YIIEM DOE 1:10 - Wa Common Language Translation

¹⁰ Pui koeng khankix tang nyeu taix tix tud rhim ka ceu pa koe nawh khankix heue. Nawh hoik yaox ka laig ceu pui khankix ka dah dee pa singax singeh nawh, ka pui ankix pa hoik tawm Maix Cao ti deuh, son ang kix pon ti laig ka daux bang pui hun Maix Cao heue.

YIIEM DOE 1:10 Iomraidhean Croise

2 GRAWNG BEEN 36:18

Can kraung khrai pa ting pa iak khawmuik, khaing daux nyiex bwan Siyiex mai sinngao nyiex bwan Siyiex mai sinngao cie nyiex simiang mai cie cao kaing nawh khankix, nawh hoik rhim ti teei in khawmuik hu ka veng Babulon heue.

NEHAMIX 13:1

Ka daux singaix an kix phat pui mhong ka gumlox phuk lai Mose mai ka daux lai ankix kix yaox krax pa hoik tiiem tix sonsang ang ceu pui Amon mai ceu pui Mawbax khankix, pon laig ka daux sinax cub pui hun cie Siyiex khankix,

ISAYAX 63:18

Pui pa singax singeh Maix khankix hoik pon ti cie an kix tivud ticu khaing heue. Pui koeng ex hoik dig ka dee pa singax singeh Maix heue.

YERAMIX 15:13

Sinngao kraung khrai maix khankix Aux tak sang tawx ka pui tud rhim ka daux pa ang koe ngawh koe jum, phimap pa yuh maix khawmuik, ka daux haktiex dee kwang maix khankix heue.

YERAMIX 20:5

Lheu khaing an, Aux tak ap krax magmi veng in khawmuik mai can pa lih khaing ka daux nawh mai can pa kied koe ngawh jum nawh khawmuik mai can sinngao simiang meung Yudax khawmuik, Aux tak tawx ka daux tawm taix pui koeng kix mai pui koeng kix tak sang tud rhim kix mai giex viex kix hu ka veng Babulon heue.

YERAMIX 27:19

Mawh kheu Siyiex Cao kru naing raoma ah nin, son grawng pa dex dawd mai raoma mai dung rawm mai ling lawx pan khoek mai kraung shiao pa kawn deuk khankix ka daux veng in,

YERAMIX 27:21

Mawh heue, Siyiex Cao kru naing raoma, pa mawh Siyiex ceu pui Isarelax ah nin, son grawng pa dex dawd ka kraung shiao pa kawn deuk ka daux nyiex bwan Siyiex mai ka daux nyiex haw simiang meung Yudax mai khaing ka daux veng Yerusaliem khankix heue.

YERAMIX 50:28

Lox pui pa to ti glawd khaing haktiex Babulon, krai pao grawng pa pawk Siyiex pa mawh Siyiex ex bix tix ka daux veng Zion mai pa mawh krax pawk bix son nyiex Nawh Cao heue.

YERAMIX 51:51

Ex hoik kaig tua kheu hoik mhong ex lox pa nunai pui heue. Krax kaig krax tua hoik kheem ka ngai ex, kheu hoik laig pui tang ceu khankix ka dee singax singeh nyiex bwan Siyiex heue.

YERAMIX 52:13

Nawh hoik gleeing nyiex bwan Siyiex mai nyiex haw simiang mai nyiex pa koe ka daux veng Yerusaliem khawmuik, pa mawh nyiex pui ting lhaong khankix broe ka ngu heue.

YIIEM DOE 1:7

Ka daux yam koe krax kha rhawm veng Yerusaliem mai yam vung vang nawh mai nawh deeh doh keud ka ceu pa nyawm rhawm tix khawmuik, ka pa hoik pon nawh ti koe daux baux tawm taix pui pa koeng, pui pa sang teem ka nawh ang lai koe pie tix kaux kawx, pui koeng hoik yaox mai hoik nyiah ka nawh heue.

YEZAKELAX 44:7

Yam viex pex krax tan pa ih Aux pa mawh klon bee mai nham. Pex kieh nyiex bwan Aux seeing brai, kheu viex pex pui tang meung pa ang nyang pat hak rhawm rhi tix mai pa ang nyang pat hak tokaux tix, sonsang ot kix ka dee pa singax singeh Aux, sonsang seeing yuh kix ka pa mawh nyiex bwan Aux mai pex hoik yieh gumlox sijax mukheu Aux laux leeing kheu jao pa seeing brai pex heue.

YEZAKELAX 7:22

Aux tak sang veeh pakngai khaing kix mai kix tak sang kieh dee pa singax singeh Aux seeing brai heue. Grawh grawng nawh, pui con tak sang laig ka daux an mai yuh dee an seeing brai heue.

YEZAKELAX 9:7

Khaix an Nawh Cao hoik ah nin ka kix, “Yuh nyiex bwan seeing mai kieh brawk naog ka pa yum mai lih hu heue.” Kix hoik lih hu ti pah pui yum ka daux veng heue.

MAKUX 13:14

“Yam yaox pex ceu pa greeing pa yuh laux, cung dee ang nawh khaw ti cung, kieh kaw pa phat ti yaox tawng heue, yam an kieh kix pa ot ka daux meung Yudax to hu piang gawng khankix heue.

PINGNYAP 23:3

Pui Amawrix ang ah, pui Mawbax ang ah, ang pon ti laig ka daux cub phung hun Simiang Siyiex, mai doeh ru nawh tom hoek kao ju kawx, ang pon laig ka daux cub phung hun Simiang Siyiex leeing ju,

PINGNYAP 23:4

kheu ang kix rieb pex ka blah mai rawm, ka daux krax yam lih pex khaing meung Ejiptux mai kheu vai kix ka Balam kawn simex Bawrax veng Petaw, haktiex Mesopotemia sonsang jhax lawg ka pex.