YAWBAX 1:5 - Wa Common Language Translation

⁵ Mawh kheu nan yam hoik naog kix pawie pa yuh tix, Yawbax kok kix hoek sonsang yuh kix singax mai nawh yaog ti kaoh caocao daux ponngawb mai hu tan krax tan pa gleeing khankix, awm hoik koe carang kix khawmuik heue. Grawh grawng nawh, Yawbax hoik keud yuh nin, “Kawn simex aux khankix hoik lud mai jhax lawg ka Siyiex ka daux rhawm kix heue.” Mawh kheu nan, Yawbax yuh awm an sijheeng heue.

YAWBAX 1:5 Iomraidhean Croise

YAM JAH 22:3

Mawh kheu nan Abraham kaoh caocao plak ponngawb mai sau an la khankix mai kok kawncau nawh ra kaux tau mai kawn simex nawh Icak, mai nawh lug khix son pa sang gleeing nawh mai kaoh hu ka dee hoik ah Siyiex ka nawh heue.

YAM JAH 6:5

Simiang Siyiex yaox pa caox caig yuh kawn pui hoik ting lhaong piang haktiex, krax keud kix, mawh pa ang mhawm khaing heue.

YAM JAH 8:20

Khaix an Noax yuh khu dee tan son Simiang Siyiex tix mu, nawh viex totiag pa singax mai sim pa singax kuceu hoek, gleeing tix tan krax tan pa gleeing ka piang khu dee tan ka Siyiex heue.

1 SIMIANG 18:31

Mai Eliyax teei simaox kao ra lon, awm koe doeh ru kawn simex Yakop mai ka pui pa hoek gumlox Simiang Siyiex ka ah nin, “Ceu kaux maix tak mawh Isarelax heue.”

1 SIMIANG 21:10

mai deuh pui caox ra kaux ngawm ka plak sivoe nawh, sonsang mawh kix pa kham mhai ruk ka son nawh ah nin, maix hoik jhax lawg ka Siyiex mai ka simiang mai teei nawh lih plak praix mai dheem yum ka simaox heue.”

1 SIMIANG 21:13

Mai kieh pui caox ra kaux ngawm ka plak sivoe nawh, mai pui caox an kham mhai sakse grawng Nabok ka plak sivoe ngai pui khankix ah nin, “Nabok jhax lawg ka Siyiex mai ka simiang heue. “Mai kix teei nawh lih plak praix veng mai dheem nawh yum ka simaox heue.

NEHAMIX 12:30

Khaix an cao giex kaing li mai pui Lewix khankix hoik kieh tokaux tix singax mai pui hun khawm guh veng singax heue.

YAWBAX 1:11

Viang mawh nan yam in nyeu plawng taix Maix Cao mai teeh ka can pa koe nawh khawmuik mai nawh tak jhax lawg ka Maix Cao ka plakngai Maix Cao tete heue.

YAWBAX 1:4

Yam hoek bawg yam singaix keh kawn simex nawh khankix, kix yuh pawie krax khan kheu ka daux nyiex cao kix mai kix ploi pui hu ghaok ka nan kix loe kaux hoek tix ih nyaux tau mai kix heue.

YAWBAX 2:9

Khaix an moeng nawh ah nin ka nawh, “Mawh ca kawn giex maix ka pa rahsee tix lie? Jhax lawg Siyiex mai yum khaing heue.”

YAWBAX 27:10

Tak sang koe krax nyawm rhawm nawh ka daux cao pa ting sibrawm lie? Tak sang rawg nawh bwan ka Siyiex jheung jheung lie?”

YAWBAX 41:25

Yam yaog nawh tix kaoh, can pa kied ting riang rao khankix koe krax lhat graung, mawh kheu kied lhat kix mai kix hu teed ka can pa koe hawt praok tix heue.

YAWBAX 42:8

Mawh kheu nan yam in teei mawie mhaing aliah mu mai yung aliah mu son maix, mai hu ka kawncau Aux Yawbax mai yuh krax tan pa gleeing ka son maix, khaix an mai kawncau Aux Yawbax tak rawg bwan son maix heue. Grawh grawng nawh Aux tak rieb ka lox bwan rawg nawh, mawh kheu nan Aux tak ang lai deuh phimap ka maix awm pa koe rhawm cao maix heue. Grawh grawng nawh maix ang lai krai ceu pa khaw caw ka Aux awm hoik krai kawncau Aux Yawbax heue.”

YAWBAX 6:14

Pui pa koe krax caux rhawm ka paox grawm tix pa hoek krax kha rhawm, tak mawh pa luad luan khaing pa lhat graung ka cao pa ting sibrawm heue.

