TITUX 3:3 - Wa Common Language Translation

³ Ex kawx hoik sax mawh pui pa daox aw tix bawg, pa ang chix cu nghiet, pa hoik pie lhen kah, pa hoik yuh son alo nex nham mai krax gaux rhawm ku ceu, ot ka daux pa nieb keud ti yuh pui laux, pa boh rhawm, pa chix koeng, koeng ka paox tix, tix kaux lai tix kaux heue.

TITUX 3:3 Iomraidhean Croise

YAM JAH 38:9

Viang mawh nan, Awnan tawng ka kawn an, ang lai yaox ti kok mawh kawn tix yam hu it nawh mai moeng puxke tix, nawh kieh rawm ngang tix lih piang tiex, mawh kheu ang rhawm kieh kawn tix plud ka doeh puxke tix heue.

YAM JAH 39:16

Mawh kheu nan nawh priex sibex Yosiep ka tix, tom deeh hoek cao simiang tix daux nyiex heue.

YAOGYAW 36:2

Grawh grawng nawh, nawh yuh grang tix awm pa ang koe phimap pa seeing brai mai pa koeng ka pa caox caig plak sivoe ngai tokaux tix heue.

LOX KAB 8:5

Pui pa ang koe pingnya khankix eue, gau ka cuyi pingnya awx, pui pa caox khankix eue, kieh rhawm pex keud ka pingnya krax tawng yung awx.

LOX KAB 9:6

Via hu khaing pui caox mai sonsang pon ti im ju pa nyawm rhawm mai hu ka daux krax pingnya heue.”

ISAYAX 44:20

Nawh ih ka nyaox, rhawm caox caig hoik kieh nawh lud mai nawh ang pon taoh cao tix ah nin, “Mawh ang pa pie koe ka daux taix khawn dawm aux lie?” Ang lai tawng ti doh keud.

AWBADIX 1:3

Maix pa ot ka daux doh rang khankix, pa yuh dee ot dee koe tix ka dee pa lhaong khankix eue, Maix ah nin ka daux rhawm tix, mawh pui mawx pa tak sang pon bluh aux lih ka piang tiex lie? Krax lhaong rhawm maix hoik deeh pie lhen ti ih maix heue.

MATHIEX 21:29

Nawh deeh pawk lox ah nin, “ Aux ang hu, viang mawh nan khaix an nawh doh keud ka phimap tix mai hu heue.

LUKAX 21:8

Nawh Cao deeh ah nin ka kix, “Kheu son ang pui sang pon thong kieh pex lud, rien rhawm tix kah heue. Mawh kheu pui tom nie tak sang brex ti teei ceu kaux Aux mai hoek ti ah nin, Aux mawh Nawh heue. Mai bawg yam hoik hoek heue. Pex paw hawt khaix kix.

YOHAN 8:34

Yesux baox deeh ah nin ka kix, “Aux krai lox tete ka pex, pui pa yuh phimap ku kaux daux pui mawh siliex phimap heue.

ROMAX 11:30

Awm pa ang pex koe krax cu nghiet ka Siyiex, ka daux bawg yam pa hoik luan, viang mawh nan yam in hoik pon krax pa caux rhawm kheu krax pa ang cu nghiet kix,

ROMAX 6:12

Mawh kheu nan paw kieh phimap kwang giex kaing ka daux tokaux pa chix yum pex, ti kieh cu nghiet hawt alo nex nham tokaux.

ROMAX 6:17

Viang mawh nan yaogyaw bwanson Siyiex, mawh kheu viang pex hoik sax mawh siliex phimap kawx, pa hoik viex khawm rhawm tix cu nghiet ka been sidiex gau pa hoik rieb pex ti teei.

ROMAX 6:22

Viang mawh nan, yam in, kheu hoik luan pex khaing phimap mai hoik lih mawh siliex Siyiex mai plix pa sang pon pex mawh pa singax singeh mai dee sidah mawh ju leeing ju heue.

ROMAX 6:6

kheu hoik tawng ex grawng pui prim ex hoik yum tau mai Nawh Cao piang khaox lhak, sonsang yieh sibrawm tokaux phimap laux, son ang ex sang baox mawh siliex ka phimap.

