YIIEM DOE 1:1 - Wa Common Language Translation

¹ Veng pa hoik naog ot pui ka in dix, yam in lai ngawm ti ot yiien yawg nong nong yuh ka mawx! Nawh pa hoik sax ting sax lhaong ka daux sinax ceu pui khankix ka in dix, yam in lai hoik awm miexmai yuh ka mawx! Laux simiang daux sinax haktiex ku meung ka in dix, yam in hoik lih ti mawh siliex heue.

YIIEM DOE 1:1 Iomraidhean Croise

1 SIMIANG 4:21

Sawlamon kwang haktiex khawmuik, jah ka rawm klawng Yufrethi tom hoek ka haktiex pui Philitix, tom hoek ka mee haktiex Ejiptux, kix viex keen hoek mai yuh kaing jhaw son Sawlamon, glang yam im ju nawh heue.

2 SIMIANG 23:33

Pharaw Nekhaw giex ti sau nawh ka daux thawng veng Rebalax ka daux haktiex Hamat, sonsang ang nawh pon kwang ka daux veng Yerusaliem, mai nawh mhaing keen ka daux haktiex Yudax, ka mau tixyieh talantan mai khri tix talantan heue.

2 SIMIANG 23:35

Mawh kheu nan, Yehoyakim tawx mau mai khri ka Pharaw, viang mawh nan, nawh koh keen ka pui haktiex sonsang tawx mau awm gumlox pa tawm Pharaw, nawh khin ti koh mau mai khri khaing pui haktiex, ka pui ku kaux awm pa gwieh nawh ti mhaing sonsang pon tawx nawh ka Pharaw Nekhaw heue.

2 GRAWNG BEEN 9:26

Mawh kheu nan, nawh kwang piang cub simiang an khawmuik, jah khaing rawm klawng Yufrethix, tom hoek ka haktiex pui Philitix mai hoek tom dee singai ka mee haktiex meung Ejiptux heue.

EZARAX 4:20

Simiang pa koe sibrawm khankix pasax ot ka daux veng Yerusaliem mai kix hoik kwang ka kien haktiex an khawmuik pa koe toi rawm klawng plak klip singaix mai hoik tawx gha mai keen mai mau gawng khankix ka kix heue.

NEHAMIX 5:4

Pui tiblah baox ah nin, “Yix hoik yaog mau, sonsang tawx tix keen cie simiang ka son haktiex yix mai si peem plix siiet yix khankix heue.

NEHAMIX 9:37

Mawh kheu jao phimap yix, simiang pa yaog Maix Cao ti deuh piang yix, hoik ghrang tix ih plix pa kied haoh hun ka daux haktiex in khaing yix, mai kwang piang tokaux yix mai piang tobrie yix awm pa koe rhawm kix mai yix ot ka daux pa kha rhawm tix heue.

YAOGYAW 122:4

Ka daux veng an, awm pa koe lox tawm beenli ka ceu pui Isarelax pa mawh pui Siyiex, sonsang haok kix ti yaogyaw ka ceu kaux Siyiex tan heue.

ISAYAX 14:12

Simuing griang ngawb mai kawn simex ponngawb eue, maix hoik rau khaing raoma yuh ka mawx! maix pa yuh krax tuktiak ka ku meung khankix eue maix lai hoik kid ti goh ka piang tiex yuh ka mawx!

ISAYAX 22:2

Maix pa naog ka lox sinum, pa mawh veng pa lawh maw mai veng pa koe krax gaux rhawm an eue, pui maix pa yum khankix ang tie mawh pa pah tix yum ka vaig mai ang tie mawh pa yum ka daux biang puing naing heue.

ISAYAX 3:26

Diang siviex nawh khankix tak yiiem yo mai koe krax laux rhawm, nawh hoik yiien mai ngawm ka piang tiex heue.

