TITUX 1:8 - Wa Common Language Translation

⁸ Tak lai mawh pa chix khre ka nyo sinie, pa moh ka pa mhawm, pa chix keud ti priex rhawm tix, pa rahsee, pa singax, pa chix priex rhawm tix heue.

TITUX 1:8 Iomraidhean Croise

1 SIMIANG 5:1

Yam mhong Hiram simiang veng Turux ka groi kix bee ka Sawlamon mai plud dee ot keeing tix, nawh ploi kawncau ti hu ka Sawlamon, mawh kheu moh Hiram ka simiang Davit jheung jheung heue.

1 SIMIANG 5:7

Yam mhong Hiram ka lox Sawlamon, nawh kied koe krax gaux rhawm ah nin, “Kieh krax pa yaogyaw bwanson koe ka Simiang Siyiex ka daux in singaix, mawh kheu Nawh Cao hoik tawx kawn simex Davit pa koe pingnya cuyi tix kaux, kwang ka piang pui ting heue.”

YAOGYAW 16:3

Pui pa singax singeh pa ot ka daux meung Maix, mawh pui pa mhawm pa khaw rhawm aux heue.

AMOT 5:15

Koeng ka pa caox, moh ka ceu pa mhawm, yuh ti deuh pa rahsee ka daux diang siviex veng heue. Phan yuh nan Siyiex pa mawh Siyiex cao kru naing raoma, tak sang koe krax caux rhawm ka ceu pui Yosiep, pa kawn deuk an khankix heue.

LUKAX 2:25

Jhak heue, ka daux veng Yerusaliem koe pui pa kaux Simeon tix kaux, pa mawh pui rahsee pa chix nab yam yungyi mai krox jun son bawg yam sang teem kieh Isarelax mhawm mai Khuan Singax Singeh koe ka piang nawh heue.

KAWNCAU 24:25

Yam sidiex gau Pawlux ka grawng pa rahsee mai ka grawng pa priex rhawm tix mai grawng krax prawng ca pa tak sang hoek sax, simiang Felit die lhat kah ah nin, “Phao in hu dee hu maix ha mai yam tien aux mai mhawm bawg yam, aux tak kok maix hoek ka aux heue.”

1 THESALONIX 2:10

Pex mawh pa kham mhai ruk, khawm Siyiex kawx kham mhai ruk, grawng pa singax singeh mai pa rahsee, pa ang koe dee deuh phimap, ka daux ceu pa hoik yuh tokaux ex ka pex pa yum rhawm khankix, mawh pa yuh ka mawx.

1 TIMOSE 3:2

Mawh kheu nan pui pa giex kaing ceu cao tak lai mawh pui pa ang koe dee deuh phimap kah, pa koe moeng tix kaux khaing mai pa yuh satix, pa chix priex rhawm tix, pa chix keud chix sawn, pa chix khre ka nyo sinie, pa chix gau heue.

1 TIMOSE 4:12

Paw kieh pui tix kaux kawx nunai maix kheu awn ju maix, kieh maix mawh ceu pa hawt jawh pui pa yum rhawm khankix ti yuh, ka daux pa sikah, ka daux pa yuh maix, ka daux pa moh, ka daux pa yum rhawm, ka daux pa singax singeh heue.

1 TIMOSE 6:11

Mawh kheu nan maix pa mawh pui Siyiex eue, to khaing ceu in khankix mai hawt khaix pa rahsee mai ceu pa nab yam pa yuh pa khaw ka Siyiex mai pa yum rhawm mai pa moh mai pa gun pa yeung mai pa awn rhawm heue.

2 TIMOSE 2:22

To khaing alo nex nham sinaw mai hawt khaix pa rahsee mai krax yum rhawm mai krax moh krax rhawm mai krax nhim tau mai kix pa kok ka Simiang Siyiex, khaing daux rhawm rhi pa singax singeh heue.

2 TIMOSE 3:3

pa ang koe krax moh, pie been moh pa sax koe pui, pa ang rhawm pluat phimap pui, pa nieb deuh phimap ka pui, pa ang chix priex rhawm tix, pa lang teung caox, pa ang moh ka pa mhawm,

TITUX 2:7

Ka daux ku ceu khawmuik jhi ti kieh tokaux tix mawh mhai pa jawh ka grawng pa mhawm pa yuh tix, ka daux ceu pa gau maix, paw kieh koe pa ang mhawm pa sium, kieh koe rhawm pa chix keud mhawm mhawm,

1 YOHAN 3:14

Ex tawng grawh grawng hoik lih ex khaing pa yum mai hoik laig ka daux pa im ju, mawh kheu moh ex ka puxaik khankix heue. Kaw pa ang koe krax moh krax rhawm ot ka daux pa yum heue.

1 YOHAN 5:1

Pui pa yum rhawm grawng mawh Yesux Khrit, kawn Siyiex, mawh pa kieh Siyiex kix keh heue. Awm moh ka miex keeing mai tak moh ka kawn heue.

1 SAMOELAX 18:1

Yam hoik sikah nawh ka Sawlux, Yawnasan hoik pid rhawm ka Davit mai Yawnasan hoik moh nawh awm moh ka ju tix.