YAWBAX 24:1 - Wa Common Language Translation

¹ “Bawg yam khankix ang mawh pa ang mox khaing cao pa ting sibrawm, yuh ka mawx pui khankix pa tawng ka Nawh Cao, ang yaox ka singaix prawng Nawh Cao see lie?

YAWBAX 24:1 Iomraidhean Croise

YAM JAH 18:17

Simiang Siyiex ah nin, “Aux tak sang mox kaing pa yuh tix ka Abraham yuh ka mawx?”

YAM JAH 7:4

Grawh grawng nawh, khaix hoik naog aliah ngaix Aux tak sang kieh lhiex lih piang haktiex in tixpon ngaix tixpon sawm mai Aux tak kieh can ceu pa im ju, pa hoik phan hoik yuh Aux khankix laux leeing piang haktiex in heue.”

YAWBAX 15:20

pui caox caig an tak yaox ti kham geu ka jhawm saux jhawm nyia tom sidah ju tix mai pui pa map pa yeen ya ka pui khankix tak ang lai tawng ka singaix ju tix heue.

YAOGYAW 31:15

Bawg yam aux koe daux tawm taix Maix mai taoh aux luan khaing ka daux tawm taix pui pa koeng ka aux mai pui pa tuktiaktukte ka aux khankix liak.

YAOGYAW 36:10

Krax pa moh pa caux rhawm Maix koe ka piang pui pa tawng ka Maix, kieh pa rahsee Maix, koe ka piang kix pa koe rhawm rahsee liak.

YAOGYAW 9:10

Pui pa tawng ka ceu kaux Maix khankix tak yum rhawm ka Maix heue. Grawh grawng nawh, Siyiex eue, Maix ang chix tik vud ka can pui pa sawg ka Maix heue.

SIDIEX 3:17

Aux ah nin ka daux rhawm tix, “Siyiex tak sang prawng ca pui pa rahsee mai pui pa caox caig, grawh grawng nawh bawg yam tak koe sonsang cied ka krax keud krax gau kuceu mai son kaing jhaw kuceu heue.”

ISAYAX 2:12

Grawh grawng nawh, singaix Siyiex cao kru naing raoma, tak hoek ka piang kuceu, pa ting rhawm mai pa lhaong jhak pa tak yaox tix ka piang kuceu mai tak kieh mawh pa tiem.

ISAYAX 60:22

Kawn nyawm iak tix kaux tak pon ti mawh pui tix rheng kaux mai pa iak riang rao tix kaux tak mawh ceu pui pa kied ting riang tix cub heue. Aux pa mawh Siyiex, tak nied ti yuh grawng an ka daux bawg yam nawh heue.

YERAMIX 46:10

Mawh kheu singaix in mawh singaix Siyiex Cao kru naing raoma, singaix pa deeh pawk bix, sonsang pawk Nawh Cao bix tix ka pui koeng Nawh khankix, lawm vaig Nawh kiied tix ih tom sak mai nyaux tom yoek ka nham kix heue. Mawh kheu Siyiex Cao kru naing raoma, hoik yuh krax tan pa appong ka haktiex plak laong, hawt rawm klawng Yupharitix heue.

DANYELAX 2:21

Nawh Cao tieh loh ka bawg yam mai khawm ka praix klawng khankix, Nawh Cao gah ti tik simiang mai pa yaog ti deuh simiang khankix, Nawh Cao tawx pingnya cuyi ka pa koe pingnya cuyi mai krax tawng ka pui an kix pa koe krax lhak lhiem heue.

AWBADIX 1:15

Grawh grawng nawh singaix pa sang ciyang Siyiex ka piang ceu pui khankix khawmuik mawh pa hoik dex, awm krax pa hoik yuh maix mai tak sang mawh pa deeh yuh tix ka piang maix heue. Krax pa sang deeh pawk ka maix, tak sang hoek ka piang kaing maix heue.

ZEPHANIX 1:7

Ot yiien yawg ka plak sivoe ngai Siyiex, grawh grawng nawh, singaix Siyiex hoik dex hoek, Siyiex hoik khre rien krax pa appong, Nawh cao hoik kieh nyo sinie pa ghaok tix hoek khankix singax heue.

MATHIEX 24:38

Hoik awm ka singaix kheem rawm khankix, tom hoek singaix laig Noax ka daux nyiex reu ting, kix ih mai nyaux, teei mex, teei moeng mai teei ti tawx paox tix heue.

YOHAN 17:3

In mawh ju leeing ju, sonsang tawng kix ka mawh Maix Siyiex pa mawh meh tix kaux khaing Yesux Khrit pa hoik ploi Maix hoek heue.

KAWNCAU 1:7

Nawh Cao deeh ah nin ka kix, “Bawg yam khankix pa hoik ciak Keeing Cao ti deuh, daux sibrawm tokaux tix, ang mawh pa sang tawx pex tawng.

KAWNCAU 17:26

Nawh hoik yuh kawn pui kuceu ka nham tix mu khaing, sonsang ot piang haktiex khawmuik mai hoik ciak ti deuh bawg yam kix mai mee dee sang ot kix,

ROMAX 2:5

Kheu pa kiien rhawm mai rhawm pa ang chix doh keud ka phimap tix mai rhawm ti deuh ceu pa song rhawm son tokaux tix, ka daux ngaix pa song rhawm mai yam sang sidawng pa prawng ciyang Siyiex rahsee.

1 THESALONIX 5:1

Puxaik khankix eue, grawh grawng bawg yam khankix, ang pex lo pa tiiem tidtix ka pex heue.

1 TIMOSE 4:1

Khuan Cao hoik grux krai sidawng, grawh grawng daux bawg yam phao khaix, pui tix blah tak deeh tieh khaing krax yum rhawm, nghiet lox khuan pie lhen khankix, lox ceu pa gau phicaox khankix,

1 TIMOSE 6:15

Pa tak sang jhi Nawh Cao yaox yam hoek bawg yam pa khaw cie tix, kaw pa mawh Simiang pa koe tix kaux khaing, pa ting bwanson, pa mawh Simiang piang simiang, Siyiex piang siyiex,

2 PETRUX 2:3

Ka daux krax pa ghoing kix, kix tak sang teei lox pa nieb nyaw glaw mai yuh pex mawh kraung khrai. Krax pa sang prawng ca ka kix tom di dix tak ang kut tix mai krax laux leeing kix ang laig it heue.