SIMIN 3:13 - Wa Common Language Translation

¹³ Mawh kheu kawn Ai khawmuik mawh cie Aux, ka daux singaix pa hoik pah Aux ka kawn Ai khankix khawmuik, ka daux meung Ejiptux, Aux hoik kieh kawn Ai pa koe daux ceu pui Isarelax khawmuik singax singeh, son tokaux Cao Aux, khawm pui mai khawm to brie khankix, kix tak mawh cie Aux, Aux mawh Simiang Siyiex heue.

SIMIN 3:13 Iomraidhean Croise

NEHAMIX 10:36

awm pa hoik tiiem ti deuh ka daux lox tat jhawm prawng mai viex kawn Ai plix num ex, khawng eei brie liang ex mai cub mawie pa liang ti keh mai cub pex, cub yung khankix hoek ka nyiex bwan Siyiex ex ka cao giex kaing li cao yuh kaing jhaw Siyiex ka daux nyiex bwan Siyiex ex heue.

LIH HU 13:12

Maix tak deuh kawn Ai plix num mai can kawn khawng brie pa liang tix keh mawh son Siyiex. Can pa mawh mhaing khankix tak mawh cie Siyiex.”

LIH HU 13:15

Yam an Pharaw ang kieh ex lih hu, Siyiex pah ka kawn Ai pa koe daux haktiex Ejiptux, khawm kawn Ai pui mai kawn liang khawng brie khankix. Mawh kheu nan, aux tak appong tan can kawn pa liang ti keh khaing khawng brie khawmuik ka Siyiex. Viang mawh nan kawn simex aux khankix, pa mawh kawn Ai khawmuik, aux tak deeh taoh.

LIH HU 13:2

“Appong kawn Ai plix num khankix ka Aux, ka daux ceu pui Isarelax, can pa mawh kawn Ai plix num khawm pui mai khawng brie mawh cie Aux heue.”

LIH HU 22:29

“Maix tak ang pon ti tuk bawg yam sonsang tan tix plix khaox plix ox pa liang tix pon mai rawm plix siiet. “Maix tak yaox ti tawx kawn Ai tix ka Aux.”

LIH HU 34:19

“Can kawn Ai plix num mawh cie Aux, to brie pa eei pex, mawie ang ah, yung ang ah, kawn pa pon pex phao ka pa mawh mhaing khawmuik tak mawh cie Aux.”

YEZAKELAX 44:30

Plix khaox pa liang ti plix kuceu khawmuik mai krax tan kuceu khaing daux krax tan krax lu, tak sang mawh cie cao giex kaing li, mai phawng blah pa liang pex ti yuh khankix pex tak yaox ti tawx ka cao giex kaing li sonsang nawb bwan ka piang nyiex ma pex.

KRUB 27:26

“Tobrie pa liang ti keh khankix, mawie ang ah yung ang ah, hoik mawh cie Simiang Siyiex, pui tix kaux kawx tak ang pon ti baox deeh tang gwieh mawh pa singax, mawh kheu an mawh cie Simiang Siyiex.

SIMIN 18:15

Can ceu pa liang ti keh khaing daux khawmuik pui ang ah, to brie ang ah, pa tan kix ka Simiang Siyiex, tak mawh cie maix, viang mawh nan, kawn Ai plix num pa keh khaing pui maix tak deeh taoh ka mai to brie pa liang ti keh pa ang singax khankix kawx maix tak deeh taoh ka.

SIMIN 18:6

Jhak heue, tokaux cao Aux hoik teei puxaik maix khankix, ceu pui Lewix khaing daux sinax pui Isarelax, kix mawh totaix pa hoik tawx Simiang Siyiex ka maix, sonsang yuh kix kaing jhaw nyiex gox bwan man bang kum.

SIMIN 3:41

Maix tak teei ceu pui Lewix mawh son Aux, Aux mawh Simiang Siyiex mai teei kix son tang kawn Ai khaing daux sinax ceu pui Isarelax khawmuik mai to brie pa eei ceu pui Lewix khankix, son tang kawn liang pa keh daux sinax to brie ceu pui Isarelax khawmuik heue.

SIMIN 33:4

Yam an ceu pui Ejiptux tak sipaung kawn Ai tix khawmuik, pa hoik pah Simiang Siyiex ka daux sinax kix, ka siyiex krup kix kawx, Simiang Siyiex hoik ciyang uik.

LUKAX 2:23

Awm hoik tiiem daux lox lai been Siyiex lengju, “Kawn Ai plix num ku kaux tak sang kok mawh pa singax son Siyiex lengju heue.”

HEBRIE 12:23

mai ka cub pa raug rum grum phroik khawmuik mai ka ceu cao kawn pa liang ti keh, pa hoik tiiem daux lai carang ka daux meung raoma mai ka Siyiex pa mawh Cao prawng ca ka khawmuik mai ka khuan pui pa rahsee khankix, pa hoik yuh ti kieh grum mhawm,