ISAYAX 49:21

Yam an maix tak sang ah nin ka daux rhawm tix, mawh pui mawx pa keh ti tawx in son aux, aux hoik tuk kheu yum kawn tix mai hoik mawh pui neh mai mawh pui pa giex laung mai pa vung viang, mawh pui mawx pa eei kix ting laong lie? Jhak heue mai hoik prah aux ot nong nong mai pui in khankix kaoh khaing dee mawx?”

ISAYAX 50:5

Siyiex pa mawh Siyiex hoik paoh daux yhaok Aux mai Aux ang lai koe krax pa kieh thiang mai Aux ang lai deeh veeh tix plak khaix heue.

ISAYAX 52:2

Veng Yerusaliem eue, khruah ti tik phawng tiex khaing maix, yaog ti kaoh mai ngawm ka dee lhaong heue. Kawn bun veng Zion, pa mawh pui pa giex laung eue, yah maox ceng khaing ngawg maix heue.

ISAYAX 52:7

Pui pa krai pao krax pa nhim, pui pa viex lox bwan gaux rhawm ceu pa mhawm khankix hoek, pui pa pao grawng krax taoh, ah nin, veng Zion, Siyiex maix hoik mawh simiang pa kwang. Caong kix pa viex lox bwan gaux rhawm, mawh pa mhawm grang ti yaox ka piang gawng khankix miex ding!

ISAYAX 54:4

“Paw koe krax khi rhawm heue. Mawh kheu maix tak ang hoek krax kaig tua mai ang pon ti mawh pa laux pakngai, mawh kheu maix tak ang lai mawh pa kham krax salao heue. Grawh grawng nawh maix tak piawm krax kaig tua yam awn ju maix mai tak ang lai koe krax keud ka lox salao yam mawh maix miexmai, khaix in pie tix bawg kawx heue.

YERAMIX 31:7

Siyiex ah nin, “Rhax lai mai gaux rhawm son ceu pui Yakop mai riag yo khaing daux sinax cao kaing ting ceu pui khankix, krai pao mai tawx krax pa yaogyaw ah nin, Siyiex eue, taoh ka pui Maix Cao pa mawh ceu pui Isarelax pa kawn deuk khankix heue.

YERAMIX 40:9

Gedalix kawn simex Ahikham, pa mawh kawn simex Shaphan, ah nin ka plak sivoe kix mai khawm pui kix, “Paw lhat graung ka sonsang yuh tix kaing jhaw ceu pui Khaladie khankix, ot ka daux haktiex in mai yuh kaing son simiang Babulon mai an tak mawh pa mhawm ka son pex heue.

YERAMIX 42:2

mai ah nin ka cao jhai Yeramix, “Yuh bwanson rieb ka lox khyox khaw yix ka maix mai rawg bwan son yix ka Siyiex, pa mawh Siyiex maix, son pui pa kawn deuk khawmuik, kheu mawh yix pa deuk ceeix ngie khaing daux pui pa hun, awm pa yaox maix,

YERAMIX 44:2

“Siyiex Cao kru naing raoma, pa mawh Siyiex ceu pui Isarelax ah nin, pex hoik yaox ka krax kha rhawm pa viex Aux hoek piang veng Yerusaliem mai piang meung Yudax khankix, mai jhak heue, daux singaix baoh dee in hoik yiien yawg mai ang lai koe pui pa ot ka tix kaux kawx,

YERAMIX 44:6

Mawh kheu nan, krax meet rhawm meet rhi Aux mai krax song rhawm aux hoik klup lih mai hoik gleeing veng pa koe daux haktiex Yudax mai pa koe piang krax veng Yerusaliem khankix mai an khankix laux leeing mai mawh dee yiien pui awm pa hoik lih ti mawh ka daux in singaix heue.

YERAMIX 50:23

Daix rhiem pa tawk ka haktiex khawm bee ma lai hoik graig hoik pot yuh ka mawx? Veng Babulon hoik lih ti mawh dee yiien pui ka daux sinax ceu pui khankix yuh ka mawx? Aux hoik taong ti deuh kie ka son maix heue.

