TITUX 3:1 - Wa Common Language Translation

¹ Kieh kix doh keud kah, sonsang chix ot kix greem simiang giex kaing, pa koe sibrawm khankix, son sang koe krax chix cu chix nghiet, sonsang rien tix ka son kaing pa mhawm ku ceu.

TITUX 3:1 Iomraidhean Croise

LOX KAB 24:21

Kawn simex aux eue, lhat graung ka Siyiex mai simiang awx. Paw yuh paox pie tau mai pui lukliak khankix heue.

SIDIEX 10:4

Phan pui kwang maix lih tix song rhawm piang maix, paw gah tix hu khaing dee ot maix, grawh grawng nawh krax pa gun yeung chix kieh krax lud ting yiien ka heue.

ISAYAX 43:26

Kieh Aux, doh keud mai kieh ex rom ti tat see tau, krai grawng see pex, sonsang lawd luan pex.

YERAMIX 27:17

Paw nghiet ka kix, yuh kaing jhaw ka son simiang veng Babulon mai sonsang pon im ju pex ka heue. Veng in tak sang mawh pa laux leeing kheu jao grawng pa yuh ka mawx lie?

MATHIEX 22:21

Kix deeh ah nin ka Nawh Cao, “Mawh riang mai ceu kaux Simiang Kesa heue.” Yam an Nawh Cao baox ah nin ka kix, “Mawh kheu nan ceu pa mawh cie Kesa tawx ka simiang Kesa heue. Ceu pa mawh cie Siyiex tawx ka Siyiex heue.”

1 KAWRINTHUX 15:58

Mawh kheu nan puxaik pa moh aux khankix eue, kaux cong, paw kieh chix gah greed mai nied ti yuh kaing Simiang ku jheung jheung, mawh kheu tawng pex grawng kaing pa yuh pex ka daux Simiang ang lai mawh pa giex going heue.

EFESUX 2:10

Ex mawh khaix taix Nawh, pa hoik phan hoik yuh ka daux Yesux Khrit, sonsang twah, yuh ceu pa mhawm, pa hoik grux cox Siyiex sonsang hu ex ka daux ceu an khankix heue.

PINGNYAP 17:12

Phan koe pui pa hawt ti yuh awm koe rhawm vao tix mai pa ang cu tix nghiet ka cao giex kaing li pa cung ti yuh kaing jhaw Siyiex tan, ka plak sivoe Simiang Siyiex ang ah, ka plak sivoe cao prawng see ang ah, tak kieh pui an yum, mawh kheu nan maix tak teei ti tik pui caox caig khaing daux sinax ceu pui Isarelax khankix.

PHILIPPIX 1:11

kheu hoik naog pex ka plix ceu pa rahsee, pa hoik mawh kheu Yesux Khrit, sonsang kieh Siyiex koe min pakngai mai pa yaogyaw heue.

KAWLAWSIE 1:10

sonsang hu pex awm pa keung ka Simiang, sonsang caw rhawm Nawh ka khawmuik mai plix plix ka daux kaing pa mhawm ku ceu mai haok huan ka daux krax tawng Simiang Siyiex,

1 TIMOSE 2:2

Son simiang khankix mai can pui pa giex kaing khawmuik, sonsang pon ex ti ot yiien yawg mhawm mhawm ka daux pa yuh ceu pa khaw mai Siyiex mai pa chix priex rhawm tix heue.

1 TIMOSE 4:6

Phan maix krai puxaik khankix mhong grawng ceu in khankix maix tak mawh cao sidiex cao gau pa mhawm cie Yesux Khrit mai tak baox tiien riang rao tix ka daux lox pa yum rhawm khankix mai lox gau pa mhawm, pa hoik hawt maix tom yam in heue.

1 TIMOSE 5:10

pa kham pui mhai ruk ka grawng pa hoik yuh kiex pa mhawm, phan kiex hoik eei kawn tix ting, phan kiex hoik chix kia nyo sinie, phan kiex hoik khoek caong pui pa singax singeh khankix, phan kiex hoik kia ngien ka pui pa yaox krax tug krax kha, phan kiex hoik nied ti coca yuh kaing pa mhawm ku ceu, sau kiex daux carang heue.

2 TIMOSE 1:6

Mawh kheu jao in aux tom kieh maix deeh doh keud, sonsang sigwiex maix tix so totaix Simiang Siyiex, pa hoik koe ka daux maix, kheu deuh aux taix kah heue.

2 TIMOSE 2:14

Kieh kix deeh doh keud ka grawh grawng ceu in khankix mai tawm lox ka kix sivoe Simiang Siyiex, son ang kix sang coca grawng pa thung thiang ka lox pa ang tie koe bwanson tidtix, pa kieh pui pa nghiet khankix laux leeing kah heue.

2 TIMOSE 2:21

Phan pui tix kaux kaux kieh tokaux tix singax khaing in khankix, nawh tak mawh klong pa koe min pakngai, pa singax mai pa mhawm sonsang shiao cao nyiex, pa hoik cox khre ka son kaing pa mhawm ku ceu heue.

TITUX 1:16

Viang kix ah tawng ka Siyiex kawx, kix thiang ti tik Nawh ka ceu pa yuh tix, kheu mawh kix pa khreeing mai pa ang chix cu nghiet mai pa ang koe bwanson tidtix ka son pa yuh kaing ceu pa mhawm heue.

TITUX 2:14

Kaw pa hoik tawx tokaux tix son ex, son sang taoh Nawh ex khaing daux phimap khawmuik, yuh ti kieh pui tix ceu singax son sang mawh cie tokaux tix, pa nied ti coca ti yuh kaing pa mhawm heue.

TITUX 3:14

Kieh pui ex khankix gau ti yuh ceu pa mhawm jheung jheung, son sang koe pa shiao kix, son ceu pa lo khankix, son ang kix sang mawh pa ang plix plix heue.

TITUX 3:8

Lox in mawh pa kaux sijax, aux simie ti kieh maix sidiex grawng ceu in khankix mawh pa lung pa loi, son pui pa hoik yum rhawm ka Siyiex khankix, tak rien rhawm tix, yuh kaing ceu pa mhawm heue. Ceu in khankix mawh pa mhawm mai pa koe bwanson son kawn pui heue.

HEBRIE 13:21

Kieh pex grum mhawm ka pa hawt yuh alo Nawh Cao ka daux ceu pa mhawm ku ceu mai yuh ceu pa khaw caw plak sivoe Nawh Cao, ka daux pex, kheu Yesux Khrit. Kieh Nawh koe min pakngai ku ju leeing ju liak. Amen.

2 PETRUX 1:12

Mawh kheu nan aux tak sang rien tokaux tix jheung jheung, son sang kieh pex doh keud ka grawh grawng ceu in khankix, viang pex hoik tawng grawng khankix mai kaux cong ka daux pa mawh meh pa hoik koe tau mai pex heue.

YUDAX 1:5

Viang pex hoik tawng grawh grawng ku ceu khawmuik tix bawg son ku jheung jheung, aux simie ti kieh pex doh deud doh sawn ka grawng khaix hoik taoh Siyiex Leeing ju pui Isarelax khaing meung Ejiptux, khaix an deeh yieh kix pa ang yum rhawm laux heue.