YAWBAX 5:2 - Wa Common Language Translation

² Grawh grawng nawh krax song rhawm an tak pah ka pui kwa pui caox mai krax boh rhawm pah ka pui pa ang koe krax tawng yung heue.

YAWBAX 5:2 Iomraidhean Croise

YAM JAH 30:1

Yam yaox Rakhelax ka ang ti koe kawn son Yakop tix kaux kawx, Rakhelax boh rhawm ka puxke tix mai nawh ah nin ka Yakop, “Tawx aux koe kawn praix, phan ang mawh nan, deuk ngie yum aux khaing heue.”

YAM JAH 38:9

Viang mawh nan, Awnan tawng ka kawn an, ang lai yaox ti kok mawh kawn tix yam hu it nawh mai moeng puxke tix, nawh kieh rawm ngang tix lih piang tiex, mawh kheu ang rhawm kieh kawn tix plud ka doeh puxke tix heue.

YAWBAX 18:4

Maix pa mawh pui pa riah ti tik tokaux tix ka daux pa song rhawm tix, mawh tak sang tik vud haktiex tix ka sipiag maix lie? phan ang mawh nan, mawh sang gah rang khaing dee ot tix lie?

YAOGYAW 107:17

Pui pa koe rhawm pa caox khankix, yaox ti kha rhawm, kheu lud kix krax hu tix mai yuh phimap heue.

YAOGYAW 14:1

Pui pa daox pa aw khankix keud ti ah nin ka daux rhawm tix, “Ang Siyiex koe, ” Mai kix mawh pui pa hoik cux sium mai yuh pa seeing brai heue. Pui pa yuh pa mhawm ang koe tix kaux kawx.

YAOGYAW 75:4

Aux ah nin ka pui pa ting rhawm ting rhi khankix, pex paw lai ting rhawm ting rhi mai pui pa caox caig khankix, paw yuh rung tix choek,

YAOGYAW 92:6

Pui pa koe rhawm totiag mai pui pa caox pa ang tawng khankix.

LOX KAB 12:16

Krax song rhawm pui caox khankix, lih sidawng dom mawx dom an, viang mawh nan, pui pa koe pingnya satix khankix, chix kheem krax kaig tua heue.

LOX KAB 19:16

Pui pa priex tix hawt ka lox tawm beenli, mawh pui pa priex ka ju khwan tix heue. Pui pa tik ka lox tawm beenli khankix, tak yaox tix yum heue.

LOX KAB 19:19

Pui pa ting rhawm tak pon krax ciyang, phan maix taoh nawh maix tak yaox tix taoh nawh lawlawx heue.

LOX KAB 27:3

Simaox mai mhaik mawh pa cien heue. Pa song rhawm pui caox nie lheu cien khaing an ra ceu heue.

LOX KAB 8:5

Pui pa ang koe pingnya khankix eue, gau ka cuyi pingnya awx, pui pa caox khankix eue, kieh rhawm pex keud ka pingnya krax tawng yung awx.

SIDIEX 7:9

Paw phai dawd rhawm tom lih koe krax pa song rhawm, grawh grawng nawh, krax pa song rhawm ot piang dieb rhawm pui vao pui caox khankix heue.

HOSE 7:11

Epharem mawh pa awm sikaux pa aw, pa ang tawng ti keud, kix kok yo ka meung Ejiptux kix hu laig ka haktiex Asurix heue.

YONAX 4:9

Khaix an, Siyiex ah nin ka Yonax, “Pa song rhawm maix kheu jao khaox bee ia in khex khaw caw lie? “Nawh deeh ah nin, “Pa song rhawm aux sonsang yum tix mawh pa khaw caw heue.”

ROMAX 2:8

Viang mawh nan, ka kix pa yuh sipie lie sivoe mai ang cu nghiet ka pa mawh meh, viang mawh nan pa cu nghiet ka pa ang rahsee, tak tawx pa song rhawm,

2 TIMOSE 3:6

Inkix mawh pa laig daux nyiex khankix miep miep, giex ka bun daox khankix, pa peeh phimap, pa tuk hu alo nex nham ka ku ceu heue.