TITUX 1:9 - Wa Common Language Translation

⁹ Tak lai mawh pui pa giex ka gumlox sijax mukheu pa khaw mai pa gau, son sang mawh nawh pa chix jeeh nyaw ka lox gau pa mawh pa meh, sonsang chix pawk lox ka pui pa kieh pa thiang khankix heue.

TITUX 1:9 Iomraidhean Croise

YAWBAX 2:3

Khaix an Siyiex ah nin ka satan, “Mawh sax keud maix ti yaox ka grawng kawncau Aux Yawbax, pui pa awm nawh ang lai koe piang ca haktiex, pa mawh pui pa ang koe dee deuh phimap, pa grum naog mai pa rahsee, nawh mawh pui pa lhat graung ka Siyiex mai pa via khaing pa caox caig lie? mai nawh ca kawn giex krax rahsee tix kaux cong, viang maix hoik sau riang Aux sonsang yuh nawh laux leeing ka daux pa ang koe ceu koe grawng heue.”

YAWBAX 27:6

Aux giex tix priex krax pa rahsee tix kaux cong mai aux ang ploi ka, rhawm aux tak ang lai koe dee deuh phimap ka cao tix, glang yam im ju aux heue.

LOX KAB 23:23

Liag ti teei ka pa rahsee (pa mawh meh) mai paw lai coh, pingnya ang ah, lox pa sidiex gau pingnya pa tawng pa yung ang ah, liag ti cie heue.

KAWNCAU 18:28

Mawh kheu nawh pon ti thiang pui Yudax ka daux sibrawm mai nawh teei phuk lai sigang khri mai plak jhi pui yaox sidawng grawng Yesux mawh Khrit heue.

1 KAWRINTHUX 14:24

Phan khawmuik ah lox jhai mai phan pui tix kaux pa ang yum rhawm, phan ang mawh nan pa ang chix, hoek ti laig, pui ceu cao khawmuik plak jhi phimap nawh mai chawk cheng ti prawng ca ka nawh heue.

1 THESALONIX 5:21

Tiag cheu ti yaox ka ku ceu khawmuik, jhawp ka pa mhawm tom kaux.

2 THESALONIX 2:15

Puxaik khankix eue, cung cong sijung mai jhawp ka been pa hoik gau ka pex khankix, ka lox sikah ang ah, ka lai pa tawx ex ang ah heue.

1 TIMOSE 1:10

son pui pa phit vao, son pui pa phit vao ka paox simex tix, son pui pa briex pui, son pui pie lhen, son pui pa kham mhai ruk pa ang mawh ang meh, tang ceu can pa ang caw ka lox ceu pa gau, pa mawh pa meh,

1 TIMOSE 1:15

Lox in mawh pa kaux sijax mai pa keung ti rieb ti teei khawmuik, pa ah, “Yesux Khrit hoek ka piang haktiex sonsang taoh pui phimap khankix,” mai aux mawh kun pui phimap heue.

1 TIMOSE 1:19

Jhawp ka krax yum rhawm mai ka dee chix keud chix tawng pa mhawm, pui tiblah hoik tik khaing kix mai hoik kieh rau krax yum rhawm laux leeing kheu heue.

1 TIMOSE 4:9

Lox pa ah nin mawh pa kaux sijax mai pa khaw ti rieb ti teei khawmuik heue.

1 TIMOSE 6:3

Phan pui tix kaux kaux gau lox ceu pa gau pa tang pa siyox mai ang cu ka lox pa mawh pa meh, pa mawh gumlox Simiang ex Yesux Khrit mai ka lox ceu pa gau pa khaw mai pa nab yam pa yuh ceu pa khaw ka Siyiex.

2 TIMOSE 1:13

Giex tom sied ka gumlox pa mawh pa meh, ceu pa hoik mhong maix khaing aux, ka daux pa yum rhawm mai pa moh rhawm pa koe ka daux Yesux Khrit heue.

2 TIMOSE 2:2

Ceu pa hoik mhong maix khaing aux khankix, ka sinax pui kham mhai ruk tom nie maix tawx pong ka pui pa kaux sijax khankix, pa sang chix gau ka khawm pui tang kaux khankix heue.

2 TIMOSE 2:25

tak lai viex rhawm awn rhawm tiem mai gau ka kix pa deeh kieh raw ka tokaux tix, ha Siyiex kox deeh kieh kix doh keud ka phimap tix hoek ka pa tawng pa mawh pa meh,

2 TIMOSE 3:14

Maix ot kaux cong ka daux ceu pa hoik gau maix mai pa hoik tawng maix mawh pa mawh tete, kheu hoik tawng grawng pa gau maix ceu an khankix khaing pui pa yuh ka mawx,

2 TIMOSE 4:3

Bawg yam tak sang hoek yam kix tak ang pon kham tix nghiet ka lox gau pa mawh pa meh, kheu ngiex yhaok kix, kix tak sang khrawm sang pum sara cao gau, pa sang hawt alo nex nham kix heue.

TITUX 1:11

Tak lai thox jheeh kix, pui pa klup ti kieh laux ka pui khawm nyiex khankix, ka pa gau pa ang kix khaw ti gau, son sang pon kix mau yie ka grawng pa ang khaw heue.

TITUX 2:1

Maix krai grawh grawng ceu pa khaw mai lox gau pa mawh meh khankix.

YUDAX 1:3

Pui pa moh aux khankix eue, yam nied aux ti coca ti tiiem lai ka pex grawh grawng krax taoh pa hoik pon ex awm paox tix, hoik kieh aux tiiem ka pex, sonsang gau pex nied ti yuh, nied puing, son krax yum rhawm pa hoik tawx tix bawg son ku jheung jheung ka pui pa singax singeh khankix heue.

PLAK JHI 2:25

Viang mawh kawx nan can pa hoik koe pex, giex tom cong tom hoek Aux ka pex heue.

PLAK JHI 3:11

Aux tak khran hoek heue. Giex tom kaux tom cong ka ceu pa hoik koe maix, yuh ka mawx son ang pui tix kaux kawx sang teei mhok khri maix heue.

PLAK JHI 3:3

Mawh kheu nan doh keud ka ceu pa hoik pon hoik mhong maix mai priex ti hawt mai doh keud ka phimap tix awx. Mawh kheu nan phan maix ang pau ti jhak, Aux tak hoek awm pui briex mai maix tak ang tawng bawg yam nari pa sang hoek Aux ka maix heue.