SIMIN 5:7 - Wa Common Language Translation

⁷ Nawh tak krai doh ka phimap pa hoik yuh tix mai nawh jhaw ti khyox khaw heue. Mai nawh deeh plud ka pui pa lud nawh kah mai baox naok ti tawx phwan son tix son ka piang an,

SIMIN 5:7 Iomraidhean Croise

YAOGYAW 32:5

Aux krai doh phimap sivoe ngai Maix, aux ang mox phimap pa lud tix, aux khyox khaw grawng pa lheu aux lox Maix Siyiex heue. Maix hoik pluat ploi phimap pa lud aux heue.

LOX KAB 28:13

Pui pa kheem ka phimap tix, ang lai pon pa mhawm, pui pa doh keud ti tik ka phimap tix nawh tak pon krax caux rhawm Nawh Cao heue.

KRUB 26:40

Phan kix khyox khaw pluat ploi phimap tix mai phimap yuh keeing kix, kheu pa tieh feen tix ka Aux mai pa tieh feen tix ang hu daux krax Aux,

KRUB 26:41

Mawh kheu nan, Aux kawx tak tieh feen ka kix mai hu tawx kix ka haktiex pui koeng kix, phan rhawm pa ang pat hak tix yeen tix tiem mai rieb ka phimap pa yuh tix,

KRUB 5:15

“Phan pui tix kaux kaux lud ka ceu pa ang ti tien tawng ka ceu pa singax singeh Siyiex mai lih ti mawh phimap, nawh tak viex kawn yung mhaing phan ang mawh nan, kawn pex mhaing pa loig hoek ka Siyiex tix mu sonsang mawh krax tan pa pluat ploi krax lud maix tat jum tobrie an ka mau shekhe pa hoik ciang ti ka jiang dee pa singax singeh, in mawh krax tan pa pluat ploi pa lud.

KRUB 5:16

Kieh nawh viied son pa lud loe nawh ka kraung pa dex mai dee pa singax singeh mai nawh tak dee baox thie piang an phwan son tix son mai ap ka cao giex kaing li, cao giex kaing li tak yuh pa khyox khaw son nawh, ka kawn yung son krax tan pa pluat ploi pa lud, nawh tak pon krax pluat ploi.

KRUB 5:5

Yam hoik koe krax lud nawh ka grawng ceu an khankix, nawh tak yaox ti krai sidawng phimap tix mai khyox khaw,

KRUB 7:7

Krax tan son pa pluat ploi krax lud mawh pa awm krax tan pa pluat ploi phimap, been an mawh ngie tix mu khaing, cao giex kaing li pa yuh ti tawx krax khyox khaw ka son an khankix tak pon ti cie an.

SIMIN 5:8

viang mawh nan phan pui pa lud nawh ka hoik yum mai ang lai koe pao nyiex sonsang rieb ti krax pa pluat son pa lud nawh mai nawh tak hu ka cao giex kaing li Simiang Siyiex mai tan kawn yung mhaing tix mu sonsang pluat ploi phimap pa yuh nawh.

LUKAX 19:8

Zakkhie cung ah nin ka Simiang, “Simiang eue, sinngao pa koe aux tix plak aux tawx ka pui hot sia khankix, phan aux hoik teei pa ang khaw ti teei ka pui mawx ang ah, aux tak deeh pheuex phwan son heue.”

YAWSUX 7:19

Khaix an, Yawsux ah nin ka Akhan. “Kawn simex aux eue, yuh pa yaogyaw tix ka Siyiex leeing ju ceu pui Isarelax mai krai grawng pa lud tix ka Nawh Cao heue. Yam in krai aux mhong ka ceu pa hoik yuh maix. Paw doh mox ti deuh ankix khaing aux awx.