TITUX 1:2 - Wa Common Language Translation

² Ka daux krax keud pot jun pot son ju leeing ju, Siyiex, pa ang chix pie lhen hoik tawx lox mukheu tom ka sivoe yam jah bawg yam ti koe.

TITUX 1:2 Iomraidhean Croise

ISAYAX 1:20

Viang mawh nan phan pex thiang mai deeh tieh feen, pex tak laux leeing ka lawm vaig heue. Mawh kheu moing jheeh Siyiex hoik ah ti deuh heue.

SIMIN 23:19

“Siyiex ang mawh kawn pui pa sang pie lhen mai ang mawh kawn pui pa sang doh keud, ang Nawh Cao yuh awm pa hoik ah ti lie? Awm koe sijax mukheu Nawh mai Nawh Cao ang yuh awm pa hoik krai tix lie?

MATHIEX 25:34

Yam an Simiang tak sang ah ka kix pa ot plak taix khawn dawm Nawh, Hoek heue, pex pa hoik pon bwanson khaing Keeing aux, teei sin Meung pa hoik cox son pex, tom yam jah ti kaw haktiex heue.

MATHIEX 25:46

Kix tak sang hu laig ka daux pa ciyang leeing ju heue. Viang mawh nan pa rahsee khankix tak sang laig ka ju leeing ju heue.”

MAKUX 10:17

Yam lih hu Nawh Cao ka daux krax, pui tix kaux to hoek ka Nawh, grux ngawng tix mai chawk ka Nawh Cao ah nin, “Sara Cao gau pa mhawm eue, aux tak yuh ka mawx, sonsang pon aux ju leeing ju?”

MAKUX 10:30

Pa tak ang pon nyiex mai puxaik mai nan mai miex mai kawn praix mai ma kaung, tix yieh son ka daux bawg yam in, tau mai krax tuktiak daux ju khaix, tak pon ju leeing ju heue.

YOHAN 10:28

Aux tawx ju leeing ju ka kix, kix ang hoek krax laux leeing tix bawg kawx. Lheu khaing an pui tix kaux kawx ang pon rud ti teei kix khaing daux tawm taix Aux heue.

YOHAN 17:2

Awm hoik tawx Maix sibrawm ka Nawh piang ceu pui khawmuik, Nawh sang tawx ju leeing ju, ka can pui pa hoik tawx Maix ka Nawh khawmuik heue.

YOHAN 17:24

Keeing eue, Aux simie ti kieh kix pa hoik tawx Maix ka Aux, ot tau mai Aux ka dee ot Aux, sonsang yaox kix min pakngai Aux, pa hoik tawx Maix ka Aux, mawh kheu hoik moh Maix ka Aux ka sang jah ti kaw num haktiex heue.

YOHAN 5:39

Pex sawg daux Phuk lai sigang khri kheu ce pex ti sang pon ju leeing ju ka daux phuk lai an heue. Phuk lai an mawh pa kham mhai rug ka grawng Aux.

YOHAN 6:54

Pui pa ih nex, mai nyaux nham Aux, koe ju leeing ju Aux tak deeh kieh nawh kaoh singaix sidah khaix heue.

YOHAN 6:68

Simon Petrux pawk lox ah nin ka Nawh, “Simiang eue, ex tak sang hu ka pui mawx? Maix koe gumlox ju leeing ju.

KAWNCAU 15:18

Siyiex pa hoik kieh tawng ceu in khankix tom didix, ah nin heue.

ROMAX 1:2

pa hoik grux tawx Nawh Cao lox mukheu ka cao jhai khankix ti tiiem daux phuk lai sigang khri pa singax singeh khankix,

ROMAX 16:25

Yam in ka Kaw pa chix kieh pex kaux cong, awm pa khaw mai lox bwan gaux rhawm aux, pa mawh pa sidiex grawh grawng Yesux Khrit, awm pa khaw mai pa hoik plak kieh yaox ka pa raux pa mox tom ju di dix,

ROMAX 2:7

Ka kix pa chix viex rhawm gun yeung mai ca yuh kaing pa mhawm mai sawg son min plakngai mai krax yung yi mai pa ang chix laux leeing, tak tawx ju leeing ju heue.

ROMAX 5:2

Mawh kheu Simiang an ex hoik pon laig ka daux bwanson in, dee ot dee cung ex mai ex yaw gaux rhawm ka daux krax keud pot jun pot sonsang pon min plakngai Siyiex heue.

ROMAX 5:21

awm hoik kwang hoik giex phimap kaing ka daux krax yum, viang bwanson kawx, sang pon kwang pon giex kaing kheu pa rahsee, tom lih pon ju leeing ju kheu Simiang ex Yesux Khrit heue.

ROMAX 5:4

mai pa pon kham geu chix yuh kieh lih, pa hoik cheu ti tawng mawh pa mhawm, chix yuh kieh pa keud pot jun pot lih,

ROMAX 6:23

Grawh grawng nawh ngawh riang phimap mawh krax yum, viang mawh nan totaix bwanson pa tawx Siyiex mawh ju leeing ju ka daux Simiang ex Yesux Khrit heue.

KAWLAWSIE 1:27

Pa hoik caw alo Siyiex ti kieh kix tawng, pa mi pa koe min plakngai ceu pa raux pa hoik mox in, ka daux pui tang ceu khankix mawh pa yuh ka mawx, pa mi pa koe an mawh pa ot Cao Khrit ka daux pex, pa mawh krax keud pot jun pot son min pakngai heue.

