SIMIN 6:2 - Wa Common Language Translation

² “Krai ah nin ka ceu pui Isarelax khankix, simex ang ah, bun ang ah, yam tiextu nawh tokaux ti yuh sijax mukheu ka gumlox been Nazarix mai sonsang tang gwieh nawh tokaux tix ka son Simiang Siyiex,

SIMIN 6:2 Iomraidhean Croise

LIH HU 33:16

Ceu pui Maix Cao mai tokaux aux, pui tang ceu tak sang tawng krax pa pon yix bwanson ka sivoe ngai Maix Cao ka grawng ceu patix lie? Mawh kheu hu Maix Cao tau mai yix mai kieh yix tang siyox khaing ceu pui tang ceu pa ot ka piang ca haktiex in ang mawh lie?”

LOX KAB 18:1

Pui pa ang yuh paox pie mai pui tang kaux mai pui pa koe rhawm tix sawg ka pingnya krax tawng yung awm pa simie nawh, mawh pui pa chix sawg ka pingnya heue.

YERAMIX 35:6

Viang mawh nan, kix ah nin, yix tak ang nyaux ka rawm plix siiet, mawh kheu hoik tawm Yonadap pa mawh kawn simex Rakhap, keeing yix ti deuh lox ka yix ah nin, pex tak ang pon tix nyaux rawm plix siiet, pex mai khawm kawn simex pex leeing ju heue.

KRUB 20:26

Pex tak mawh pa singax singeh ka son Aux, mawh kheu Aux mawh Siyiex pa singax singeh mai Aux hoik tang gwieh pex khaing pui tang ceu, sonsang mawh pex cie Aux.

KRUB 27:2

“Krai ka pui Isarelax khankix, phan pui tix kaux kaux yuh sijax tix sang tan ka Simiang Siyiex, awm pa tat maix jum nawh tak mawh cie Simiang Siyiex.

SIMIN 30:3

Phan ang mawh nan phan bun tix kaux kaux yuh sijax tix ceuceu ka Simiang Siyiex mai pa phyawk laung tokaux tix, ka lox pa kham tix, yam ot nawh ka daux nyiex ma keeing tix yam awn ju nawh,

SIMIN 6:1

Simiang Siyiex krai ah nin ka Mose,

LUKAX 1:15

Mawh kheu nawh tak ting lhaong sivoe ngai Siyiex, nawh tak ang nyaux plai rawm plix siiet, mai ceu pa chix kieh yoek, nawh tak naog mai Khuan Singax Singeh, tom yam ot nawh ka daux vaig miex tix heue.

KAWNCAU 18:18

Khaix an Pawlux ot tan tom nie singaix nyao mai khaix hoik ah nawh lox gwieh ka puxaik khankix mai nawh brug reu sonsang hu ka meung Surix, tau mai Akulax mai Prisikilax, nawh khlao kaing tix ka daux veng Kinkhre, kheu hoik koe lox tiex tu nawh heue.

ROMAX 1:1

Pawlux pa mawh siliex Yesux Khrit, pa hoik kok ti kieh mawh kawncau pa ting, pa hoik tiah ti deuh sonsang sidiex lox bwan gaux rhawm Siyiex,

2 KAWRINTHUX 6:16

Nyiex bwan Siyiex mai riang grang chix khaw paox tix yuh ka mawx? Grawh grawng nawh ex mawh nyiex bwan Siyiex pa im ju, awm pa khaw mai pa hoik ah Siyiex yuh nin, “Aux tak ot ka daux kix mai hu ka daux kix mai Aux tak mawh Siyiex kix mai kix tak mawh pui cie Aux heue.”

KALATIX 1:15

Yam caw rhawm Siyiex, Kaw pa hoik tiah ti deuh aux, khaing daux vaig miex tix mai kok aux kheu bwanson Nawh,

HEBRIE 7:27

pa ang shiao lai tan pa tan ku singaix, awm cao giex kaing li pa ting an khankix, tak lai tan son phimap tokaux tix ka sivoe mai khaix ka son pui tang kaux khankix heue. Nawh Cao hoik tan tix bawg khaing son ku jheung jheung, yam tan Nawh tokaux tix heue.

CAO PRAWNG 13:14

“Nawh tak ang pon ti ih can ceu pa lih khaing nhu plix siiet tix ceu kawx mai tak ang pon ti nyaux rawm plix siiet mai plai mai tak ang pon ti ih ka ceu pa ang singax singeh tix ceu kawx, can ceu pa hoik tawm Aux khawmuik, kieh nawh hawt ti yuh awm an heue.”

CAO PRAWNG 13:4

“Mawh kheu nan yuh satix maix, son ang maix sang nyaux rawm plix siiet mai plai mai son ang maix sang ih ka ceu pa ang singax singeh tix ceu kawx heue.”

CAO PRAWNG 13:5

Grawh grawng nawh maix tak koe kaux mai keh kawn simex tix kaux mai ang pon ti khlao ka hauk kaing nawh, grawh grawng nawh kawn an tak mawh pui Nazarix tix kaux, son Siyiex khaing daux vaig miex tix heue. Mai nawh tak mawh pa jah tix taoh ka pui Isarelax khaing daux tawm taix pui Philitix heue.

CAO PRAWNG 16:17

nawh hoik krai pa koe daux rhawm tix khawmuik ka bun an, “Ang sax khlao hauk kaing tix, tix bawg kawx, mawh kheu aux hoik mawh pui Nazarix son Siyiex tom daux vaig miex aux, phan aux khlao hauk kaing tix, riang rao aux tak lih khaing aux mai aux tak awn riang aux tak awm pui tang kaux heue.”

1 SAMOELAX 1:28

Mawh kheu aux hoik pon nawh khaing Simiang Siyiex, aux tak deeh ap nawh ka Simiang Siyiex, glang yam im ju nawh kieh mawh pa yuh kaing jhaw Siyiex.” Mai kix krub ka Simiang Siyiex tan heue.