YEZAKELAX 3:3 - Wa Common Language Translation

³ Nawh ah nin ka aux, “Kawn pui eue, ih ka bua lai in, pa tawx Aux ka maix mai kieh maix sak vaig ka heue.” Mawh kheu nan, aux hoik ih an mai tie ka daux jheeh aux, awm rawm hia heue.

YEZAKELAX 3:3 Iomraidhean Croise

YAWBAX 23:12

Aux ang tik ka gumlox pingnyap pa kaoh khaing jheeh Nawh Cao, aux hoik priex gumlox pa kaoh khaing jheeh Nawh Cao, nie lheu ting ngawh khaing pa ih tix heue.

YAOGYAW 119:103

Gumlox Maix sidaing tie ka daux ghok aux mai nie lheu tie khaing rawm hia ka daux jheeh aux heue.

YAOGYAW 119:11

Aux hoik priex gumlox Maix ka daux rhawm tix, son ang sang lud ka Maix heue.

YAOGYAW 119:97

Aux kied moh ka lox tawm beenli Maix sigrien sigre mai aux doh keud mai lih rhawm ka leeing lang singaix heue.

YAOGYAW 19:10

Gumlox Siyiex mawh pa lheu mhawm khaing khri, lheu mhawm khaing khri pa hoik thi tom nie mai nie lheu tie khaing rawm kaing hia pa khaw ka rhawm rhi pui heue.

YAOGYAW 19:11

Mawh kheu ceu in, awm pa hoik tawx Maix satix ka pa mawh siliex Maix, Maix deeh tawx ka kix, pui pa pon hawt ti yuh khankix, tak pon bwanson pa ting heue.

YERAMIX 15:16

Siyiex pa mawh Siyiex Cao kru naing raoma eue, aux hoik yaox ka gumlox Maix Cao mai aux hoik teei ti ih mai gumlox Maix Cao hoik mawh pa nyawm rhawm mai pa gaux rhawm ka daux rhawm aux, mawh kheu aux mawh pa hoik kok tix ka min ceu kaux Maix Cao heue.

YERAMIX 20:9

Khaix an aux keud yuh nin, Aux tak ang lai krai grawng Nawh Cao mai ang lai sikah grawng min ceu kaux Nawh Cao lheu pie tix bawg kawx heue.” Gumlox Nawh Cao pa koe ka daux rhawm aux, hoik rup awm ngu mai hoik si eet ka daux si-ang aux khankix, aux hoik kied taug kied awn riang tom ang lai pon kut pon gun ka an heue.

YERAMIX 6:11

Mawh kheu nan, krax pa meet rhawm Siyiex hoik naog ka daux aux heue. Aux taug mao ka giex tix an heue. “Aux tak klup an lih piang kawn nyawm pa ot daux krax mai piang pui awn ju pa kraix khrawm tix tau heue. Grawh grawng nawh, mex moeng khawm ra tak teei tix hu tau, khawm pui riex ju pa koe tau mai nawh khankix heue.

YEZAKELAX 2:10

Khaix an Nawh naih bua lai an ka plak sivoe aux, pa hoik tiiem tix plak praix khawm plak daux, pa mawh grawng pa yiiem doe mai pa yiiem yo mai pa laux rhawm khankix heue.

YEZAKELAX 2:8

Viang mawh nan maix pa mawh kawn pui eue, nghiet ka ceu pa krai Aux ka maix. Paw koe rhawm pa tieh feen, awm cub nyiex ma pa tieh feen an khankix, ang ka jheeh maix mai ih ka ceu pa tawx Aux ka maix heue.”

YEZAKELAX 3:4

Nawh ah nin ka aux, “Kawn pui eue, hu ka ceu pui Isarelax mai krai gumlox Aux ka kix heue.

YOHAN 7:38

Pui pa yum rhawm ka Aux, awm hoik koe ka daux Phuk lai singang khri, Rawm klawng pa im ju tak sang lih hu ka daux nawh heue.”

KAWLAWSIE 3:16

Kieh gumlox Cao Khrit ot ka daux rhawm rhi pex tom nie, sidiex gau ka paox tix ka daux krax pingnya cuyi khawmuik, ka lox rhax yaogyaw, lox rhax lai, lox rhax bwan, kieh koe krax yaogyaw bwanson ka daux rhawm rhi pex mai ah lox rhax ka Siyiex heue.