YAWBAX 26:7 - Wa Common Language Translation

⁷ Nawh Cao hoik tawm hoik di raoma piang dee yi mai Nawh Cao teuk teue ti deuh haktiex piang pa ang lai koe ceu pa joh pa jhan tix ceu kawx heue.

YAWBAX 26:7 Iomraidhean Croise

YAWBAX 38:6

Mawh hoik phyawk num riah haktiex tix ka patix lie? phan ang mawh nan mawh pui mawx pa sum ti deuh lon simaox daog nawh lie?

YAWBAX 9:8

Nawh Cao nih ti kheem ka raoma mai dig piang pukpak rawm sigrit sigra khankix,

YAOGYAW 24:2

Grawh grawng nawh, deuh ceu an khankix piang rawm sigrit sigra mai kieh kaux cong ka piang rawm khankix heue.

YAOGYAW 89:12

Caong ma seh mai caong ma laong kawx, mawh pa phan pa deuh Maix mai gawng Taborax mai gawng Heramon, deuh rhawm ka Maix mai rhax lai gaux rhawm gaux rhi heue.

YAOGYAW 89:13

Plawng taix Maix hoik grum naog ka sibrawm mai taix Maix mawh pa ting riang mai taix khawn dawm Maix mawh pa kied lhaong heue.

ISAYAX 40:21

Ang pex tawng mai ang pex sax mhong, mawh ang pui sax krai ka pex tom yam jah mai ang pex sax tawng tom yam jah ti kaw num haktiex lie?

ISAYAX 40:22

Nawh Cao mawh pa ngawm ka piang haktiex mai pui pa ot daux haktiex awm sido, Nawh Cao tawm ti deuh raoma awm man tie mai nih ti deuh awm nyiex gox sonsang ot ka daux an.

ISAYAX 40:26

Yaog ngai pex jhak ka dee lhaong mai jhak mawh pui mawx, pa phan ka ceu in khankix, Nawh Cao pa singax viex kix hu mai kok ceu kaux kix khawmuik. Ka riang rao pa ting tix, mawh kheu Nawh Cao koe sibrawm, ang koe pa grai tix kaux kawx.

ISAYAX 42:5

Siyiex pa phan raoma mai pa nih an khankix, pa tawm ti deuh haktiex mai can pa kaoh khaing daux haktiex, Cao tawx bhawm ka kawn pui pa ot ka piang haktiex, ah nin.

ZAKHARIX 12:1

Grawng gumlox plak jhi Siyiex ka ceu pui Isarelax, Siyiex pa hoik nih ti deuh raoma khankix mai pa kaw ti deuh num riah haktiex mai pa yuh khuan pa koe ka daux pui khankix ah yuh nin,