SIMIN 8:11 - Wa Common Language Translation

¹¹ Arun tak appong ceu pui Lewix ka plak sivoe ngai Simiang Siyiex, son krax tan yang yeuh, tang ceu pui Isarelax khankix, sonsang pon yuh kix kaing jhaw Simiang Siyiex.

SIMIN 8:11 Iomraidhean Croise

LIH HU 29:24

Maix tak sau inkix khawmuik ka daux tawm taix Arun mai ka daux tawm taix kawn simex nawh khankix, kieh mawh krax tan pa yang yeuh mai yang yeuh sivoe Siyiex.

KRUB 7:30

tokaux nawh tak yaox ti viex krax tan pa gleeing ka ngu son Siyiex, nawh tak viex khlawp bee tau mai nex euk, son nex euk pa mawh krax tan yang yeuh mai yang yeuh sivoe Simiang Siyiex.

KRUB 7:34

Mawh kheu nex euk krax tan pa yang yeuh an mai ba krax tan pa yaog Aux hoik teei khaing pui Isarelax khankix mai khaing pa appong kix krax tan pa nhim, Aux hoik tawx ka cao giex kaing li Arun mai kawn simex nawh khankix, Aux hoik deuh mawh pingnyap leeing ju ka daux ceu pui Isarelax.

KRUB 8:27

Nawh sau an khankix ka daux tawm taix Arun mai kawn simex nawh khankix, yang yeuh an khankix ka plak sivoe Simiang Siyiex mai yuh krax tan pa yang yeuh.

KRUB 8:29

Mose teei nex euk mai yang yeuh sivoe Simiang Siyiex, mai yuh krax tan pa yang yeuh, nex euk kawn yung pa tawx ara an mawh nyum cie Mose, awm gumlox pa hoik tawm Simiang Siyiex ka Mose.

SIMIN 6:20

cao giex kaing li yang yeuh an son krax tan pa yang yeuh sivoe Simiang Siyiex, nex eek krax tan pa yang yeuh mai nex ba krax tan pa yaox mawh pa singax singeh son cao giex kaing li, khaix an pui Nazarix pon ti nyaux rawm plix siiet heue.

PINGNYAP 10:8

Yam an Simiang Siyiex tang gwieh pui Lewix, tawx beeh glawm kieh klawm teug bwan sijax mukheu Simiang Siyiex, sonsang cung kix ka plak sivoe Simiang Siyiex mai yuh kaing jhaw son Nawh Cao mai sonsang nawb kix bwan ka daux min ceu kaux Nawh Cao tom hoek in singaix.