YAWBAX 8:4

Phan kawn simex maix khankix yuh phimap mai phi lud ka Nawh Cao, Nawh Cao hoik teei ti tik kix kheu jao pa lud kix heue.

YAOGYAW 5:3

Siyiex eue, yam ponngawb Maix mhong ka lox aux mai yam ponngawb Maix mhong lox rawg aux bwan ka daux krax krox jun sivoe ngai Maix heue.

LIH HU 18:12

Paox Mose Yesaraw yuh krax tan pa gleeing mai tan ka Siyiex, Arun mai kuad song pui Isarelax khankix, hoek sonsang ih priex preem tau mai paox Mose sivoe Siyiex.

LIH HU 19:10

Khaix an Siyiex ah nin ka Mose, “Hu ka pui khankix mai kieh kix singax singeh daux singaix mai pasax mai kieh kix sidaux kraung tix,

LIH HU 24:5

Nawh ploi kawn nyawm sinaw pui Isarelax khankix, pa tan krax tan pa gleeing mai krax tan pa nhim ka mawie mhaing ting ka Siyiex.

SIDIEX 9:10

Can kaing pa sang yaox maix ti yuh khankix coca mai sau riang ti yuh awx, mawh kheu ka daux meung yum pa sang hu maix an kaing pa yuh ang ah krax keud krax gau ang ah, krax tawng yung ang ah, pingnya cuyi ang ah, ang lai koe ka heue.

YERAMIX 4:14

“Veng Yerusaliem eue, kieh rhawm maix luan khaing ceu pa caox caig, sonsang pon maix tix hoek krax taoh. kawn sang kieh maix krax pa caox khankix ot ka daux rhawm tix been miex greeng lie?”

YEZAKELAX 14:14

Viang pui inkix loe kaux, pa mawh Noax, Danyelax mai Yawbax ot ka daux haktiex in, kix tak taoh kaux cao tix nong nong, ka pa rahsee kix, Siyiex ah nan.

LUKAX 1:75

Ka daux pa singax singeh mai pa rahsee, daux bawg yam ngaix pa kawn ot kawn koe ex ka sivoe Nawh khawmuik heue.

LUKAX 18:7

Siyiex tak ang prawng, ang yuh plak pui pa hoik laug Nawh ti teei, pa kok ka Nawh yam pon singaix mai yam pon sawm, viang ang Nawh khran yuh kawx lie?

YOHAN 11:55

Yam an dex hoek pawie Pasakha pui hun Yudax khankix lih khaing yaong dee ot kix haok ka veng Yerusaliem ka sang yuh pawie Pasakha, sonsang kieh tokaux tix singax heue.

KAWNCAU 21:26

Ngaix pasax Pawlux teei pui an kix, yuh ti kieh tokaux tix singax tau mai kix, laig ka daux nyiex bwan mai krai grawng hoik naog singaix pa kieh singax khankix, tom hoik tan son kix ku kaux daux pui heue.

KAWNCAU 8:22

Mawh kheu nan, doh keud ka phimap ceu pa caox pa yuh maix in, mai rawg bwan ka Siyiex, sonsang ploi Nawh phimap pa hoik keud maix daux rhawm tix heue.

1 KAWRINTHUX 4:5

Mawh kheu nan, paw prawng ca tidtix ka sivoe sang hoek bawg yam nawh, viang mawh nan krox tom yam hoek Simiang, pa tak sang kieh pa riang jhan ka piang ceu pa hoik mox ka daux pa faik khankix mai kieh khawm pa keud daux rhawm rhi khankix sidawng. Yam an kaux pui mawx kaux pui an tak sang pon pa yaogyaw khaing Siyiex heue.

2 KAWRINTHUX 11:2

Grawh grawng nawh aux viang ka pex, ka krax viang pa dex mai Siyiex, mawh kheu aux hoik teei ti tawx pex ka mex tix kaux khaing, sonsang pon aux ti tawx pex ka Cao Khrit awm pa mawh bunkrih pa singax heue.

EFESUX 6:18

ca rawg bwan ku bawg yam, ka krax rawg mhaing khawmuik, ka daux Khuan Cao, pau ti jhak mai viex rhawm cong sijung mai rawg bwan, son pui singax singeh khawmuik,

1 SAMOELAX 16:5

Samoelax pawk ah nin, “Hoek daux pa nhim, aux hoek sonsang yuh krax tan ka Simiang Siyiex, kieh tokaux pex singax mai hoek ka aux, ka dee yuh krax tan.” Nawh yuh kieh Yessie mai kawn simex nawh khankix singax mai ghaok kix hoek ka krax tan.