YAWBAX 1:1 - Wa Common Language Translation

¹ Koe pui tix kaux pa kaux Yawbax pa ot daux haktiex Uzax pui an mawh pui grum naog mai pa rahsee mai nawh mawh pui pa lhat graung ka Siyiex mai via khaing pa caox caig heue.

YAWBAX 1:1 Iomraidhean Croise

YAM JAH 10:23

Kawn simex Aram mawh Uzax, Hulax, Getax mai Mashax heue.

YAM JAH 17:1

Yam hoik koe ju Abram tixdim dim num Simiang Siyiex lih bleeh ka Abram ah nin, “Aux mawh Siyiex pa ting sibrawm, hu plak sivoe ngai Aux, daux pa grum naog awx.

YAM JAH 22:12

Nawh cao ah nin, “Maix paw teeh ka kawn maix mai paw yuh tix ceu kawx ka nawh, grawh grawng nawh, yam in Aux hoik tawng lhat maix ka Siyiex mai Aux hoik yaox ang maix thiang pa mhaing Aux kawn simex maix tix kaux son Aux heue.”

YAM JAH 36:28

Kawn simex Dishan mawh, Uzax mai Aram heue.

YAM JAH 42:18

Khaix hoik naog loe singaix, Yosiep ah nin ka kix, “Yuh awm in sonsang im ju pex, kheu mawh aux pui lhat graung ka Siyiex,

YAM JAH 6:9

In mawh grawng doeh ru Noax, Noax mawh pui pa rahsee mai pa grum naog, daux doeh ru nawh, nawh mawh pa hu tau mai Siyiex.

2 SIMIANG 20:3

“Siyiex eue, aux rawg bwan doh keud ka aux ka daux krax lawng aux ka plak sivoe ngai Maix Cao, ka daux pa khaw caw mai krax pa kaux sijax khawm rhawm tix mai aux hoik yuh can ceu pa hoik mhawm khankix ka daux ngai Maix Cao heue.” Hezakiyax yiiem sigrien sigre heue.

1 GRAWNG BEEN 1:17

Kawn simex Semax khankix mawh Elam, Ashux, Aphazat, Ludax, Aram, Uzax, Hulax, Geta mai Meshiet khankix heue.

1 GRAWNG BEEN 1:42

Kawn simex Eza khankix mawh Bilahan, Zavan mai Akan heue. Kawn simex Dishan mawh Uzax mai Aram heue.

YAWBAX 1:8

Khaix an Siyiex ah nin ka satan, “Mawh hoik sax keud maix ti yaox ka grawng kawncau Aux Yawbax, pui pa awm nawh ang lai koe ka piang ca haktiex, pa mawh pui pa ang koe dee deuh phimap pa grum naog mai pa rahsee, nawh mawh pui pa lhat graung ka Siyiex mai pa via khaing pa caox caig lie?”

YAWBAX 2:3

Khaix an Siyiex ah nin ka satan, “Mawh sax keud maix ti yaox ka grawng kawncau Aux Yawbax, pui pa awm nawh ang lai koe piang ca haktiex, pa mawh pui pa ang koe dee deuh phimap, pa grum naog mai pa rahsee, nawh mawh pui pa lhat graung ka Siyiex mai pa via khaing pa caox caig lie? mai nawh ca kawn giex krax rahsee tix kaux cong, viang maix hoik sau riang Aux sonsang yuh nawh laux leeing ka daux pa ang koe ceu koe grawng heue.”

YAWBAX 28:28

Nawh Cao ah nin ka kawn pui, jhak heue, krax lhat graung ka Siyiex mawh pingnya mai pa via khaing pa caox caig mawh krax tawng yung heue.

YAWBAX 4:6

krax pa nab yam maix krax pa een maix rhawm tix mai krax pa rahsee pa hu maix mai krax keud pot jun pot maix khankix koe dee mawx lie?

YAWBAX 9:21

Phan aux mawh pa grum naog kawx, aux ang nyang tawng ka tokaux cao tix, aux laux rhawm ka ju cao tix heue.

