YAWBAX 1:10 - Wa Common Language Translation

¹⁰ Ang hoik mawh Maix Cao pa hoik yuh hawt vung viang nawh mai hawt vung viang daux nyiex nawh khankix ku daog ang mawh lie? Maix Cao hoik nawb bwanson piang kaing jhaw pa yuh nawh ka taix tix khankix mai kraung khrai sinngao nawh khankix, hoik haok hwan ka daux haktiex in heue.

YAWBAX 1:10 Iomraidhean Croise

YAM JAH 15:1

Khaix hoik ceu inkix khawmuik, gumlox Simiang Siyiex lih hoek ka Abram ka daux riang susai ah nin, “Abram eue, paw lhat graung. Aux mawh pa tiebtie son maix heue. Bwanson hoik ting lhaong son maix heue.”

YAM JAH 26:12

Icak ruat simie ka haktiex an mai nawh yaox ti vawg plix nghox daux num an tix yieh son, Simiang Siyiex nawb bwan ka nawh heue.

YAM JAH 30:30

“Sivoe ang aux nyang hoek, kraung khrai maix koe ngie ceeix khaing, yam in hoik haok hwan tom nie, Simiang Siyiex hoik nawb bwan ka maix glang yam hoek aux heue. Mawh kheu nan aux tak yaox ti sang nyiex ma tix yam mawx lie?”

YAM JAH 30:43

Yakop baox nie magmi hu sipie mai nawh koe tobrie tom nie pa mawh yung, pex, kawncau simex kawncau bun, kala-uk mai la haoh hun heue.

YAM JAH 39:5

Jah bawg yam kieh nawh Yosiep mawh cao kwang piang nyiex ma mai kraung khrai tix khankix, Siyiex nawb bwan piang nyiex pui Ejiptux an, kheu jao Yosiep, bwanson Siyiex lih koe piang kraung daux nyiex ma nawh mai can pa koe daux kaung nawh heue.

YAM JAH 49:25

Pa mawh Siyiex keeing maix, tak teem maix, Cao pa ting sibrawm tak nawb bwan ka maix tau mai bwanson pa kaoh khaing daux raoma long, bwanson pa raux mox pa koe plak greem, bwanson pa pon khaing teeh mai pa kaoh khaing daux vaig heue.

YAWBAX 1:3

Sinngao nawh khankix mawh yung aliah rheng, kala-uk loe rheng, mawie tang phwan yieh, la shiang phwan yieh mu mai pui daux nyiex ma nawh khankix kied haoh hun heue. Mawh kheu nan, pui in mawh pui pa kied ting lhaong khaing sinax ceu pui baoh haktiex plak lih singaix khawmuik heue.

YAWBAX 29:2

“Kieh aux deeh awm khix num pa hoik luan khankix mai awm ka singaix liiem lia kia ngien Siyiex piang aux,

YAWBAX 29:6

ku diang caong hu aux khankix hoik naog ka rawm teeih mai simaox rang khankix hoik lih ti mawh bee ka son aux heue.

YAWBAX 31:25

phan aux koe krax pa gaux rhawm kheu jao hoik ting lhaong krax pa magmi aux mai kheu hoik kied nie pon aux pa yuh aux ka taix tix,

YAWBAX 42:12

Siyiex hoik nawb bwan piang Yawbax, bwanson pa pon nawh baox nie lheu pon khaing pa koe nawh yam jah heue. Grawh grawng nawh, nawh hoik koe yung khankix tix mheen pon rheng mu mai kala-uk liah rheng mu mai mawie tang tix rheng mu mai la shiang tix rheng mu heue.

YAOGYAW 107:38

Nawh Cao nawb bwanson ka kix mai kieh kawn praix kix pre haoh hun mai cub yung, cub mawie kix kawx, kied haoh hun heue.

YAOGYAW 34:7

Kawncau Siyiex cie Simiang, deuh tab rob vung viang kix pa lhat graung ka Nawh mai taoh ka kix heue.

YAOGYAW 5:12

Siyiex eue, nawb bwanson ka pui pa rahsee mai kieh bwanson Maix tiebtie ka kix, awm kraung naing pa tiebtie heue.

YAOGYAW 71:21

Maix hoik kieh aux magmi mai nyawm rhawm, ka daux singaix pa hoik luan heue.

YAOGYAW 80:12

Mawh kheu patix yam in, Maix lai yieh ti tik khaox vie nawh mai can pui pa hu krax dex nawh khankix, pieh tix ih plix nawh.

YAOGYAW 90:17

Siyiex eue, kieh bwanson Maix hoek ka piang ex liak. Kieh kaing pa yuh ex, kaux cong son ex liak.

LOX KAB 10:22

Bwanson Siyiex chix mawh sinngao, sinngao an ang khao tau mai krax khi rhawm heue.

ISAYAX 5:2

Nawh kaong ka daux tiex mai teei lon simaox singax mai sum nhu plix siiet pa kied mhawm ka daux an heue. Nawh sum nyiex pau ka daux sigreung sipeem mai baox yuh dee biiet rawm plix siiet ka daux an; mawh kheu nan nawh hoik keud ce an sang pon plix siiet ceu pa mhawm, viang mawh nan, an hoik lih ti mawh plix siiet tiag heue.

ISAYAX 5:5

Yam in yuh bwanson kieh Aux krai pex mhong grawng sang pon yuh Aux ceu patix ka sipeem plix siiet Aux, Aux tak sang teei ti viex nawh mai gleeing ka ngu mai yieh ti tik guh veng nawh mai kieh pui ting dig ka heue.

ZAKHARIX 2:5

Siyiex ah nin “Aux tak sang mawh guh veng ngu ka hawt vung viang nawh mai mawh min pakngai ka daux sigreung nawh heue.

ZAKHARIX 2:8

Siyiex cao kru naing raoma ah nin, khaix hoik sidawng min pakngai Nawh ploi aux hu ka ceu pui khankix pa tud rhim ti teei pex, pui pa hu teeh ka pex, mawh pui pa teeh ka daux kawn ngai Nawh Cao heue.

PINGNYAP 33:11

Simiang Siyiex eue, nawb bwan piang kraung khrai nawh liak! mai rieb ti teei kaing ceu pa yuh nawh, ka taix ti khankix, raig ti tik nyoi pui pa yaog ti kaoh tieh feen ka nawh khankix, son ang kix lai baox pon yaog ti kaoh.

PINGNYAP 33:27

Siyiex leeing ju, mawh dee een maix rhawm tix mai plawng taix leeing ju Nawh mawh pa teem ka maix, Nawh Cao tak grheu pui koeng khaing plak sivoe maix mai Nawh Cao kieh maix yuh kix laux leeing.”

PINGNYAP 7:13

Nawh Cao tak moh pex, nawb bwan ka pex mai kieh pex haoh hun, Nawh Cao tak nawb bwan ka doeh ru pex mai plix daux haktiex pex, simie nghox pex mai rawm plix siiet pex mai bee pex mai kieh kawn mawie, kawn yung, kawn pex, pex baox pre, daux haktiex pa tiextu Nawh Cao tix tawx ka keeing pex khankix.

1 PETRUX 1:5

pa mawh pui pa pau Siyiex ka sibrawm Nawh kheu krax yum rhawm sonsang kieh pon krax taoh, pa hoik rien khre ti plak kieh sidawng bawg yam sidah khaix sax heue.

1 SAMOELAX 25:16

kix mawh guh veng ka son yix ka plak pon sawm mai ponngaix, yam liang yix yung mai kix ku bawg.