SIMIN 4:12 - Wa Common Language Translation

¹² Khaix an kix tak teei kraung khrai pa shiao tix khawmuik son kaing jhaw pa sang yuh kix ka dah dee pa singax mai sau ka plak daux man klai raoma tix pheen mai kix deeh kheem an khankix ka hak phix tix plah mai sau an ka piang khaox glawm.

SIMIN 4:12 Iomraidhean Croise

1 GRAWNG BEEN 9:28

Khaing daux kix tiblah mawh cub cao pa teei beeh glawm ti priex kraung shiao khankix, kix simin ka kraung an khankix ku bawg yam, teei lih mai yam deeh viex kix hoek heue.

1 GRAWNG BEEN 9:29

Khaing daux kix tiblah hoik mawh pa kwang ka kraung shiao kuceu mai kraung shiao ka dee pa singax singeh mai ka phawng nghox ceu pa mhawm, rawm plix siiet, bee, sidah bhawng Lawban mai nyawng bhawng pa sang tok kix heue.

2 GRAWNG BEEN 4:11

Khaix an Huram, yuh aw, kawk pug rawm mai klong khankix heue. Mawh kheu nan, Huram, hoik yuh kaing pa caw nawh ti yuh son simiang Sawlamon ka daux nyiex bwan Siyiex;

2 GRAWNG BEEN 4:16

mai khawm aw, kawk pug rawm, sigawng nex mai khawm kraung pa shiao kix khawmuik, Huram cao pa min ka kaing taix kuceu, yuh ti tawx tawng lheung pa kied plang son simiang Sawlamon mai nyiex bwan Siyiex heue.

2 GRAWNG BEEN 4:19

Mawh kheu nan, Sawlamon hoik koe kraung shiao pa hoik yuh ti deuh son nyiex bwan Siyiex, pa mawh khu khri dee tan mai pheen pa sang khan ti deuh blah khankix,

2 GRAWNG BEEN 4:22

Sigiiep ngu, klong, jaok pa lang mai pan daong nyaox pa yuh tix ka khri nawnaw khankix heue. Awm diang krax dee laig kix ka dee pa singax singeh, siviex ting plak daux an, tom hoek ka dee pa kied singax singeh mai siviex ting plak daux num lawg ting nyiex bwan khankix, hoik mawh pa jawg tix ka khri khawmuik heue.

LIH HU 25:5

hauk kawn yung pa hoik siang tix raoh, hak phix mai khaox Akashax.

LIH HU 25:9

Maix tak yuh awm pa hoik jhi Aux ka maix khankix, pa mawh pakpeung nyiex gox bwan man mai pakpeung kraung khrai khawmuik heue.

LIH HU 31:10

kraung ceep yam yuh kaing krup ka Siyiex, kraung ceep pa singax son cao giex kaing li pa mawh Arun mai kraung ceep kawn simex nawh khankix, sonsang yuh kix kaing jhaw cao giex kaing li son Siyiex.

SIMIN 3:8

Kix tak yaox ti khre rien ka kraung khrai pa koe ka daux nyiex gox bwan man bang kum pui hun mai ceu pa lo kawn praix Isarelax, sonsang yuh kix kaing jhaw nyiex gox bwan man heue.

SIMIN 4:11

Ka piang khu khri dee tan, kix tak tawb man pa klai raoma tix pheen mai kheem ka hak phix tix plah mai chup ti deuh khaox glawm ka heue.

SIMIN 4:13

Kix tak teei ti tik nyaox khaing ka piang khu dee tan mai tawm man lung pliex tix pheen ka piang.

SIMIN 4:6

Khaix an kix tak lhop hak phix ka piang an tix plah mai baox lhop man klai raoma tix plah ka piang mai kix tak chup ti deuh khaox glawm nawh heue.

SIMIN 4:7

Ka piang pheen khan blah, kix tak tawm ti deuh man pa klai raoma tix pheen mai deuh pan, cawn, tawg mai klong rawm, son pa sang see tix khankix ka piang mai blah pa khan, tak mawh pa koe ka piang an heue.

SIMIN 4:9

Kix tak teei man pa klai raoma tix pheen mai tawb ka piang pang jawk ten khri mai kawk ngu, sigiep ngu, tawg nyia ngu mai kawk bee mai ceu pa sang shiao kix ka son an.