TITUX 2:7 - Wa Common Language Translation

⁷ Ka daux ku ceu khawmuik jhi ti kieh tokaux tix mawh mhai pa jawh ka grawng pa mhawm pa yuh tix, ka daux ceu pa gau maix, paw kieh koe pa ang mhawm pa sium, kieh koe rhawm pa chix keud mhawm mhawm,

TITUX 2:7 Iomraidhean Croise

2 KAWRINTHUX 1:12

Grawh grawng nawh krax pa yaw rangdi ex mawh in, mawh pa mawh mhai rug pa kham dee chix keud chix tawng ex, grawng pa twah pa klaung ex ka daux haktiex mai pa nie lheu mawh pa twah pa klaung ka pex, mawh pa hoik yuh ka daux pa singax mai ka daux pa viex khawm rhawm tix awm pa khaw mai Siyiex mai grawng ang lai mawh pa yuh ka daux pingnya pa dex mai nex nham, viang mawh nan mawh ka daux bwanson Siyiex heue.

2 KAWRINTHUX 2:17

Ex ang lai awm ka pui tom nie, pa nieb lak baox, lak teei lih khaing gumlox Siyiex, ex viex khawm rhawm tix sidiex ka daux Cao Khrit, awm pa khaw mai Siyiex, ka plak sivoe Siyiex heue.

2 KAWRINTHUX 4:2

Ex hoik tik ka ceu pa kaig pa tua pa mox khankix mai ang hu ka daux ceu pa lak keud ti yuh cuyi, viang ka gumlox bwan Siyiex kawx ang nieb muan ti pie lhen kah, viang mawh nan kheu plak jhi pa mawh meh sidawng, ex yuh ti kieh tokaux ex caw rhawm ka dee chix keud chix tawng pui ku kaux ka plak sivoe Siyiex heue.

2 KAWRINTHUX 8:8

Pa ah aux nin ang mawh lox tawm pa nhie pex yuh, aux teei grawng pa viex pui tang kaux khawm rhawm tix yuh mai cheu ti yaox grawng krax moh krax rhawm pex mawh pa mawh meh nieh, ang mawh nieh.

EFESUX 6:24

Kieh bwanson koe mai kix khawmuik pa moh Simiang ex Yesux Khrit, ka krax moh krax rhawm ceu pa mawh tete heue. Amen.

PHILIPPIX 1:10

sonsang chix tawng ti cheu ceu pa tang pa siyox khankix mai sonsang singax singeh pex mai ang koe dee cha tom hoek singaix Yesux Khrit,

2 THESALONIX 3:9

pa yuh ex nan ang mawh kheu ang ex koe akhwang, yuh sonsang kieh tokaux ex mawh mhai ti hawt jawh ka son pex, sonsang hawt jawh pex ka ex heue.

1 TIMOSE 4:12

Paw kieh pui tix kaux kawx nunai maix kheu awn ju maix, kieh maix mawh ceu pa hawt jawh pui pa yum rhawm khankix ti yuh, ka daux pa sikah, ka daux pa yuh maix, ka daux pa moh, ka daux pa yum rhawm, ka daux pa singax singeh heue.

1 TIMOSE 5:10

pa kham pui mhai ruk ka grawng pa hoik yuh kiex pa mhawm, phan kiex hoik eei kawn tix ting, phan kiex hoik chix kia nyo sinie, phan kiex hoik khoek caong pui pa singax singeh khankix, phan kiex hoik kia ngien ka pui pa yaox krax tug krax kha, phan kiex hoik nied ti coca yuh kaing pa mhawm ku ceu, sau kiex daux carang heue.

TITUX 3:8

Lox in mawh pa kaux sijax, aux simie ti kieh maix sidiex grawng ceu in khankix mawh pa lung pa loi, son pui pa hoik yum rhawm ka Siyiex khankix, tak rien rhawm tix, yuh kaing ceu pa mhawm heue. Ceu in khankix mawh pa mhawm mai pa koe bwanson son kawn pui heue.

1 PETRUX 5:3

Paw nieb yuh ti ting piang cub ceu cao pa hoik tang tawx ka pex, viang mawh nan, kieh tokaux pex mawh mhai pa hawt cub yung tix jawh kah heue.