SIMIN 4:16 - Wa Common Language Translation

¹⁶ Beeh glawm pa hoik ap ka Eliza kawn simex cao giex kaing li Arun, mawh bee tok mai nyawng bhawng, krax tan phawng nghox ca im son ku singaix, bee groi mai can kraung khrai ka daux nyiex gox bwan man khawmuik mai can pa koe daux nawh khawmuik tau mai dee pa singax mai kraung khrai pa shiao kix khawmuik.

SIMIN 4:16 Iomraidhean Croise

LIH HU 25:6

Bee pa sang tok, bee pa sang groi mai ceu pa sioe bhawng son nyawng bhawng pa sang gleeing.

LIH HU 30:22

Siyiex deeh ah nin ka Mose,

LIH HU 31:11

Bee groi mai nyawng bhawng son dee singax, kix tak yuh ceu an awm gumlox pa tawm Aux ka maix heue.”

LIH HU 37:29

Nawh baox yuh bee groi pa singax singeh mai nyawng bhawng pa singax, ka ceu pa jiet nyawm sioe bhawng, awm pa yuh cao sidah ka ceu pa sioe bhawng khankix heue.

KRUB 24:1

Simiang Siyiex krai ah nin ka Mose,

KRUB 24:2

“Tawm lox ka pui Isarelax khankix, sonsang viex kix bee singax singeh pa hoik tauh tix khaing plix Sanlun son kawk ngu hoek ka maix sonsang tok maix kawk ngu riang ang jud ang jai.

KRUB 6:20

“In mawh krax tan Arun mai kawn simex nawh khankix pa yaox kix ti tan phawng nghox ca im ka Siyiex jah ka daux singaix hoik kham ti rieb pa groi rawm bee ka nawh kix tak tan phawng nghox ca im kao son tix son khaing tix Epha son krax tan ku gaix, plak ponngawb tix plak mai plak ponbo tix plak.

SIMIN 3:32

Eliza kawn simex cao giex kaing li Arun tak mawh cao kaing ting ka piang cao kaing ceu pui Lewix mai kia ngien ka pa priex rien dee singax singeh khankix heue.

SIMIN 4:17

Simiang Siyiex ah nin ka Mose mai Arun,

LUKAX 4:18

“Khuan Siyiex lengju ot ka piang Aux, mawh kheu hoik groi Nawh rawm bee ka Aux, sonsang kieh sidiex gau lox gaux rhawm ka pui hot pui sibhawm khankix heue. Nawh hoik ploi kieh Aux krai grawh grawng pa pluat ploi ka pui pa hoik laung, sonsang kieh pui dug ngai deeh yaox heue. Kheu sonsang ploi ka pui se pui sang heue.

KAWNCAU 20:28

Mawh kheu nan rien rhawm ka tokaux tix mai ka cub yung khawmuik, pa hoik kieh Khuan Singax Singeh pex mawh cao bung cao kia, sonsang tawx ceu cao sawm pa hoik liag Simiang ka nham tokaux tix heue.

1 KAWRINTHUX 4:1

Kieh pui een ex mawh pui cau Cao Khrit mai kawncau cao pa priex ceu pa raux pa mox Siyiex heue.

1 TIMOSE 2:5

Grawh grawng nawh koe ngie Siyiex tix kaux khaing mai pui sinax, sinax Siyiex mai kawn pui kawx koe ngie tix kaux khaing, pui an, mawh Yesux Khrit,

HEBRIE 3:1

Mawh kheu nan, puxaik pa singax, pa mawh pa rom ti pon ka pa kok pa dex mai raoma khankix eue, keud ti yaox ka grawh grawng Kawncau Pa Ting mai Cao Giex Kaing Li Pa Ting, pa hoik rieb ex ti teei pa mawh Yesux,

HEBRIE 3:6

Cao Khrit kia ka piang nyiex Siyiex, awm kawn simex, phan ex ca giex tom kaux ka pa kwa ex mai ka ceu pa yaw rangdi ex pa dex mai krax keud pot jun pot ex, tom sidah, ex tom mawh nyiex Nawh heue.

1 PETRUX 2:25

Grawh grawng nawh, glang ka in pex lud krax hu awm yung, viang mawh nan yam in pex hoik deeh hoek ka Cao liang pex, pa mawh Cao giex kaing ju pex heue.

1 PETRUX 5:2

Kia ngien ka cub yung Siyiex pa ot ka sinax pex mai giex kaing kix, viang mawh nan kieh koe rhawm tix sang yuh awm pa khaw mai alo Siyiex mai paw kieh mawh pa khin ti yuh, lheu khaing an paw kieh mawh kheu moh pex ti pon mau pa seeing, viang mawh nan kieh koe rhawm pa mie ti yuh heue.