2 KAWRINTHUX 12:20

Grawh grawng nawh, aux lhat yam hoek aux ka pex, ha aux kox yaox kheu tix ceu ceu tak sang yaox pex mawh, awm pa ang aux simie pex ti mawh mai viang pex kawx tak yaox tokaux aux mawh, awm pa ang pex simie ti yaox aux mawh. Phan ang mawh nan ha kheu tix ceu ceu kox tak yaox pa koe krax simah, krax boh rhawm rhi, krax song rhawm songrhi, krax pa tang siyox, krax pa nieb yuh plakngai pui laux, krax pa ah lox suk siep, krax ca nyhau ting rhawm mai krax lawh maw cuci heue.

KALATIX 6:3

Phan pui tix kaux kaux ce tokaux tix mawh pa laoh lie, yam ang nawh mawh tidtix, nawh deeh pie ka tokaux tix tiru heue.

KAWLAWSIE 1:21

Pex, pa hoik tang tiah paox tix daux bawg yam pa hoik luan, mawh pui pa koeng ka daux rhawm pex, ka daux kaing pa caox pa yuh pex,

KAWLAWSIE 3:7

Pex kawx hoik sax hu ka ceu an khankix yam kawn im pex ka daux pa awm an heue.

2 TIMOSE 3:13

Pui caox khankix mai pui pa nieb kroh ti pie khankix, tak sang nie caox sinyek sinyek mai pie ka pui tang kaux mai kieh pie ka khawm tokaux tix heue.

2 TIMOSE 3:6

Inkix mawh pa laig daux nyiex khankix miep miep, giex ka bun daox khankix, pa peeh phimap, pa tuk hu alo nex nham ka ku ceu heue.

TITUX 1:16

Viang kix ah tawng ka Siyiex kawx, kix thiang ti tik Nawh ka ceu pa yuh tix, kheu mawh kix pa khreeing mai pa ang chix cu nghiet mai pa ang koe bwanson tidtix ka son pa yuh kaing ceu pa mhawm heue.

TITUX 2:12

gau ka ex, sonsang thiang ex ti tik ka ceu pa ang nab yam mai pa ang khaw ka Siyiex, alo pa dex dawd haktiex, son sang chix keud ti priex rhawm tix, yuh pa rahsee, yuh pa nab yam mai ceu pa khaw ka Siyiex ka daux ju in heue.

YAKOP 1:26

Ka daux pex phan pui tix kaux kaux, ce tokaux tix mawh pui pa keud plak been bwan mai ang chix rien chix thox dak tix, nawh pie lhen ka rhawm rhi tokaux tix, pa keud pui an plak bwanson mawh pa giex going heue.

1 PETRUX 1:14

Kieh awm kawn praix pa chix nghiet chix cu lox mai paw yuh tokaux tix yaung awm alo nex nham, ceu pa sax yuh pex glang ka, yam ang pex lai tawng.

PLAK JHI 12:9

Taing lih ka siyawng ting an, pa mawh siuing prim dix, kaw pa kok mawh phicaox mai satan, pa mawh cao pa pie lhen ka beu haktiex khawmuik heue. Hoik taing nawh lih ka piang haktiex mai kawncau nawh khankix kawx hoik taing lih tau mai nawh heue.

PLAK JHI 13:14

Nawh pie lhen ka kix pa ot ka piang haktiex ka mhai pa daox am, pa hoik tawx tix kieh nawh yuh sivoe ngai totiag phao ka an mai nawh nhie kix pa ot ka piang haktiex khankix yuh riang grang totiag pa koe rhoi khaix dee hoik mug ka vaig mai pa im an heue.

PLAK JHI 18:2

Nawh kok lox pa ting pa sinum, ah nin, “Veng Babulon pa ting hoik grhup, maix hoik grhup. Mai hoik lih mawh dee ot phicaox khankix mai dee laung khwan pa ang singax kuceu mai dee laung sim pa seeing brai mai pa khaw tix koeng ka kuceu heue.