TITUX 1:6 - Wa Common Language Translation

⁶ Phan pui tix kaux kaux koe, pa ang koe dee deuh phimap kah, pa koe moeng tix kaux khaing, pa koe kawn praix pa yum rhawm, pa ang pui deuh phimap ka grawng pa cuci pa lawh maw, ka pa ang chix cu nghiet, ciak ti deuh pa yuh nan heue.

TITUX 1:6 Iomraidhean Croise

1 TIMOSE 3:12

Kieh pui pa bung kaing ceu cao khankix, mawh pa koe moeng tix kaux khaing, pa chix giex kaing piang kawn praix mai piang nyiex tix mhawm mhawm heue.

TITUX 1:10

Koe pui pa ang chix cu nghiet tom nie, pa nieb krai lox pa ang tie koe bwanson, pie ka pui, nie ting mawh ka kix pa mawh cub pa pat hak,

EFESUX 5:18

Paw kieh yoek ka plai rawm plix siiet, pa nieb chix kieh luan yuh cuci, viang mawh nan kieh naog ka Khuan Cao,

YEZAKELAX 44:22

Kix ang pon ti teei ti moeng miexmai, bun pa hoik tik mex tix, viang mawh nan, kix pon ti teei bunkrih nyiex ma ceu pui Isarelax ang ah, miexmai pa hoik mawh moeng cao giex kaing li heue.

KRUB 21:7

Kix tak ang pon ti teei bun coh kaux tix, bun pa hoik seeing brai mai bun pa hoik tik mex tix mawh moeng tix, grawh grawng nawh cao giex kaing li mawh pa singax singeh son Siyiex.

1 THESALONIX 5:14

Puxaik khankix eue, ex jeeh nyaw ka pex, sonsang tawx satix ka kix pa yuh pa ang khaw mai sonsang tawx riang ka kix pa iak rhawm mai sonsang teem ka kix pa iak riang iak rao mai kieh koe rhawm pa lang gun lang yeung ka pui khawmuik heue.

LUKAX 1:5

Bawg yam mawh Herut, simiang meung Yudax, koe cao giex kaing li tix kaux, pa kaux Zakharix, pa dex dawd mai cub Abiyax. Moeng nawh mawh kawn bun ru Arun mai ceu kaux nawh mawh Elizabiet heue.

LOX KAB 28:7

Pui pa chix priex tix hawt ka lox tawm beenli, mawh kawn pa koe pingnya heue. Pui pa yuh paox pie ka pui pa cha nie luan ih, chix kieh keeing tix kaig tua heue.

1 SAMOELAX 2:22

Elix hoik kied kuad mai nawh mhong can pa yuh kawn simex tix ka pui Isarelax, grawng it kiex mai bun yuh kaing jhaw ka diang siviex laig nyiex gox bwan man bang kum,

1 SAMOELAX 2:11

Khaix an Elakanax deeh ing ka nyiex tix, ka Ramax, mai kawn nyawm an yuh kaing jhaw Simiang Siyiex ka sivoe Elix cao giex kaing li.

KRUB 21:14

miexmai ang ah, bun hoik tik mex ang ah, bun coh kaux pa hoik seeing brai ang ah, ceu bun inkix nawh tak ang pon ti teei mawh moeng tix mai nawh tak pon ti teei bun krih mawh moeng tix tix kaux khaing daux ceu pui tix.

YAM JAH 18:19

“Mawh kheu hoik tawng Aux nawh mai nawh tak sidiex gau ka kawn praix tix mai can pui pa koe daux nyiex ma nawh, khaix in sax heue, kix tak hawt grawng lawng khaix Simiang Siyiex mai yuh pa rahsee mai pa khaw caw heue. Awm gumlox Nawh Cao Nawh tak sang viex ceu inkix hoek ka Abraham heue.”

MALAKHIX 2:15

Nawh Cao hoik phan ti deuh pui tix kaux khaing pa kawn deuk ti koe khuan ang mawh lie? Mawh kheu patix lai phan pui tix kaux khaing lie? Mawh sonsang sawg Nawh Cao ru pa khaw caw mai Siyiex nong nong heue. Mawh kheu nan, priex ka rhawm rhi pex mai paw kieh pui tix kaux kawx, yuh krax pa ang kaux sijax ka moeng pa hoik teei nawh tom yam awn ju tix heue.

1 TIMOSE 1:9

mai een ti tawng grawh grawng lox lai beenli ang mawh pa hoik yuh son pui rahsee, mawh son pui pa ang hawt beenli mai pa ang chix cu chix nghiet, son pui pa ang nab ang yam pa yuh ceu pa ang khaw ka Siyiex, pui ting map, son pui pa ang singax singeh son pui pa ang chix nab chix yam son pui pa tap toi miex keeing tix khankix, son pui pa pah pui yum,