LIH HU 18:21

Lheu khaing an laug pui pa sang pon yuh kaing, khaing pui in khawmuik, pui pa lhat graung ka Siyiex, pui pa kaux sijax mai pui pa koeng ka sinngao pa ang rahsee, mai yaog cao pa kwang ka piang kix, pa kwang ka piang cub tix rheng, ka piang cub tix yieh, ka piang cub tixphwan mai ka piang cub kao kaux.

LOX KAB 14:16

Pui pa koe pingnya chix lhat chix graung mai via hu khaing phimap heue. Pui caox khankix, ting rhawm mai koe rhawm kwa heue.

LOX KAB 14:2

Pui pa hawt krax rahsee, chix lhat graung ka Siyiex.Pui pa hawt krax pa kawk vawk khankix, chix yuh pa ang cee ang cak heue.

LOX KAB 16:17

Krax pa hawt pui rahsee khankix, mawh pa via hu khaing phimap, pui pa ang via mai hawt krax an jheung jheung, nawh tak priex ju khwan tix heue.

LOX KAB 16:6

Mawh kheu krax caux rhawm mai bwanson pa rahsee, pon ti luan khaing phimap heue. Rhawm pa lhat graung ka Siyiex, mawh pa chix via hu khaing phimap heue.

LOX KAB 20:7

Pui rahsee khankix, hawt krax pa rahsee tix mai kawn saux kawn sex nawh khankix kawx, tak pon bwanson heue.

LOX KAB 3:7

Paw keud tokaux tix mawh pa koe pingnya, lhat graung ka Siyiex mai via khaing ceu pa caox.

LOX KAB 8:13

Krax pa lhat graung ka Siyiex mawh ceu pa koeng ka phimap mai pui pa ting rhawm, pui pa map ka pui mai pui pa hu ka krax pa ang mhawm mai pui pa ah lox pa kawk vawk khankix, aux tak koeng kah heue.

YERAMIX 25:20

mai pui tang ceu pa khon tix ot tau mai kix khawmuik, Simiang haktiex Uzax khankix, simiang haktiex Philitix khankix pa kok mawh ceu pui haktiex Ashakelon, pui haktiex Gaza, pui haktiex Ekaron mai pui pa kawn deuk khaing haktiex Ashadok khankix,

YIIEM DOE 4:21

Kawn bun Edom pa ot ka daux haktiex Uzax eue, gaux rhawm mai koe krax pa nyawm rhawm heue. Kawk nyaux tak sang loe tix hoek ka dee ot maix heue. Maix tak sang nyaux ti yoek, tom ang lai ceep kraung heue.

YEZAKELAX 14:14

Viang pui inkix loe kaux, pa mawh Noax, Danyelax mai Yawbax ot ka daux haktiex in, kix tak taoh kaux cao tix nong nong, ka pa rahsee kix, Siyiex ah nan.

YEZAKELAX 14:20

viang pui inkix loe kaux pa mawh Noax, Danyelax mai Yawbax ot ka daux haktiex in, awm im ju Aux, kix tak ang lai deeh pon taoh kawn simex kawn bun tix, mawh ngie tokaux kix nong nong pa pon boek khaing, kheu pa rahsee kix, Siyiex ah nan heue.

LUKAX 1:6

Kiex khawm ra mawh pa rahsee sivoe Siyiex mai hawt lox tawm pinyap cie Siyiex khawmuik ang lai koe dee lud loe heue.

PINGNYAP 18:13

Maix tak mawh pui pa grum mhawm ka plak sivoe Simiang Siyiex.

YAKOP 5:11

Jhak heue, ex kok kix pa hoik kham hoik geu khankix mawh pa ting bwanson. Pex hoik mhong grawh grawng pa chix gun chix yeung Yawbax mai hoik pon yaox pa hoik yuh Simiang ka nawh yam sidah mai hoik yaox grawh grawng pa grum naog Simiang ka krax caux rhawm saik rhawm heue.

1 PETRUX 3:11

Kieh nawh deeh tieh khaing pa caox mai yuh pa mhawm. Kieh nawh sawg ceu pa nhim mai leue nawh heue.