YAWBAX 10:1 - Wa Common Language Translation

¹ “Khwan aux hoik ngau ka ju aux, aux tak kieh ceu pa ngau tix hoek piang tix, aux tak sikah ka daux krax pa kied song rhawm khwan tix heue.

YAWBAX 10:1 Iomraidhean Croise

1 SIMIANG 19:4

Viang mawh nan, nawh hu ka daux tiag been tix ngaix krax mai nawh hoek ngawm greem khaox gix ia khaox ratan mai nawh rawg bwan sonsang yum tix ah nin, “Ding heue, Simiang Siyiex eue teei ju aux yam in liak! Mawh kheu aux ang blon mhawm khaing keeing aux khankix heue.”

YAWBAX 14:13

Phan Maix Cao mox aux ka daux simeeig sang mawh pa mhawm miex ding, tom hoek bawg yam ang krax song rhawm Maix Cao nyang bax luan, khaix an deuh bawg yam pa doh keud Maix Cao ka aux liak.

YAWBAX 19:4

Phan aux lud tete, krax lud aux tak ot tau mai aux heue.

YAWBAX 5:20

Ka daux yam hot sibhawm, Nawh Cao tak taoh maix khaing krax yum mai daux naing, Nawh Cao tak taoh maix khaing sibrawm vaig.

YAWBAX 6:26

Mawh keud maix tix sang deuh phimap ka lox sikah aux lie? lox sikah pui pa ang koe krax keud pot jun pot khankix awm bhaung heue.

YAWBAX 7:11

Mawh kheu nan aux tak ang lai nyeep ka jheeh tix mai khwan aux tak sikah ka daux pa taug mao tix, aux tak bawgbe ka daux pa laux rhawm tix heue.

YAWBAX 7:16

Aux seeing ka krax im ju tix, aux tak ang lai im jheung jheung heue. Kieh aux ot nong nong, grawh grawng nawh baux singaix aux khankix hoik awm pa toek ex bhawm khaing heue.

YAWBAX 9:21

Phan aux mawh pa grum naog kawx, aux ang nyang tawng ka tokaux cao tix, aux laux rhawm ka ju cao tix heue.

ISAYAX 38:15

“Aux tak sang ah ka mawx lie? Nawh Cao hoik yuh awm sijax mukheu pa tawx Nawh ka aux. Kheu hoik teek ka rhawm rhi aux, num singaix ju aux tak hu.

ISAYAX 38:17

Aux hoik moi khaing pa kham jhawm saux mai hoik caux rhawm ka ju aux, taoh aux khaing daux pa laux leeing, Maix Cao hoik tik phimap aux ka plak khaix aux.

YONAX 4:3

Mawh kheu nan yam in, phan teei ju aux khaing aux, nie lheu mhawm khaing im aux heue.”

YONAX 4:8

Yam lih singaix, Siyiex khre bhaung pa kied hax khaing plak lih singaix mai kieh koek tong ka kaing Yonax mai kieh nawh peei awn riang heue. Khaix an nawh koe rhawm pa simie ti yum ah nin, “Yum aux nie lheu mhawm khaing im aux heue.

SIMIN 11:15

Phan Maix Cao yuh awm ceu in ka aux, yuh bwanson pah ka aux yam in, phan aux mawh pa pon bwanson ka plak sivoe ngai Maix Cao, paw doh kieh aux yaox krax kha liak.”