TITUX 3:2 - Wa Common Language Translation

² Son ang sang ah lox caox ka grawng pui tix kaux kawx, son ang sang simah, son sang koe rhawm pa mhawm, son sang plak jhi rhawm pa awn pa tiem ka pui khawmuik heue.

TITUX 3:2 Iomraidhean Croise

2 SAMOELAX 22:36

Nawh tawx ceu pa tiebtie pa taoh ka aux mai taix khawn dawm Nawh joh jhan ka aux, Nawh yaog aux ting ka daux krax gun yeung pa caux rhawm Nawh.

YAOGYAW 140:11

Pui pa ah lox pa caox caig khankix, paw kieh dee ot kix kaux cong piang haktiex in mai krax kha rhawm khankix, hawt leue khaix kix, pa mawh pui pa caox caig, tom sidah laux leeing heue.

LOX KAB 19:19

Pui pa ting rhawm tak pon krax ciyang, phan maix taoh nawh maix tak yaox tix taoh nawh lawlawx heue.

LOX KAB 25:24

Pa yaox ti ot ka daog piang praux nyiex, nie lheu mhawm khaing yaox ti ot daux nyiex ting mai bun pa yie simah ka nyiex ting pui hun heue.

LOX KAB 6:19

Pui pa kham sakse pa ang mawh meh mai lox pie lox lhen tix ceu mai pui pa chix kieh puxaik simah ka paox tix, tix ceu heue.

ISAYAX 40:11

Nawh Cao tak liang phung yung Nawh, awm cao liang yung, Nawh Cao khrawm kawn yung ka plawng taix tix mai kliien ka piang naok tix mai koi thong miex yung pa kawn iak kawn.

MATHIEX 11:29

Teei ti klawm khaox glawm Aux mai hoek ti gau ka Aux, kheu Aux koe rhawm pa awn pa tiem mai ju pex tak yaox dee laux lee tix heue.

KAWNCAU 23:5

Pawlux deeh ah nin, “Puxaik khankix eue, aux ang tawng grawng mawh nawh cao giex kaing li pa ting, mawh kheu hoik tiiem ti deuh ah nin, maix tak ang ah lox pa caox grawng cao giex kaing pui ceu maix heue.”

1 KAWRINTHUX 6:10

Pui briex ang ah, pui pa ghoing ang ah, pui pa yoek ka plai ang ah, pui pa salao ang ah, pui pa tud rhim ang ah, tak ang pon ti cie sin pa mawh meung Siyiex heue.

1 KAWRINTHUX 9:19

Viang aux hoik mawh pui ploi khaing pui khawmuik kawx, aux hoik kieh tokaux tix mawh siliex ka khawmuik, son sang nie lheu pon aux pui tom nie heue.

2 KAWRINTHUX 10:1

Tokaux aux Pawlux, pa tiem rhawm rhi yam ot mai pex, pa koe rhawm kwa yam tang ot khaing pex, khyox khaw ka pex ka ceu pa awn rhawm mai ceu pa mhawm rhawm mhawm rhi Cao Khrit heue.

2 KAWRINTHUX 12:20

Grawh grawng nawh, aux lhat yam hoek aux ka pex, ha aux kox yaox kheu tix ceu ceu tak sang yaox pex mawh, awm pa ang aux simie pex ti mawh mai viang pex kawx tak yaox tokaux aux mawh, awm pa ang pex simie ti yaox aux mawh. Phan ang mawh nan ha kheu tix ceu ceu kox tak yaox pa koe krax simah, krax boh rhawm rhi, krax song rhawm songrhi, krax pa tang siyox, krax pa nieb yuh plakngai pui laux, krax pa ah lox suk siep, krax ca nyhau ting rhawm mai krax lawh maw cuci heue.

KALATIX 5:22

Plix cie Khuan Cao mawh, pa moh rhawm, pa gaux rhawm, pa nhim, pa lang gun lang yeung, pa chix caux rhawm, pa mhawm, pa kaux sijax,

KALATIX 6:1

Puxaik khankix eue, phan krup pui tix kaux kaux ka daux phimap pa yuh nawh, pex pa kawn dex mai khuan, khaw ti viex rhawm awn pa mhawm ti deeh cox cai nawh mhawm heue. Deeh gi ka tokaux tix, ha maix kox hoek ka krax nyaw glaw heue.

