TITUX 1:5 - Wa Common Language Translation

⁵ Mawh kheu grawng in aux hoik prah maix ka klawn tiex Karete, sonsang kieh maix cox ka ceu pa ang nyang bax hoik khankix, sonsang ciak ti deuh kuad ceu cao, ka daux ku veng awm hoik tawm aux ka maix heue.

TITUX 1:5 Iomraidhean Croise

1 GRAWNG BEEN 6:32

Kix yuh kaing jhaw Siyiex tau mai ah tix lai rhax, ka plak sivoe nyiex gox bwan man bang kum pui hun, tom hoek bawg yam hoik sum simiang Sawlamon ka nyiex bwan Siyiex ka daux veng Yerusaliem mai kix yuh kaing awm bawg yam pa koe beeh glawm cie mawx cie an heue.

SIDIEX 12:9

Lheu khaing an kheu hoik koe pingnya cuyi cao sidiex lox bwan, nawh ca kawn gau krax tawng yung ka pui khankix, nawh sawg mai tiag ti yaox ka gumlox kab khankix tom nie glawk mawx glawk an heue.

ISAYAX 44:7

Mawh pui mawx pa awm Aux lie? Kieh nawh krai pao heue, kieh nawh jhi sonsang tawng ka mai kieh nawh jhi ceu an sidawng sivoe Aux mai ceu pa mawh yam in mai pa tak sang hoek ti mawh, kieh nawh jhi ceu inkix ka kix.

KRUB 14:42

Khaix an kix tak teei lon simaox tang dah mai sau ka daux dee pa hoik sivaoh kix simaox an khankix mai tak teei tiex ceu pa kraix mai deeh kap nyiex.

KAWNCAU 11:30

Kix kawx yuh awm an mai sipaox ceu pa teem hu tawx ka kuad song khankix, ka daux tawm taix Banabax mai Sawlux heue.

KAWNCAU 14:23

Kiex laug ti teei pui pa bung kaing ceu cao, ka daux ku ceu cao son kix mai khaix hoik rawg kix bwan mai twah pa ih, kiex tawx pong kix ka Simiang Yesux Khrit pa hoik yum rhawm kix kah heue.

KAWNCAU 2:11

Pui meung Karete mai pui meung Arebia khankix mai ex mhong kix sikah ka daux lox ex, krai grawng pa ting lhaong pa hoik yuh Siyiex heue.”

KAWNCAU 27:12

Mawh kheu ang mhawm dee ot son bawg yam kwat, pui plak nie ah mhawm ti baox yaog ti hu khaing tan piang rawm sigrit sigra, sonsang hu ti yaox, sonsang pon ti ot ka veng Phinit daux bawg yam kwat, pa mawh dee bang ka klawn tiex Karete, pa veeh ka plak sigreung caong ma laong plak klip singaix mai veeh ka plak sigreung caong ma seh plak lih singaix heue.

KAWNCAU 27:13

Yam bhaung briex koi phlu khaing plak caong ma seh, kheu kix ce, kix hoik pon pa bak kix ti yuh, kix deeh bluh rhiem ngak ngaw pa giex reu khaing daux rawm mai deeh brug reu hu dex hawt praok klawn tiex Karete heue.

KAWNCAU 27:21

Khaix ang kix ih pa ih rheung nyao, Pawlux cung sinax kix ah nin, “Pui khankix eue, phan pex hoik nghiet lox aux mai ang yaog ti lih khaing klawn tiex Karete, pex tee hoik luan khaing krax laux krax nai in heue.

KAWNCAU 27:7

Khaix hoik koi hu ex tom nie singaix, ex kied nu tix hoek ka sidieb Kanidu, kheu bhaung klat ex, ex tom hu plak laong klawn tiex Karete, sidieb veng Salamon heue.

1 KAWRINTHUX 11:34

Phan pui tix kaux kaux cai rhawm, kieh nawh sawm ka nyiex tix ha, yuh ka mawx son pa khrawm pex paox tix, tak ang mawh pa kieh pex pon krax prawng ciyang heue. Can pa deuk khankix, aux hoek lai mawx ang ah, aux tak koi cox yam an heue.

1 KAWRINTHUX 14:40

Viang mawh nan kieh yuh kuceu khawmuik awm pa khaw mai pa nyawm ti jhak heue.

1 KAWRINTHUX 4:17

Mawh kheu jao in aux tom hoik ploi Timose, pa mawh kawn pa moh aux kah mai pa kaux sijax ka daux Simiang hu ka pex, nawh tak sang kieh pex doh keud ka jhawm krax pa yuh aux ka daux Cao Khrit, awm pa sidiex aux ka ku ceu cao pa koe kudah kudee heue.

KAWLAWSIE 2:5

Viang aux tang ot khaing pex ka daux kaux nex nham, aux ot tau mai pex ka daux khuan, gaux rhawm mai yaox grawng pa chix ot pex mhawm mhawm, grawng kaux cong krax yum rhawm pex ka daux Cao Khrit heue.

1 TIMOSE 1:3

Awm khyox khaw aux ti nhie maix kawn baox ot ka daux veng Efesux yam hu aux ka meung Makedonix, sonsang gau maix ka pui tix blah, son ang kix sang gau ceu pa gau pa tang pa siyox,

2 TIMOSE 2:2

Ceu pa hoik mhong maix khaing aux khankix, ka sinax pui kham mhai ruk tom nie maix tawx pong ka pui pa kaux sijax khankix, pa sang chix gau ka khawm pui tang kaux khankix heue.

TITUX 1:12

Ka daux kix tix kaux pa mawh cao jhai ceu kix, hoik ah nin, “Pui Karete mawh pui pie lhen, totiag pa caox mai pui nieh pa chax nie luan ih ku jheung jheung heue.”