TITUX 2:8 - Wa Common Language Translation

⁸ Kieh lox pa sidiex gau maix mawh pa mawh meh, pa ang koe dee deuh phimap kah, son kaw pa ang khaw plak ex, sang hoek krax kaig twa kheu ang nawh koe ceu pa caox ti ah grawng ex heue.

TITUX 2:8 Iomraidhean Croise

NEHAMIX 5:9

Aux ah nin, “Ceu pa yuh pex khankix ang lai mawh pa mhawm, mawh ang pex khaw tix hu ka daux pa lhat graung tix ka Siyiex ex, sonsang tiebtie lox salao pui tang ceu, pa mawh pui koeng ex khankix lie?”

ISAYAX 66:5

Pex pa koe krax graung ka gumlox Nawh Cao khankix eue, nghiet ka gumlox Nawh Cao heue. Puxaik pex khankix pa koeng ka pex, pa hoik grheu pex lih kheu jao ceu kaux Aux hoik sax ah nin, “Kieh Siyiex koe min plakngai, son tak sang pon ex ti yaox ka krax pa gaux rhawm pex. Viang mawh nan, kix tak mawh pa kaig tua heue.”

MAKUX 12:17

Yesux baox ah nin ka kix, “Ceu pa mawh cie Kesa, tawx ka simiang Kesa heue. Ceu pa mawh cie Siyiex tawx ka Siyiex heue.” Kix kied daox deng ka Nawh Cao heue.

MAKUX 12:28

Pui tiiem lai tix kaux hoek mai mhong lox pa chawk kix ka paox tix mai nawh tawng grawng Nawh Cao hoik pawk lox ka kix mhawm mhawm mai chawk Nawh Cao ah nin, “Lox pingnyap pa yuh ka mawx lheu ting khaing paox tix khawmuik?”

MAKUX 12:32

Pui tiiem lai an ah nin ka Nawh Cao, “Mawh pa mawh meh heue. Sara Cao gau eue. Pa krai Maix mhawm, Siyiex koe tix kaux khaing mai lheu khaing Nawh Cao Siyiex tang kaux ang koe.

MAKUX 12:34

Yam yaox Yesux nawh chix keud ti pawk lox mhawm mhawm, Nawh Cao ah nin ka nawh, “Maix ang singai khaing Meung Siyiex heue.” Khaix an pui tix kaux kawx ang pon chawk Nawh Cao ka lox tidtix heue.

LUKAX 13:17

Yam ah Nawh Cao nan, pui pa koeng ka Nawh khawmuik, koe krax kaig heue. Cub pui hun khawmuik, gaux rhawm ka grawh grawng ceu pa ting min plakngai pa yuh Nawh Cao khankix heue.

2 THESALONIX 3:14

Phan pui tix kaux kaux ang cu ang nghiet ka lox ex, daux lai in, een ti tawng pui an, paw yuh paox pie mai nawh, sonsang kaig tua nawh kah heue.

1 TIMOSE 5:14

Aux simie miexmai pa awn ju khankix baox koe mex mai koe kawn mai bung ti kia nyiex tix, son ang sang koe dee map pa koeng kah heue.

1 TIMOSE 6:3

Phan pui tix kaux kaux gau lox ceu pa gau pa tang pa siyox mai ang cu ka lox pa mawh pa meh, pa mawh gumlox Simiang ex Yesux Khrit mai ka lox ceu pa gau pa khaw mai pa nab yam pa yuh ceu pa khaw ka Siyiex.

TITUX 3:14

Kieh pui ex khankix gau ti yuh ceu pa mhawm jheung jheung, son sang koe pa shiao kix, son ceu pa lo khankix, son ang kix sang mawh pa ang plix plix heue.

1 PETRUX 2:12

Kieh pa yuh pex mawh pa nyawm ti jhak ka sinax pui tang ceu khankix, yuh ka mawx viang kix ah lox deuh phimap ka piang pex awm mawh pex pui pa yuh pa caox kawx, kix tak sang yaox kaing pa yuh pex pa mhawm mai yaogyaw Siyiex ka daux singaix pa kia pa prawng heue.

1 PETRUX 2:15

Pex tak lai pon kieh lox pui daox pa ang chix tawng khankix yiien glaik tix kheu ceu pa yuh tix pa mhawm grawh grawng nawh Siyiex koe alo yuh nan heue.

1 PETRUX 3:16

Kieh rhawm dee chix keud tawng pex ang koe dee deuh phimap ka tokaux tix, viang ah lox deuh phimap ka pex, awm mawh pex pui pa yuh pa caox kawx, kix pa nieb ah pa ang cee cak grawh grawng pa yuh pex ka daux Khrit, tak hoek krax kaig twa heue.