YERAMIX 9:11

Aux tak kieh veng Yerusaliem mawh pum nyhee mai dah dee ot sox praix khankix heue. Aux tak kieh veng Yudax mawh dee yiien mai ang koe pui pa ot ka pie tix kaux kawx heue.”

YIIEM DOE 1:19

“Aux kok yo ka pui pa moh aux khankix, viang mawh nan, kix hoik pie lhen ka aux heue. Cao giex kaing li mai kuad song aux khankix, hoik dud rhawm ka daux veng, glang yam sawg kix pa ih sonsang deeh taoh ju tix heue.”

YIIEM DOE 2:1

Siyiex hoik kheem kawn bun veng Zion ka paiawm pa song rhawm song rhi Nawh Cao yuh ka mawx lie? Nawh Cao tik krax pa mhawm grang ceu pui Isarelax khankix khaing daux raoma tom hoek ka piang tiex mai Nawh Cao ang lai doh keud ka ngot dee deuh caong tix, ka daux singaix koe krax song rhawm Nawh Cao heue.

YIIEM DOE 2:10

Kuad song veng Zion khankix, ngawm ti ot ka piang tiex mai ot yiien yawg, kix rhuat phawng tiex ka piang kaing cao tix mai rawd nyoi ka man chee rhix heue. Bunkrih veng Yerusaliem khankix, gum kaing tix tom silaing tiex heue.

YIIEM DOE 4:1

Khri hoik laix rawm sawng yuh ka mawx, khri nawnaw hoik bheet yuh ka mawx. Lon simaox koe dee pa singax singeh khankix hoik prung prang ti hu ka piang gah krax kudauh heue.

YIIEM DOE 5:16

Mhok khri hoik rau khaing kaing yix, krax pa kha rhawm koe ka yix, kheu jao hoik lud yix heue.

YEZAKELAX 26:16

Simiang rawm sigrit sigra khankix khawmuik, tak lih khaing dang ngeung tix mai peeik sibex lang jung ceep tix mai kraung ceep pa mhawm grang tix mai deeh ceep ka kraung ceu pa lhat graung, kix tak ngawm ka piang tiex mai koe krax lhat graung mai daox deng ka maix heue.

YEZAKELAX 26:2

“Kawn pui eue, mawh kheu veng Turux hoik ah, ha ha ka pa dex dawd mai Yerusaliem, nawh pa mawh siviex veng pui ku meung hoik laux leeing, nawh hoik veeh tix hoek ka aux, veng an hoik mawh dee yiien mai aux tak mawh pa haok hwan,”

YEZAKELAX 5:5

“Siyiex ah nin, in mawh riang pakpeung veng Yerusaliem, Aux hoik deuh veng an ka sinax ceu pui khankix mai sinax meung haktiex, pa koe hawt vung viang nawh khankix heue.

KRUB 26:31

Aux tak yuh veng pex laux mai yieh dee singax singeh pex khankix laux leeing mai Aux tak ang lai ngheet ka taox nyawng bhawng pex.

KRUB 26:33

Aux tak kieh pex prung prang ka daux sinax ceu pui tang ceu, lawm vaig hawt pheet khaix pex, haktiex pex tak mawh pa yi mai veng pex tak hoek krax laux leeing.

ZEPHANIX 2:15

In mawh veng pasax koe krax gaux rhawm, pa hoik sax ot yiien yawg tix heue. Ah nin ka daux rhawm tix, “Koe ngie aux, lheu khaing aux ang lai koe pui tang kaux heue. Yam in nawh hoik lih ti mawh dee pa yiien grai hu pui mai dee it totiag khankix yuh ka mawx, can pui pa tiang ti hu hawt baoh nawh, tak ah lox nyiah mai yaog vuh vied taix tix kah heue.”

PLAK JHI 18:7

Nawh hoik yaw tokaux tix, hoik cha nie luan yuh mai ah nin, tawx krax tug kha mai krax khi rhawm daux aux awx awx. Nawh hoik ah nin ka daux rhawm tix, aux ngawm ti mawh laux simiang, ang aux mawh miexmai mai aux ang doh chix yaox krax khi rhawm heue.