YIIEM DOE 1:14 - Wa Common Language Translation

¹⁴ Khaox glawm krax pa lud aux hoik mawh pa phyawk tix ka khaing taix Nawh Cao, ankix hoik mawh pa vung viien tix vien tau mai sau nawh hoek ka piang ngawg aux, Nawh Cao hoik kieh riang rao aux yawm hu, Siyiex hoik ap aux ka daux tawm taix, pui ankix pa ang aux pon tiebtie heue.

YIIEM DOE 1:14 Iomraidhean Croise

LOX KAB 5:22

Pui caox pa nieb yuh khankix, phimap pa caox pa yuh kix deeh giex ka kix mai tak sang kham geu ka pa phyawk maox phimap ka tix heue.

ISAYAX 14:25

Aux tak sang raig ti tik pui Asurix khankix khaing daux haktiex Aux mai dig nawh greem caong tix ka piang gawng Aux heue. Gah khaox glawm nawh khaing ceu pui Isarelax mai tah beeh cien khaing piang klip kix heue.

ISAYAX 47:6

Aux song rhawm ka pui tix, Aux teei sinngao tix lih mai ap kix ka tawm taix maix, maix ang lai caux rhawm ka kix maix deuh beeh glawm pa cien ka piang kuad.

YERAMIX 25:9

jhak heue, Aux tak sang ploi mai teei nyiex ma pui khaing plak laong mai kawncau Aux Nebukhaneza simiang Babulon mai viex kix hoek puing ka daux haktiex in, ka pui pa ot ka daux nawh mai ka ceu pui pa ot hawt vung viang nawh khawmuik mai tak yuh kix laux lak pak leeing mai kieh kix koe pa daox deng mai lox pa sibriem mai dee pa yiien pui sijheeng heue.

YERAMIX 27:12

Aux hoik baox krai Zedekix simiang haktiex Yudax, awm pa koe gumlox inkix pa ah nin, “Sau ngawg pex ka greem iak simiang Babulon mai yuh kaing jhaw nawh mai ka pui nawh khankix sonsang im ju pex heue.

YERAMIX 27:8

An tak lih ti mawh ka ceu pui mai meung haktiex, pa ang yuh ka kaing jhaw Nebukhaneza, simiang Babulon mai pa ang cu ti sau ngawg tix ka greem iak simiang haktiex Babulon, Siyiex ah nin ka haktiex an, Aux tak sang tawx pa ciyang ka lawm vaig, ka sibhawm praix mai ka jhawm saux preng tom hoek bawg yam ang aux bax hoik yuh kix laux leeing ka plawng taix tix heue.

YERAMIX 28:13

“Hu mai krai ka Hananix ah nin, Siyiex ah nin maix hoik raig ti tik ka iak khaox, viang mawh nan, Aux tak yuh tix plud iak rhiem ka son an heue.”

YERAMIX 28:14

Grawh grawng nawh, Siyiex Cao kru naing raoma, pa mawh Siyiex ceu pui Isarelax ah nin, “Aux hoik sau iak rhiem piang ngawg ceu pui khankix, sonsang yuh kix kaing jhaw Nebukhaneza simiang veng Babulon mai kix tak sang yuh kaing ka son nawh heue. Aux hoik baox deeh tawx totiag khankix ka nawh heue.”

YERAMIX 32:3

Grawh grawng nawh, Zedekix simiang meung Yudax, hoik laung ka Yeramix ah nin, “Maix lai krai lox jhai grawng pa ah Siyiex yuh nin, jhak heue, Aux tak ap veng in ka daux tawm taix simiang Babulon mai nawh tak sang rhim ti teei veng an,

YERAMIX 32:5

khaix an nawh tak sang thong Zedekix hu ka veng Babulon mai nawh tak sang ot tan, tom hoek bawg yam ang Aux nyang hoek kia ngien ka nawh, Siyiex ah nin, viang pex puing ka pui Khaladie kawx, pex tak ang pex ka heue.”

YERAMIX 37:17

khaix an simiang Zedekix ploi pui hu teei nawh lih heue. Simiang briex mox tix chawk nawh ka daux nyiex haw tix ah nin, “Mawh koe gumlox tix ceuceu khaing Siyiex lie?” Yeramix ah nin, koe heue, khaix an Yeramix ah nin, tak sang ap maix ka daux tawm taix simiang Babulon heue.”

YEZAKELAX 11:9

“Aux tak viex pex lih khaing ka daux veng an mai ap pex ka daux taix pui haktiex tang praix khankix mai tawx krax ciyang ka piang pex heue.

YEZAKELAX 21:31

Aux tak klup krax song rhawm ka piang maix mai Aux tak phlu ngu pa song rhawm tix ka maix mai Aux tak ap maix ka daux tawm taix pui pa lang teung kin yuh krax laux leeing heue.

YEZAKELAX 23:28

Siyiex ah nin, “Aux tak ap maix ka daux taix pui koeng maix mai ka daux taix pui pa seeing maix ka heue.”

YEZAKELAX 25:4

mawh kheu nan, aux tak ap maix ka pui plak lih singaix sonsang mawh sinngao kix mai nawh tak yuh bang ka sinax maix mai kix yuh dee ot daux sinax pex; kix tak ih plix khaox plix ox mai nyaux rawm teeih pex heue.

YEZAKELAX 25:7

mawh kheu nan, Aux tak nyeu taix tix mai puing ka pex, mai tak ap pui tang ceu tud rhim ka pex, Aux tak sang tat ti tik pex khaing ceu pui khankix mai tak yuh pex grai krup khaing haktiex, Aux tak yuh pex laux leeing mai pex tak tawng ka mawh Aux Siyiex heue.

HOSE 5:14

Grawh grawng nawh, aux tak sang mawh pa awm sivai sangsi ka son Epharem mai awm kawn sivai sangsi pa awn ju ka son nyiex ma pui Yudax khankix heue. Aux tak sang puk paig ti tik kix mai hu, Aux tak sang teei kix luan mai ang lai koe pui pon kieh kix heue.

MIKHA 2:3

Mawh kheu nan, Siyiex ah nin “Jhak heue, Aux hoik keud ti sang tawx krax laux leeing ka piang nyiex ma pui in, krax laux leeing in tak ang pon ti boek khaing ka piang ngawg kix mai pex tak ang lai pon yaog kaing tix lailing, grawh grawng nawh, in mawh bawg yam koe ceu pa caox caig heue.

PINGNYAP 28:48

mawh kheu nan maix tak yaox ti yuh kaing jhaw pui pa koeng tix khankix, pa ploi Siyiex hoek ka maix, ka daux pa cai rhawm tix mai pa sang nyaux nie rawm mai pa ang koe kraung ceep mai ka pa cud cha kuceu mai Nawh Cao tak sau iak rhiem piang ngawg maix, tom sidah yuh Nawh Cao maix laux leeing.