YAWBAX 2:3 - Wa Common Language Translation

³ Khaix an Siyiex ah nin ka satan, “Mawh sax keud maix ti yaox ka grawng kawncau Aux Yawbax, pui pa awm nawh ang lai koe piang ca haktiex, pa mawh pui pa ang koe dee deuh phimap, pa grum naog mai pa rahsee, nawh mawh pui pa lhat graung ka Siyiex mai pa via khaing pa caox caig lie? mai nawh ca kawn giex krax rahsee tix kaux cong, viang maix hoik sau riang Aux sonsang yuh nawh laux leeing ka daux pa ang koe ceu koe grawng heue.”

YAWBAX 2:3 Iomraidhean Croise

YAM JAH 6:9

In mawh grawng doeh ru Noax, Noax mawh pui pa rahsee mai pa grum naog, daux doeh ru nawh, nawh mawh pa hu tau mai Siyiex.

2 SAMOELAX 20:20

Mai Yuabax deeh pawk lox ah nin, “Kieh ceu inkix mawh pa singai hu khaing aux, sonsang bleeh aux ti ih ceu inkix mai sonsang yaox aux ti yuh krax pa laux leeing inkix heue.”

YAWBAX 1:1

Koe pui tix kaux pa kaux Yawbax pa ot daux haktiex Uzax pui an mawh pui grum naog mai pa rahsee mai nawh mawh pui pa lhat graung ka Siyiex mai via khaing pa caox caig heue.

YAWBAX 1:11

Viang mawh nan yam in nyeu plawng taix Maix Cao mai teeh ka can pa koe nawh khawmuik mai nawh tak jhax lawg ka Maix Cao ka plakngai Maix Cao tete heue.

YAWBAX 1:6

Ka daux an tix ngaix yam hoek kawn simex Siyiex tix khrawm paox tix hoek ka plak sivoe Siyiex mai satan kawx rom ti hoek ka daux sinax kix heue.

YAWBAX 1:8

Khaix an Siyiex ah nin ka satan, “Mawh hoik sax keud maix ti yaox ka grawng kawncau Aux Yawbax, pui pa awm nawh ang lai koe ka piang ca haktiex, pa mawh pui pa ang koe dee deuh phimap pa grum naog mai pa rahsee, nawh mawh pui pa lhat graung ka Siyiex mai pa via khaing pa caox caig lie?”

YAWBAX 13:15

Viang Nawh Cao pah ka aux mai ang lai koe krax keud pot jun pot kawx, viang yuh nan kawx, aux tak sang krai grawng pa yuh tokaux cao tix khankix ka plak sivoe Nawh Cao heue.

YAWBAX 2:2

Siyiex ah nin ka satan, “Mawh kaoh maix khaing dee mawx?” Satan deeh pawk lox ka Siyiex ah nin, “Aux kaoh khaing lailing tix hu piang haktiex mai hu jee hu blaong sonsang simi ti jhak piang ceu an kix heue.”

YAWBAX 2:4

Mawh kheu nan satan deeh pawk lox Siyiex ah nin, “Hak tak mawh son hak, pui tix kaux tak pon tawx can pa koe nawh khawmuik son ju nawh heue.

YAWBAX 9:17

Grawh grawng nawh, Nawh Cao yuh aux laux leeing ka bhaung ting mai baox kieh jhawm saux haoh hun piang nex aux, pa ang koe grawng koe ceu heue.

YAWBAX 9:20

Viang aux ah mawh tix pa rahsee kawx, jheeh aux mawh pa ciyang ka aux, viang aux ah mawh tix pa hoik grum naog kawx, rhawm pa kawk vawk aux hoik si dawng sivoe Nawh Cao heue.

YAOGYAW 26:1

Siyiex eue, mawh kheu hawt aux ti yuh daux krax pa mhawm Maix mai prawng ca plak aux liak, Siyiex eue, aux ang gah greed tix, kheu aux deuh rhawm ka Maix heue.

YAOGYAW 37:37

Keud ka pui pa hoik grum mhawm mai jhak ka pui pa rahsee awx mai pui an tak pon pa nhim, ju khaix tom sidah heue.

YAOGYAW 41:12

Maix hoik teem mai kieh aux grum koe mai tawx dee ot aux sivoe ngai Maix leeing ju heue.

LOX KAB 11:8

Pui rahsee khankix, tak luan hu khaing pa khi rhawm mai pui pa ang rahsee, tieh ti deeh kham tang nawh heue.

LOX KAB 13:6

Ceu pa rahsee, chix priex ka pui pa rahsee. Ceu pa ang rahsee, chix kieh pui pa koe phimap goh heue.

LOX KAB 14:2

Pui pa hawt krax rahsee, chix lhat graung ka Siyiex.Pui pa hawt krax pa kawk vawk khankix, chix yuh pa ang cee ang cak heue.

LOX KAB 15:8

Siyiex seeing ka krax tan pui pa ang rahsee khankix. Siyiex khaw rhawm ka lox rawg bwan pui rahsee khankix heue.

LOX KAB 16:17

Krax pa hawt pui rahsee khankix, mawh pa via hu khaing phimap, pui pa ang via mai hawt krax an jheung jheung, nawh tak priex ju khwan tix heue.

YOHAN 9:3

Yesux deeh pawk ah nin, “Ang mawh kheu phimap nawh, miex keeing nawh viang mawh nan mawh sonsang sidawng kaing Siyiex ka daux nawh, nawh tom yuh nin heue.

PHILIPPIX 3:12

Aux ang lai ah hoik pon tix mai hoik grum mhawm tix, viang mawh nan aux nied ti hu sivoe, sonsang pon giex aux ka ceu pa hoik giex Yesux Khrit ka aux, ka son an heue.

YAKOP 1:12

Pui pa chix kham ka pa nyaw glaw ting bwanson heue. Grawh grawng nawh khaix hoik cheu ti yaox ka nawh, nawh tak sang pon mhok khri pa im ju, pa hoik deuh Siyiex lox sijax mukheu ti sang tawx ka pui pa moh ka Nawh khankix heue.

1 PETRUX 1:7

sonsang cheu ti yaox krax yum rhawm pex, pa lheu mhawm lheu ngawh khaing khri, pa chix laux leeing, viang hoik cheu ti yaox ka ngu kawx, yuh ka mawx tak yaox pa mawh ceu pa yaogyaw mai min pakngai mai pa nab yam, yam lih bleeh Yesux Khrit heue.

1 PETRUX 5:10

Siyiex pa yuh bwanson khawmuik, pa hoik kok pex laig ka daux min pakngai leeing ju Nawh, ka daux Cao Khrit, khaix hoik yaox pex ti kham geu tix vud ngie, tokaux Nawh tak sang kieh pa grum mhawm mai kieh kaux cong mai baox thien thie riang rao kah heue.