig biiet heue.. Grawh grawng nawh, dee krid rawm plix siiet hoik naog heue. Ang mai aw khankix hoik kreh hoik naog, grawh grawng nawh, ceu pa caox yuh kix mawh pa kied ting lhaong heue.”

MIKHA 7:10

Yam an pui pa koeng ka aux, pa hoik sax ah nin ka aux, Siyiex maix pa mawh Siyiex leeing ju koe dee mawx lie? Yam yaox nawh ka ceu inkix krax kaig tua tak sang kheem ka piang nawh, ngai aux tak sang yaox ka nawh, nawh tak sang mawh pa dig tix greem caong, awm glaox pa koe ka piang krax khankix heue.

MALAKHIX 4:3

Pex tak sang dig ka pui pa caox caig. Kix tak sang awm nyaox greem tiag caong pex, ka daux singaix hoik tat Aux ti deuh. “Siyiex cao kru naing raoma ah nan heue.

LUKAX 21:24

Kix tak goh tak laux ka lawm vaig mai tak sang giex ti tuk kix hu, ku praix ku meung heue. Pui tang ceu tak sang dig veng Yerusaliem tiem, tom hoik naog bawg yam pui tang ceu khankix heue.

PINGNYAP 28:33

Ceu pui pa ang maix sax tawng, tak teei ti ih plix khaox plix ox haktiex maix, khawm can ceu pa pon maix khaing riang tokaux ti mai maix tak mawh pa kham geu krax pa khin pa thux pui jheung jheung.

HEBRIE 10:29

Kaw pa hoik dig ka Kawn Siyiex ka greem caong nawh mai hoik een nham sijax mukheu pa hoik kieh nawh singax singeh, mawh ceu pa ang singax mai hoik nieb yuh pa ang cee ang cak ka bwanson Khuan Cao, pex ce nawh mawh pa keung ti pon krax ciyang pa nie lheu lang teung nu miex ding?

PLAK JHI 19:15

Khaing daux jheeh Nawh lih vaig lawm tix kre, sonsang mug ka ceu pui khankix kah Nawh tak sang kwang sang giex kaing kix ka khaox gix rhiem heue. Nawh dig ka dee biiet ti teei rawm plix siiet ceu pa song rhawm song rhi Siyiex, pa mawh Cao pa ting sibrawm piang khawmuik heue.

CAO PRAWNG 10:8

Jah ka daux num an kix hoik yuh krax tuk krax kha mai yeen yah ka pui Isarelax khankix kao daix num, pa ot ka praok toi rawm klawng Yawdan, dee ot pui Amawrix ka daux haktiex Gilat heue.