SIMIN 5:3 - Wa Common Language Translation

³ Maix tak deuh simex mai bun khankix ot ka plak praix, khaing bang son ang kix pon kieh dee bang seeing brai ka dah dee ot Aux.

SIMIN 5:3 Iomraidhean Croise

1 SIMIANG 7:3

Mai nawh yuh braux ka phia khaox piak van, lawg plak piang pa koe ka piang rong tixpon phwan lawg, tix tia koe kao phwan lawg heue.

YAOGYAW 68:18

Yam deeh haok Nawh Cao ka dee lhaong, Nawh giex ti viex pui hu tom nie mai Siyiex ot ka daux sinax kawn pui mai pon rieb totaix khaing pui Nawh khankix mai khawm pui pa tieh feen heue.

LIH HU 25:8

Kieh kix yuh dee singax son Aux mai Aux tak ot sinax kix.

LIH HU 29:45

Aux tak ot sinax kawn praix Isarelax khankix mai mawh Siyiex kix.

ISAYAX 12:6

Can pui pa ot ka daux veng Zion khankix eue, gaux rhawm mai kok yo lox sinum ka, grawh grawng nawh, cao pa ting lhaong pa singax ceu pui Isarelax khankix pa ot ka daux sigreung pex heue.

KRUB 14:8

Pui pa sang deeh kieh nawh mawh pa singax, tak yaox ti sidaux kraung ceep tix mai khlao hauk tix khawmuik mai heem tix, sonsang mawh nawh pa singax, khaix hoik an nawh tak laig ka daux nyiex bang mai nawh tak yaox ti ot ka plak praix nyiex gox cao nawh aliah singaix.

KRUB 15:31

Mawh kheu nan maix tak tang gwieh ceu pui Isarelax khankix khaing pa ang singax kix, phan ang mawh nan Aux lhat kix yum ka daux pa ang kix singax, yam kieh kix nyiex gox bwan man Aux seeing pa mawh ceu pa koe ka daux sinax kix.”

SIMIN 16:3

Kix khrawm paox ti, sonsang tieh feen ka Mose mai Arun mai kix ah nin ka kiex, “Kaing yuh pax kied sidaing kin, mawh kheu pui hun khawmuik mawh pa singax singeh ku kaux mai Simiang Siyiex ot sinax kix, yuh ka mawx pax lai kawn sang yuh tix ting ka piang cub pui hun Simiang Siyiex?”

SIMIN 19:22

Can ceu pa hu teeh pui pa ang singax an tak mawh pa ang singax, mai pui pa hu teeh ka ceu an, tak mawh pa ang singax tom hoek plakbo heue.”

SIMIN 35:34

Mawh kheu nan paw kieh haktiex ot pex seeing brai ka daux sinax dee ot Aux. Mawh kheu Aux mawh Simiang Siyiex pa ot ka daux sinax pui Isarelax khankix heue.”

SIMIN 5:4

Ceu pui Isarelax yuh an khankix mai deuh kix ka plak praix nyiex bang kix, awm pa hoik tawm Simiang Siyiex ka Mose, mawh kheu nan ceu pui Isarelax khankix, hawt ti yuh awm an heue.

PINGNYAP 23:14

Mawh kheu Simiang Siyiex pex tak lailing ka sinax tab pex, sonsang taoh ka pex mai ap pui koeng pex khankix ka pex, mawh kheu nan, tab pex caw tix singax mai son ang Nawh Cao yaox pa ang singax ka daux sinax pex mai veeh ti khaing pex.

PINGNYAP 23:15

Phan koe siliex pa to khaing cao nawh, hoek ot mai pex, paw giex tix deeh tawx ka cao nawh,

2 THESALONIX 3:6

Puxaik khankix eue, yam in ex tawm lox ka pex, ka daux ceu kaux Simiang ex Yesux Khrit, sonsang gwieh pex ti lih khaing puxaik pa hu ang khaw, pa ang hawt lox been pa hoik rieb kix khaing ex heue.

TITUX 3:10

Pui pa yie kieh pui ang khaw gwieh paox tix, khaix hoik sidiex nawh tix bawg ra bawg paw lai baox rieb nawh heue.

PLAK JHI 21:27

Ceu pa seeing brai, phan ang mawh nan kaw pa yuh ceu pa greeing mai pa pie lhen ang pon ti laig tan, viang mawh nan mawh ngie kix pa hoik tiiem ka daux phuk lai pa im ju kawn Yung khaing pa pon ti laig kah heue.

PLAK JHI 21:3

Aux mhong lox pa ting pa sinum pa lih khaing daux dang ngeung ah nin, “Jhak heue, nyiex gox bwan man Siyiex koe tau mai kawn pui mai Nawh Cao tak sang ot tau mai kix mai kix tak sang mawh pui cie Nawh khankix mai tokaux Siyiex tak sang ot tau mai kix mai mawh Siyiex kix heue.