YIIEM DOE 1:13 - Wa Common Language Translation

¹³ Khaing ka plak piang, Nawh Cao hoik ploi ngu laig ka daux si-ang aux khankix mai an hoik kheem ti pex ka aux heue. Nawh Cao hoik taong ti deuh kie son sideeing caong aux mai kieh aux deeh veeh tix ing taug mao leeing lang singaix heue.

YIIEM DOE 1:13 Iomraidhean Croise

YAWBAX 18:8

Grawh grawng nawh, tokaux nawh hoik krix ka rub mai caong nawh hoik cub tix daux kie heue.

YAWBAX 19:6

pex khaw ti tawng ka hoik mawh pa yuh Siyiex ka aux mai hoik vung fiien aux ka rub Nawh Cao heue.

YAWBAX 30:30

Hak aux lih ti lung mai grhuah hu khaing aux; si ang aux khankix hoik hax awm ngu heue.

YAOGYAW 129:5

Can pui pa koeng ka veng Zion khankix khawmuik, kieh kix hoek krax pa kaig tua mai deeh dak plak khaix liak.

YAOGYAW 140:5

Pui pa ting rhawm khankix, teei maox siah mai mox ti taong kie ka son aux, kix teei rub di ti deuh ka daux krax ka son aux heue.

YAOGYAW 22:14

Kix klup ti tik aux, piang tiex awm rawm, si-ang siawp aux kawx, hoik tang hu, rhawm aux kawx, ceh hu awm bee kax, ka daux naok aux heue.

YAOGYAW 31:10

Aux hoik dawd ju, mawh kheu khi rhawm aux, aux ngia ku num mai riang rao aux rau hu mai si-ang aux graig hu kheu phimap heue.

YAOGYAW 35:4

Pui pa sawg tix plaux ka ju aux khankix, kieh plakngai kix hoek krax pa kaig tua mai pui pa bak ti yuh pa caox ka aux khankix, kieh deeh blak plak khaix tix mai koe krax pa kaig pa tua khawm lhat tix liak.

YAOGYAW 38:8

Rhawm aux bih mai siyaung tix mai riag yo heue.

YAOGYAW 66:11

Maix hoik kieh ex krix ka daux kie mai hoik sau kraung pa cien ka piang blawg ex heue.

LIH HU 12:9

Paw doh ih nex im mai nex ngaik. Viang mawh nan, kaing, caong, tawm mai sok rhawm, pex tak pon ti ih khaix hoik tong pex ka ngu.

ISAYAX 42:17

Pui pa een rhawm ka riang rao pa saik mai pa ah nin ka pui raug riang rao an, “Maix mawh siyiex yix, “Kix tak deeh veeh tix plak khaix mai hoek krax kaig pa ting lhaong.

YERAMIX 44:6

Mawh kheu nan, krax meet rhawm meet rhi Aux mai krax song rhawm aux hoik klup lih mai hoik gleeing veng pa koe daux haktiex Yudax mai pa koe piang krax veng Yerusaliem khankix mai an khankix laux leeing mai mawh dee yiien pui awm pa hoik lih ti mawh ka daux in singaix heue.

YIIEM DOE 1:22

Kieh krax pa caox caig yuh kix hoek ka plak sivoe Maix Cao khawmuik mai yuh ka piang kix awm pa hoik yuh Maix Cao ka aux, kheu jao krax pa lud aux khankix khawmuik heue. Grawh grawng nawh, krax pa ngia ngheeik aux khankix koe tom nie mai rhawm aux hoik kied koe krax laux rhawm heue.

YIIEM DOE 3:11

Nawh Cao hoik kieh aux tang krax hu mai hoik riah ti tik aux tom phawng mai Nawh Cao kieh aux koe krax voi heue.

YIIEM DOE 5:17

Mawh kheu jao grawng in, rhawm rhi yix koe krax pa taug pa mao, mawh kheu jao grawng inkix ngai yix hoik vuvix,

YEZAKELAX 12:13

“Aux tak naih rub, ka piang nawh mai nawh tak krix ka daux jhawk taong Aux heue. Aux tak viex nawh hoek ka veng Babulon, haktiex pui Khaladie. Viang nawh yum tan kawx nawh tak ang pon ti yaox ka veng an heue.

YEZAKELAX 17:20

Aux tak naih rup tix rob ka piang nawh mai nawh tak krix ka jhawk taong Aux, Aux tak viex nawh hoek ka Babulon mai ciyang nawh tan, mawh kheu ang nawh kaux sijax ka piang Aux heue.

YEZAKELAX 32:3

Siyiex ah nin, “Aux tak ploi rub lih ka piang maix, tau mai cub pui hun mai kix tak sang bluh maix haok ka rub Aux heue.

HOSE 7:12

Yam tak hu kix, Aux tak sang nih rub Aux piang kix. Aux tak sang kieh kix rau lih piang tiex, awm sim sai daux raoma khankix, Aux tak ciyang kix awm ceu pa hoik mhong cub pui hun kix heue.

NAHUM 1:6

Pui mawx pa pon cung ka plak sivoe krax pa saux rhawm saux rhi Nawh Cao lie? Pui mawx pa pon thang krax pa kied kin pa song rhawm Nawh Cao lie? Krax pa saux rhawm Nawh hoik klup ti lih awm ngu mai rang khankix hoik phawng hoik nyau kheu Nawh Cao heue.

HABAKUK 3:16

Yam mhong aux lox sinum kaux aux hoik graung, siyieb jheeh aux hoik siyaung, krax rham krax sium hoik laig ka daux si-ang aux mai aux hoik koe krax siyaung rhawm ka daux tokaux aux, sonsang pon yiien yawg aux ka daux singaix hoek krax pa kha rhwm ka pui khankix, yam laig kix ti puing pui heue.

PINGNYAP 28:65

Daux sinax ceu pui ankix maix tak ang yaox krax laux lee rhawm tix mai caong maix kawx, tak ang koe dee sang laux lee tix, Simiang Siyiex tak tawx rhawm pa sikua mai iak riang ngai mai pa khrup rhawm maix tan.

2 THESALONIX 1:8

mai pawk bix ka kix pa ang tawng ka Simiang Siyiex, ka kix pa ang cu nghiet ka lox bwan gaux rhawm Simiang ex Yesux Khrit.

HEBRIE 12:29

Grawh grawng nawh Siyiex ex mawh ngu pa gleeing heue.