SIMIN 6:3 - Wa Common Language Translation

³ Nawh tak twah rawm plix siiet mai plai khiien, nawh tak ang pon ti nyaux plai rawm plix siiet pa niex pa hoik yuh ka plix siiet, nawh tak ang pon ti nyaux ka rawm plix siiet ang pon ti ih ka plix siiet pa im ang ah, pa kroh ang ah.

SIMIN 6:3 Iomraidhean Croise

KRUB 10:9

“Maix khawm kawn simex maix khankix yam laig pex ka daux nyiex gox bwan man bang kum pui hun, paw nyaux rawm plix siiet mai plai, kheu lhat Aux pex yum, an tak mawh gumlox been pa caw pex ti hawt khawm doeh ru pex leeing ju,

AMOT 2:11

Aux hoik yaog ti deuh kawn simex pex khankix tix blah mawh cao jhai mai pui pa awn ju pex khankix tix blah mawh pui Nazarix heue. Isa it Ceu pui Isarelax khankix eue, Mawh ang mawh lie? Siyiex ah nan heue.

AMOT 2:12

Pex hoik tawx pui Nazarix khankix nyaux rawm plix siiet mai hoik tawx lox tix ka cao jhai ka daux pa nhim, “Paw lai krai lox jhai heue.”

SIMIN 6:4

Glang yam tang tiah nawh tokaux tix, nawh tak ang pon ti ih khaing nhu plix siiet tix ceu kawx, pa mawh simie ang ah, glhaok ang ah.

LUKAX 1:15

Mawh kheu nawh tak ting lhaong sivoe ngai Siyiex, nawh tak ang nyaux plai rawm plix siiet, mai ceu pa chix kieh yoek, nawh tak naog mai Khuan Singax Singeh, tom yam ot nawh ka daux vaig miex tix heue.

LUKAX 21:34

“Rien rhawm tix ka tokaux pex, phan ang mawh nan, rhawm pex tak sivix tak cien kheu ceu pa nie luan yuh pex, pa yoek, ceu pa khi rhawm pa dex dawd mai ju in khankix, singaix an ha kox hoek piang pex yam ang pex keud ce sax, awm khlap rub heue.

EFESUX 5:18

Paw kieh yoek ka plai rawm plix siiet, pa nieb chix kieh luan yuh cuci, viang mawh nan kieh naog ka Khuan Cao,

1 THESALONIX 5:22

Paw dex paw yuh, via khaing pa caox ku ceu awx.

1 TIMOSE 5:23

Paw lai baox mawh pui nyaux rawm, viang mawh nan nyaux rawm plix siiet ceeix ceeix, son vaig maix mai ceu pa saux maix law lawx heue.

HEBRIE 9:10

kheu khankix mawh ngie ka pa ih mai pa nyaux mai pa khoek pa heem tom nie ceu, pa mawh been nex nham pa hoik deuh tom sang hoek bawg yam yam sang cox yuh pa khraox khaing heue.

CAO PRAWNG 13:14

“Nawh tak ang pon ti ih can ceu pa lih khaing nhu plix siiet tix ceu kawx mai tak ang pon ti nyaux rawm plix siiet mai plai mai tak ang pon ti ih ka ceu pa ang singax singeh tix ceu kawx, can ceu pa hoik tawm Aux khawmuik, kieh nawh hawt ti yuh awm an heue.”

CAO PRAWNG 13:4

“Mawh kheu nan yuh satix maix, son ang maix sang nyaux rawm plix siiet mai plai mai son ang maix sang ih ka ceu pa ang singax singeh tix ceu kawx heue.”