YAWBAX 3:5 - Wa Common Language Translation

⁵ Kieh pa faik veei meung yum map nai grawng nawh, kieh paiawm kheem piang an, kieh pa ceep daux singaix an mawh pa kied lhat graung heue.

YAWBAX 3:5 Iomraidhean Croise

YAWBAX 16:16

Ngai baoh aux hoik raoh kheu yiiem tix mai veei krax yum hoik kheem ka siyieb ngai aux,

YAWBAX 24:17

Grawh grawng nawh plak ponngawb kix deuh awm veei pa yum son tix mai kix tawng veei pa yum mawh pa lhat graung ka son tix heue.

YAWBAX 28:3

Kawn pui laig ka dah dee raux pa kied faik, kix sawg tix liiem ka daux pa kied raux haktiex mai kix kaong simaox ka daux pa kied faik an heue.

YAWBAX 3:4

Kieh ngaix an mawh pa faik, paw kieh Siyiex khaing dee long simi ti jhak ka singaix an mai paw kieh pa riang jhan tix piang an heue.

YAWBAX 3:6

Ka daux sawm an, kieh pa faik kheem ka nawh paw lai kieh nawh simin tix tau ka daux sinax singaix mai num, paw kieh an mawh pa rom tix tau mai khix khankix heue.

YAWBAX 34:22

Pa faik mai veei yum ang lai pon mox tokaux pui yuh krax lud heue.

YAWBAX 38:17

Mawh hoik sax paoh siviex meung yum tix ka son maix lie? hoik sax yaox maix ka diang siviex yum khankix lie?

YAOGYAW 107:10

Kix yaox ti ot ka daux pa faik mai ka daux veei krax yum mai yaox ti kha rhawm ka pa phyawk maox ceng heue.

YAOGYAW 107:14

Nawh Cao teei kix lih khaing ka daux pa faik mai veei krax yum, yah ti ploi kix khaing pa phyawk heue.

YAOGYAW 23:4

Viang aux yaox ti hu ka daux klawng ngawd veei krax yum kawx, aux ang lhat kah, grawh grawng nawh, Maix cao ot mai aux, khaox puat Maix mai khaox gix Maix kieh aux nyawm rhawm heue.

YAOGYAW 44:19

Phan mawh Maix teei ti tik dee ot sox praix mai kheem ex ka veei krax yum heue.

ISAYAX 9:2

Pui pa lailing ti hu ka daux pa faik khankix, hoik yaox pa riang pa kied ting mai pui an kix pa hoik ot ka daux haktiex veei pa yum, pa riang jhan riang ka piang kix heue.

YERAMIX 13:16

Sivoe ang Nawh Cao nyang kieh pa faik hoek mai sivoe ang pex nyang sideeing caong tix, piang gawng pa faik khankix mai yam kawn keud pot jun pot pex ka pa riang, sivoe ang Nawh Cao nyang kieh an mawh veei pa yum mai yuh an mawh pa ceep ka pa faik, tawx min sibrawm ka Siyiex pa mawh Siyiex pex heue.

YERAMIX 2:6

Kix ang sax ah nin, mawh ot Siyiex dee mawx lie? Siyiex pa hoik viex ex lih khaing daux meung Ejiptux, pa thong ex daux tiagtu, ka daux tiag mhaik, ka daux tiex khankix, ka daux tiex kroh groing mai ka daux veei krax yum, ka haktiex ang pui tix kaux kawx pon lailing ka mai ang koe pui ot ka dee an tix kaux kawx heue.

YERAMIX 4:28

Son grawng in, haktiex tak koe krax pa ngia ka mai raoma tak lung vaik kheu lox pa hoik ah Aux mai rhawm pa hoik keut Aux mai, Aux ang lai deeh chix tieh chix loh rhawm khaing an heue.”

YEZAKELAX 30:3

Mawh kheu singaix an hoik dex, singaix Siyiex kawx hoik dex, singaix an, tak sang mawh singaix ceep paiawm, mawh bawg yam pa tat ti deuh son ceu pui khawmuik.

YEZAKELAX 34:12

“Awm sawg cao liang yung tix khrawm ka cub yung tix daux sinax yung pa hoik prung prang khankix, awm an Aux tak sawg yung Aux khankix mai deeh taoh ka kix, khaing dee pa hoik prung prang kix ka daux singaix ceep paiawm mai singaix koe pa kied faik heue.”

YOLAX 2:2

Singaix pa faik uik mai singaix ceep paiawm mai singaix kied ceep pa faik, awm ceep simawg plak ponngawb piang gawng khankix heue. Ceu pui pa ting lhaong mai pa kied ting riang rao tak sang bleeh ti hoek, mawh cub pui pa ang sax koe glang ka in mai khaix in kawx ang lai koe tom sidah ku ju leeing ju heue.

AMOT 5:8

Sawg Nawh Cao pa hoik yuh cub simuing sigiang bo mai cub simuing grawng lat, pa tieh veei pa yum mawh krax jhan riang plak ponngawb mai kieh plak ponngaix faik awm plak ponsawm, pa kok rawm sigrit sigra khankix mai see lih ka piang ca haktiex, Siyiex mawh ceu kaux Nawh Cao heue.

AMOT 8:10

Aux tak deeh tieh pawie pa yuh pex mawh krax khi glawh mai tieh lox lai rhax pex khawmuik mawh lox pa yiiem doe heue. Aux tak sang kieh pui ku kaux rawd nyoi tix ka man chee rhix mai kieh pui ku kaux khlao ka kaing tix pak, Aux tak kieh krax pa khi rhawm in awm pa yum kawn simex pa koe tix kaux khaing mai dee sidah nawh tak awm singaix krax pa kied kin kha rhawm heue.”

MATHIEX 4:16

Pui pa ot ka daux pa faik khankix, pon yaox pa riang pa ting mai piang kix pa ot daux haktiex veei krax yum, pa riang hoik lih jhan heue.”

LUKAX 1:79

Sonsang jhan riang ka piang kix pa ngawm ka daux pa faik mai veei krax yum. Sonsang thong caong ex laig ka daux krax pa nhim heue.

PINGNYAP 4:11

Pex hoek dex mai cung hawt caong gawng mai ngu gleeing ka gawng tom faik hoek ka sigreung raoma tau mai paiawm pa faik.

HEBRIE 12:18

Grawh grawng nawh ang pex lai hoek ka gawng pa pon ti teeh ka mai pa gleeing ka ngu mai pa lung mai pa faik mai pa bhaung,