SIMIN 8:7 - Wa Common Language Translation

⁷ Sonsang singax kix maix tak yuh in khankix, teei ka rawm singax mai phruah ka piang kix mai kieh kix khlao hauk pa koe ka piang tokaux ti khawmuik mai kieh kix sidaux kraung ceep tix sonsang yuh kix tokaux ti singax.

SIMIN 8:7 Iomraidhean Croise

YAM JAH 35:2

Yakop ah nin ka pui kawn nyiex ma tix mai can pui pa ot mai nawh khawmuik, “Tik ka siyiex pui tang kaux khankix khaing daux sinax pex, kieh tokaux pex singax singeh mai loh kraung ceep tix.

YAOGYAW 51:2

Sigrhah phimap aux tom bawh khawmuik mai kieh singax singeh liak.

YAOGYAW 51:7

Sonsang singax singeh aux, teei lhax khaox haisop mai kieh aux singax singeh mai tawx bwanson ka aux liak. sigrhah aux paing awm rawm rha liak.

LIH HU 19:10

Khaix an Siyiex ah nin ka Mose, “Hu ka pui khankix mai kieh kix singax singeh daux singaix mai pasax mai kieh kix sidaux kraung tix,

ISAYAX 52:15

Awm an Nawh Cao tak kieh ceu pui tom nie singax heue. Simiang khankix tak nyeep jheeh tix ka Nawh heue. Mawh kheu kix tak sang yaox can ceu pa ang sax krai ka kix mai kix tak tawng sidawng ka can ceu pa ang kix sax mhong heue.

YERAMIX 4:14

“Veng Yerusaliem eue, kieh rhawm maix luan khaing ceu pa caox caig, sonsang pon maix tix hoek krax taoh. kawn sang kieh maix krax pa caox khankix ot ka daux rhawm tix been miex greeng lie?”

YEZAKELAX 36:25

Khaix an Aux tak sang phreeh rawm pa singax ka piang pex mai pex tak singax khaing pa seeing brai tix, Aux tak kieh pex singax khaing riang grang pa krub tix.

KRUB 15:27

Can pui pa hu krox hu teeh ka ceu an tak mawh pa ang singax, nawh tak yaox ti sidaux kraung ceep tix mai heem rawm mai nawh mawh pa ang singax tom hoek plakbo.

KRUB 15:6

Kaw pa ngawm ka dee hoik ngawm pui pa koe jhawm saux an, tak yaox ti sidaux kraung ceep tix mai heem rawm mai nawh tak mawh pa ang singax tom hoek plakbo.

KRUB 16:28

Pui pa hu gleeing ka ceu an khankix, tak sidaux kraung ceep tix mai heem tokaux tix, khaix an nawh tak pon tix laig ka nyiex bang.

KRUB 8:6

Mose viex Arun mai kawn simex nawh khankix mai heem kix ka rawm.

SIMIN 19:13

Pui hu teeh ka tokaux pui yum tix kaux kaux mai ang kieh tokaux ti singax, nawh mawh pa kieh nyiex gox bwan man Simiang Siyiex seeing brai mai tak teei ti tik kaw an khaing pui Isarelax, mawh kheu ang phruah rawm pa kieh singax ka tokaux tix, pa ang singax kawn koe ka piang nawh.

SIMIN 31:20

Kieh kraung ceep pex singax pa mawh pa yuh ka hak ku plah mai can pa taing ka hauk pex khankix mai kraung shiao can pa yuh ka khaox khankix.”

SIMIN 8:21

Ceu pui Lewix yuh tokaux tix singax mai sidaux kraung ceep tix, mai Arun appong kix, awm krax tan pa yang yeuh sivoe Simiang Siyiex, Arun tak yuh krax khyox khaw mai krax pa pluat ploi son kix, sonsang kieh kix singax heue.

HEBRIE 9:10

kheu khankix mawh ngie ka pa ih mai pa nyaux mai pa khoek pa heem tom nie ceu, pa mawh been nex nham pa hoik deuh tom sang hoek bawg yam yam sang cox yuh pa khraox khaing heue.

HEBRIE 9:13

Grawh grawng nawh phan nham pex mai nham mawie mhaing khankix mai nyaox mawie shiang, pa phruah ka kix pa hoik seeing brai, dee chix kieh nex nham kix singax kah,

YAKOP 4:8

Greed tix hoek dex ka Siyiex mai Nawh Cao tak greed tix hoek dex ka pex heue. Pui pa koe phimap khankix eue, kieh taix pex khankix singax heue. Pex pa koe rhawm ra mu khankix eue, kieh rhawm pex singax singeh heue.

1 PETRUX 3:21

Awm lox tiag an, daux bawg yam in pex pon hoek krax taoh, kheu krax cubcom rawm, ang mawh ka ceu pa sigrhax pa seeing tokaux tix, viang mawh nan mawh ceu pa mie ti cie rhawm deeh chix keud tawng pa ang koe dee deuh phimap plak Siyiex, ka daux krax deeh kaoh im Yesux Khrit,

PLAK JHI 7:14

Aux deeh ah nin ka nawh, “Simiang aux eue, Maix tawng heue.” Nawh baox ah nin ka aux, “Pui inkix mawh kix pa hoik daoh khaing daux krax kha rhawm pa ting an mai kix hoik sigrhah kraung ceep kix mai kieh paing ka daux nham kawn Yung heue.