KALATIX 6:10

Mawh kheu in, yam yaox ex dee pon ti yuh, kieh ex yuh ceu pa mhawm ka pui khawmuik mai nie lheu mawh ka kix pa mawh pui geh nyiex krax yum rhawm heue.

EFESUX 4:2

Ka rhawm pa awn pa tiem pa lang gun lang yeung mai yeung ka paox tix ka daux krax moh krax rhawm.

EFESUX 4:31

Kieh tik ka ceu pa song rhawm, pa hax rhawm, pa chu rhawm, pa lawh maw, pa map, pa koeng riang ciang khoi khaing pex heue.

PHILIPPIX 4:5

Ceu pa awn rhawm pex kieh pui khawmuik tawng kah heue. Simiang Siyiex ot dex heue.

1 THESALONIX 2:7

Yam ot ex sinax pex, ex hoik yuh pa awn pa nge, awm miex pa kawn kieh kawn tix peuex, kia ngien ka kawn tix khankix heue.

1 TIMOSE 3:11

Awm an moeng kix kawx, tak lai mawh pa chix keud chix priex rhawm tix mai pa ang nieb bied ti ah grawng pui mai pa chix yuh satix mai pa kaux sijax ka daux ku ceu khawmuik heue.

1 TIMOSE 3:3

Ang lai mawh pui pa nieb pleung ka plai rawm plix siiet, pa nieb tap toi ka pui, tak lai mawh pa awn rhawm awn rhi, pa ang simah simiang, pa ang moh ka mau heue.

YAKOP 3:17

Pingnya pa kaoh khaing dee long phao ka tix ceu mawh pa singax, lheu khaing an pa chix khaw paox tix mai pa awn rhawm mai ceu pa yie ti gau ti glaw, pa naog ka pa caux rhawm mai plix pa mhawm khankix, pa ang jhak ka pakngai pui ti yuh tang siyox mai pa ang koe pa pie lhen heue.

YAKOP 4:11

Puxaik khankix eue, paw krai lox deuh phimap grawng paox tix heue. Kaw pa ah lox deuh phimap ka puxaik, phan ang mawh nan pa prawng ca ka puxaik tix, nawh ah lox deuh phimap ka lox lai beenli mai prawng ca ka lox lai beenli heue. Phan maix prawng ca ka lox lai beenli maix ang mawh pui pa hawt yuh lox lai beenli, mawh cao prawng ca heue.

1 PETRUX 2:1

Mawh kheu nan tik ka pa caox khawmuik mai pa kheem pa veux mai pie kheem khawmuik mai pa boh rhawm mai pa sikah lox caox khawmuik,

1 PETRUX 3:10

Grawh grawng nawh, “Kaw pa sang moh ju mai pa simie ti yaox ngaix pa mhawm khankix, kieh nawh rien dak tix khaing lox pa caox mai kieh nawh rien siyieb jheeh tix, son ang sang ah lox pie lhen.

1 PETRUX 3:8

Lox pa ghoik mawh nin. Kieh pex khawmuik koe rhawm tix mu, pa koe rhawm khi mai pa chix khu rhawm paox tix mai pa koe krax moh krax rhawm awm puxaik khankix mai pa koe krax caux rhawm mai pa koe krax awn rhawm heue.

1 PETRUX 4:4

Kix daox deng kah, kheu ang pex to hu tau mai kix, ka daux pa chax nie luan yuh kix mai kix ah pa caox pa ang khaw ang jiet grawng pex heue.

2 PETRUX 2:10

Viang mawh nan sang nie lheu ah ka kix pa hawt ti hu khaix alo nex nham, ka daux pa mie pa seeing mai pa ang chix nab yam ka ceu pa giex kaing heue. Kix ting rhawm mai nieb hawt alo tokaux tix mai ang ring ang siyaung ti ah lox pa ang cee ang cak, ka pa ting min pakngai khankix,

YUDAX 1:10

Pui in khankix nieb salao ka grawng pa ang kix tawng, viang mawh nan kix chix teei pa lak tawng tix, awm totiag pa ang koe pa chix keud mai kieh tokaux tix laux sium kah heue.

YUDAX 1:8

Awm an pui pa nieb camaox in khankix kawx, yuh tokaux tix seeing brai mai nieb een ti ang koe ceu ka simiang khankix mai nieb ah lox pa salao ka kix pa ting min pakngai khankix heue.