1 THESALONIX 2:15

pa mawh pui pa hoik pah ka Simiang Yesux mai khawm cao jhai khankix yum, ka ex kawx kix tuktiaktukte kah, kix ang khaw ka rhawm Siyiex, mawh pa ang caw ka kawn pui khawmuik.

1 THESALONIX 5:8

viang mawh nan kheu mawh ex pa dex dawd mai ponngaix kieh ex priex rhawm tix mai ceep kraung naing pa tie naok pa mawh krax yum rhawm mai krax moh krax rhawm mai son mhok rhiem ceep ka krax keud pot jun pot sonsang hoek krax taoh heue.

1 TIMOSE 6:12

Yuh naing, naing pa mhawm pa dex dawd mai pa yum rhawm awx. Jhawp ka ju leeing ju, pa hoik kok ti teei maix kah, pa hoik kham maix ti teei, yam kham maix mhai ruk pa mhawm ka sivoe pui pa kham mhai ruk tom nie heue.

1 TIMOSE 6:19

Khrawm ti deuh kraung khrai pa mhawm mai jaong pa kaux son tokaux kix son ju phao khaix, sonsang pon kix ju pa im, pa mawh ju tete heue.

2 TIMOSE 1:1

Pawlux pa mawh kawncau pa ting Yesux Khrit, kheu alo Siyiex, awm pa khaw mai lox sijax mukheu grawng ju pa im pa koe ka daux Yesux Khrit.

2 TIMOSE 1:9

pa hoik taoh ex mai pa hoik kok ex kah, pa kok pa singax singeh, ang mawh ka pa khaw mai kaing pa yuh ex, mawh pa khaw mai pa hoik yiag hoik bak Nawh mai bwanson pa hoik tawx ka ex ka daux Yesux Khrit, tom ka sivoe yam jah ti koe bawg yam,

2 TIMOSE 2:10

Aux tom kham geu ku ceu khawmuik, son pui pa hoik laug khankix, yuh ka mawx kix kawx, sang pon krax taoh pa koe ka daux Yesux Khrit tau mai min pakngai leeing ju heue.

2 TIMOSE 2:13

Viang ex ang kaux sijax kawx, Nawh Cao kawn kaux sijax, mawh kheu ang Nawh pon thiang ti tik tokaux tix heue.

2 TIMOSE 2:15

Nied ti coca sonsang pon maix ti tawx tokaux tix ka Siyiex, pa mawh pui pa hoik cheu ti yaox kah, pa mawh pui yuh kaing pa ang koe dee kaig tua pa chix gwieh ka gumlox pa mawh meh awm pa khaw heue.

TITUX 2:13

Jhak son krax keud pot jun pot pa ting bwanson, pa lih bleeh min pakngai Siyiex pa ting pa mawh Yesux Khrit Cao Taoh ex,

TITUX 2:7

Ka daux ku ceu khawmuik jhi ti kieh tokaux tix mawh mhai pa jawh ka grawng pa mhawm pa yuh tix, ka daux ceu pa gau maix, paw kieh koe pa ang mhawm pa sium, kieh koe rhawm pa chix keud mhawm mhawm,

TITUX 3:7

son sang hoek ex ka krax rahsee kheu bwanson Nawh, son sang mawh ex pui pa sang pon sin, pa khaw mai krax keud pot jun pot son ju leeing ju heue.

1 YOHAN 2:25

In mawh lox sijax mukheu pa hoik tawx Nawh ka ex, pa mawh ju leeing ju heue.

1 YOHAN 5:20

Ex tawng grawh grawng hoik hoek Kawn Siyiex mai hoik tawx krax pa chix tawng ka ex, sonsang tawng ex Kaw pa mawh meh mai ex hoik ot ka daux Kaw pa mawh meh an, pa mawh ka daux Kawn Nawh Yesux Khrit heue. In mawh Siyiex pa mawh meh mai ju leeing ju heue.

YUDAX 1:21

Kieh tokaux tix ot ka daux krax moh krax rhawm Siyiex mai krox ti jhak son krax caux rhawm Simiang ex Yesux Khrit, tom sidah pon ju leeing ju.

PLAK JHI 13:8

Can pui pa ot ka piang haktiex khawmuik tak sang krub ka nawh, pa mawh can pa ang lai tiiem ti deuh ka ceu kaux kix tom yam jah ti kaw haktiex ka daux phuk lai pa im ju, cie kawn yung pa hoik pah yum heue.

PLAK JHI 17:8

Totiag pa hoik yaox maix an, hoik mawh, mai ang lai mawh, dex sang lih hoek khaing daux, daux pa ang koe dee die mai hu ka daux pa laux pa laux leeing heue. Pui pa ot ka piang haktiex khankix, pa mawh kix pa ang lai tiiem ti deuh ka ceu kaux kix, tom yam jah ti kaw haktiex, ka daux phuk lai pa im ju, yam yaox kix ka totiag an pa hoik mawh mai pa ang lai mawh mai pa tak sang hoek khaix, tak sang daox deng ka heue.

1 SAMOELAX 15:29

Nawh Cao pa mawh riang rao Isarelax ang lai pie lhen mai ang tieh loh krax keud tix, mawh kheu ang Nawh mawh kawn pui mai ang tieh loh krax keud tix.”