YIIEM DOE 1:11 - Wa Common Language Translation

¹¹ Pui nawh koe krax ngia krax ngheeik, kix sawg ka pa ih, kix hoik loh pa ih ka kraung khrai tix mai sonsang taoh ka ju tix heue. Siyiex eue, jhak ti yaox liak! Grawh grawng nawh, aux mawh pa hoik pon krax pa salao pui heue.

YIIEM DOE 1:11 Iomraidhean Croise

2 SIMIANG 6:25

Sibhawm praix pa kied ting koe ka daux veng Samarix mai kix lai lawm ka veng an, tom hoek ka bawg yam hoik coh kix kaing la tix mu tidaix shekhe ka mau mai kram tix mawk phwan shekhe ka mau heue.

YAWBAX 40:4

“Jhak heue, aux mawh pui caox, aux tak sang deeh pawk ka Maix Cao yuh ka mawx lie? Aux tak thox jheeh tix ka taix tix heue.

YAOGYAW 79:4

Paox plawg paox nyhawm pa ot dex vung viang aux khankix, salao mai nyiah maung aux heue.

YERAMIX 15:19

Mawh kheu nan, Siyiex ah nin, “Phan maix deeh ing, khaix an, Aux tak sang deeh viex maix hoek maix tak yaox tix cung ka plak sivoe aux, phan maix gwieh ceu pa mhawm lih khaing ceu pa caox maix tak sang mawh pa awm jheeh Aux heue. Kieh kix deeh ing hoek ka maix, viang mawh nan maix tak ang lai ing hoek ka kix heue.

YERAMIX 19:9

Aux tak sang kieh kix deeh ih nex kawn simex tix mai nex kawn bun tix mai pui ku kaux tak ih nex paox grawm tix yam hoek ka daux pa kied kin kha rhawm lai lawm pui koeng ka kix mai pui pa sawg tix pah ka ju kix heue.

YERAMIX 38:9

“Cao simiang aux eue, pa yuh pui in khankix pa caox caig ka cao jhai Yeramix hoik mawh pa lud, kix hoik tik nawh ka daux thawng tiex mai nawh tak yum tan ka pa cai rhawm tix, mawh kheu blah ang lai koe ka daux veng pie ceeix kawx heue.”

YERAMIX 52:6

Yam hoek daux khix pon dim singaix, sibhawm praix lih ti koe ka daux veng mai ceu pa ih ang lai koe son pui haktiex khankix heue.

YIIEM DOE 1:8

Veng Yerusaliem hoik kied ting lud tom nie, mawh kheu nan, nawh hoik mawh ceu pa seeing heue. Can pui pa nab yam ka nawh khawmuik, deeh koe krax pa salao ka nawh, kheu jao yaox kix ang nawh ceep kraung heue. Mawh heue, tokaux nawh hoik ngia ngheeik mai deeh veeh ti hu plak khaix heue.

YIIEM DOE 1:9

Krax pa seeing nawh hoik koe ka piang sibex dhah nawh heue. Nawh ang lai keud ka dee sidah ju tix, mawh kheu nan, krax pa laux leeing nawh hoik mawh pa daox am pui ka mai nawh ang lai koe cao pa tawx krax nyawm rhawm pie tix kaux kawx heue. Siyiex eue, jhak ka krax pa kha rhawm aux liak! Mawh kheu pui koeng hoik tang yaw tokaux cao tix heue.

YIIEM DOE 2:11

Ngai aux hoik roik rawm ngai, tom hoik pupie, mai daux vaig daux tu aux hoik lukliak, ghin aux hoik glup ti lih ka piang tiex, kheu jao krax laux leeing kawn bun ceu pui aux khankix mai kheu hoik khrup rhawm kawn nyawm mai kawn nyawm peuex teeih khankix ka daux krax daux veng heue.

YIIEM DOE 2:12

Kix ah nin ka miex kix, “Mawh koe nghox mai rawm plix siiet dee mawx lie?” Yam khrup rhawm kix, awm pui pa hoik mat, ka daux krax daux veng khankix mai rhawm kix hoik dex dud ka piang naok miex kix heue.

YIIEM DOE 2:20

Siyiex eue, jhak ti yaox mai keud ti yaox liak! Maix Cao hoik yuh ceu inkix ka pui mawx lie? Mawh sang chix ih bun ka kawn cao tix, pa mawh kawn ngie pa hoik teem kix daux taix tix lie? Sang chix mawh cao giex kaing li mai cao jhai khankix pa pah ti yum ka dah dee pa singax singeh Siyiex lie?

YIIEM DOE 5:1

Siyiex eue, doh keud ka ceu pa hoik hoek ka piang yix, jhak ti yaox ka lox salao pa hoik kham yix liak.