TITUX 3:8 - Wa Common Language Translation

⁸ Lox in mawh pa kaux sijax, aux simie ti kieh maix sidiex grawng ceu in khankix mawh pa lung pa loi, son pui pa hoik yum rhawm ka Siyiex khankix, tak rien rhawm tix, yuh kaing ceu pa mhawm heue. Ceu in khankix mawh pa mhawm mai pa koe bwanson son kawn pui heue.

TITUX 3:8 Iomraidhean Croise

YAWBAX 22:2

“Awm pon kawn pui bwanson ka pingnya pa yuh cao tix, khex sang pon yuh pui bwanson ka Siyiex lie?”

YAOGYAW 78:22

Grawh grawng nawh, kix ang yum rhawm ka Siyiex mai ang tawng ka bwanson krax taoh Nawh Cao.

LOX KAB 21:28

Pui pa kham sakse pa ang mawh ang meh, chix hoek krax laux leeing, pui pa hoik mhong khankix jiet chix krai heue.

MATHIEX 20:4

Nawh ah nin ka kix, “Pex kawx hu ka daux sipeem plix siiet mai khaw tix tawx miex ding aux tak tawx ka pex” Kix kawx hu heue.

YOHAN 12:44

Yesux kok yo ah nin, “Pui pa yum rhawm ka Aux, yum rhawm ka Aux khaing ang mawh, yum rhawm ka Kaw pa ploi Aux hoek heue.

YOHAN 5:24

Aux krai lox tete ka pex, kaw pa mhong lox Aux pa yum rhawm ka Kaw pa ploi Aux hoek, hoik koe ju leeing ju ang hoek krax ciyang, hoik luan khaing krax yum laig ka daux ju pa im heue.

KAWNCAU 12:15

Kix ah nin ka nawh, “Yhot maix” nawh nied ti ah mawh tete heue, mai kix ah, “Mawh kawncau raoma cie Petrux heue.”

ROMAX 4:5

Viang mawh nan kaw pa ang yuh kaing mai yum rhawm ka Kaw pa kieh pui caox pa ang nab yam mai pa yuh pa ang khaw ka Siyiex rahsee, pa yum rhawm nawh an hoik sawn mawh pa rahsee heue.

2 KAWRINTHUX 4:13

Kheu koe rhawm pa yum rhawm awm pa khaw mai pa hoik tiiem ti deuh ah nin, “Mawh kheu yum rhawm aux, aux tom hoik krai heue,” mawh kheu ex kawx yum rhawm, ex tom krai heue.

EFESUX 4:28

Kaw pasax briex paw kieh nawh baox deeh briex, viang mawh nan kieh nawh yuh kaing pa mhawm pa yuh ka taix tix, sonsang koe nawh ceu pa tawx ka pui pa lo pa ang yaox ti ih khankix heue.

1 TIMOSE 1:15

Lox in mawh pa kaux sijax mai pa keung ti rieb ti teei khawmuik, pa ah, “Yesux Khrit hoek ka piang haktiex sonsang taoh pui phimap khankix,” mai aux mawh kun pui phimap heue.

1 TIMOSE 2:8

Mawh kheu nan aux simie ti kieh simex khankix rawg bwan kudah kudee mai yaog taix pa singax singeh, pa ang koe krax song rhawm songrhi mai krax thung thiang heue.

1 TIMOSE 5:10

pa kham pui mhai ruk ka grawng pa hoik yuh kiex pa mhawm, phan kiex hoik eei kawn tix ting, phan kiex hoik chix kia nyo sinie, phan kiex hoik khoek caong pui pa singax singeh khankix, phan kiex hoik kia ngien ka pui pa yaox krax tug krax kha, phan kiex hoik nied ti coca yuh kaing pa mhawm ku ceu, sau kiex daux carang heue.

2 TIMOSE 1:12

Mawh kheu grawng in aux tom yaox ti kham geu ceu in khankix, aux ang lai kaig tua, mawh kheu hoik tawng aux kaw pa hoik yum rhawm aux kah mai aux tawng grawng chix pau Nawh ka ceu pa hoik tawx hoik pong aux ka Nawh tom singaix an heue.

TITUX 1:9

Tak lai mawh pui pa giex ka gumlox sijax mukheu pa khaw mai pa gau, son sang mawh nawh pa chix jeeh nyaw ka lox gau pa mawh pa meh, sonsang chix pawk lox ka pui pa kieh pa thiang khankix heue.

TITUX 2:14

Kaw pa hoik tawx tokaux tix son ex, son sang taoh Nawh ex khaing daux phimap khawmuik, yuh ti kieh pui tix ceu singax son sang mawh cie tokaux tix, pa nied ti coca ti yuh kaing pa mhawm heue.

TITUX 2:7

Ka daux ku ceu khawmuik jhi ti kieh tokaux tix mawh mhai pa jawh ka grawng pa mhawm pa yuh tix, ka daux ceu pa gau maix, paw kieh koe pa ang mhawm pa sium, kieh koe rhawm pa chix keud mhawm mhawm,

TITUX 3:1

Kieh kix doh keud kah, sonsang chix ot kix greem simiang giex kaing, pa koe sibrawm khankix, son sang koe krax chix cu chix nghiet, sonsang rien tix ka son kaing pa mhawm ku ceu.

TITUX 3:14

Kieh pui ex khankix gau ti yuh ceu pa mhawm jheung jheung, son sang koe pa shiao kix, son ceu pa lo khankix, son ang kix sang mawh pa ang plix plix heue.

PHILEMON 1:11

Kaw pa ang koe bwanson son maix nhaox, viang mawh nan yam in koe bwanson ka maix mai ka aux heue.

HEBRIE 10:24

Kieh ex keud grawng paox tix, tix kaux lai tix kaux, sonsang kieh koe krax moh mai krax twah klaung pa mhawm.

1 PETRUX 1:21

pa mawh pui pa hoik yum rhawm ka Siyiex ka daux Nawh, pa hoik kieh Nawh deeh kaoh im khaing krax yum mai tawx min pakngai ka Nawh, son krax pa yum rhawm mai krax keud pot jun pot pex, tak mawh ka daux Siyiex heue.