SIMIN 3:10 - Wa Common Language Translation

¹⁰ “Mawh kheu nan maix tak tawx beeh glawm ka Arun mai kawn simex nawh khankix mai kix tak priex rien ka kaing cao giex kaing li, pui tang kaux pa hoek dex tan tak pon ti yum heue.”

SIMIN 3:10 Iomraidhean Croise

2 SAMOELAX 6:7

Krax song rhawm Simiang Siyiex lih piang Awza mai Siyiex ciyang ka nawh, kheu phimap nawh mai nawh yum tan praok teug bwan sijax mukheu Siyiex.

1 SIMIANG 12:31

Nawh hoik sum nyiex krub ka dee lhaong mai yaog cao giex kaing li khaing cub pui pa ang mawh cub kawn simex pui Lewix khankix heue.

1 GRAWNG BEEN 6:32

Kix yuh kaing jhaw Siyiex tau mai ah tix lai rhax, ka plak sivoe nyiex gox bwan man bang kum pui hun, tom hoek bawg yam hoik sum simiang Sawlamon ka nyiex bwan Siyiex ka daux veng Yerusaliem mai kix yuh kaing awm bawg yam pa koe beeh glawm cie mawx cie an heue.

NEHAMIX 6:11

Aux ah nin, “Pui pa awm aux in tak sang to lie? Pa awm aux tak sang laig ka daux nyiex bwan sonsang taoh ju tix lie? Aux ang laig heue.”

LIH HU 29:9

Maix tak rawd maox rawd nyoi, ka nyoi Arun mai kawn simex nawh khankix mai ceep kix cie mhok, kraung ceep cao giex kaing li khankix tak mawh cie kix, awm mhai rug gumlox beenli leeing ju. Mawh kheu nan maix tak appong kaing jhaw cao giex kaing li ka Arun mai kawn simex nawh khankix.

YEZAKELAX 44:8

Pex ang priex kraung khrai ceu pa singax singeh Aux khankix mai yaog pui tang ceu mawh cao pa priex kraung khrai dee pa singax singeh Aux heue.

KRUB 22:10

Pui tang ceu tang cat tak ang pon ti ih krax tan pa singax singeh, pui pa hoek ti peung tivud ticu tau mai cao giex kaing li ang ah, siliex pa cang ang ah, tak ang pon ti ih ceu pa singax singeh.

SIMIN 1:51

Yam gah nyiex gox bwan man hu ka plak sivoe ngai, ceu pui Lewix khankix tak teei nawh lih. Yam jung kix tix sum ka nyiex gox bwan man, ceu pui Lewix khankix, tak jung tix sum nawh heue. Pui tang kaux pa hoek dex an, tak mawh pa pon ti yum heue.

SIMIN 16:10

Nawh Cao hoik viex pex hoek dex ka tokaux tix maix mai khawm pux aik maix pa mawh kawn ceu pui Lewix tau, mai maix ang mawh lie? Pex kawn sawg ka ara cao giex kaing li lie?

SIMIN 16:35

ngu lih hoek khaing Simiang Siyiex mai gleeing pui pa tan nyawng bhawng khankix, ra yieh tix phwan kaux.

SIMIN 16:40

Sonsang mawh krax pa doh keud, son ceu pui Isarelax khankix mai son ang pui tang kaux pa ang mawh doeh ru Arun yuh cao giex kaing li son ang pon gleeing nyawng bhawng ka plak sivoe Simiang Siyiex, ha kox lih awm Korax mai paox cub paox caw nawh, awm pa hoik krai Simiang Siyiex ka Eliza khaing pa hoik tawm ka Mose heue.

SIMIN 18:3

Kix tak yuh can ceu pa lo maix mai can ceu pa lo son nyiex gox bwan man khankix. Kix tak ang pon ti hoek dex kraung khrai dee singax singeh ka khu dee tan, phan ang mawh nan kix mai maix tak yum.

SIMIN 18:7

Maix mai kawn simex maix khankix, tak yuh kaing jhaw beeh glawm cao giex kaing li pa dex mai khu dee tan khawmuik mai pa koe plak daux man tie, maix tak yuh kaing jhaw an. Aux tawx totaix ara cao giex kaing li ka maix mai pui tang kaux pa hoek dex tak pah yum heue.

SIMIN 3:11

Khaix an Simiang Siyiex sikah ka Mose ah nin heue.

SIMIN 3:38

Can kix pa bang ti ot sivoe nyiex gox bwan man plak lih singaix mai plak sivoe nyiex gox bwan man bang kum pui hun mawh Mose, Arun mai kawn simex nawh khankix, kix mawh pa priex ka dee pa singax singeh, sonsang pon yuh ti tawx ceu pa lo kuceu son ceu pui Isarelax khankix, pui tang kaux pa hoek dex tan tak pon ti yum heue.

ROMAX 12:7

Phan ang mawh nan, phan mawh cao sidiex kieh ex viex khawm rhawm tix yuh kaing sidiex tix heue. Phan ang mawh nan kaw pa yuh sara cao gau, kieh nawh yuh kaing gau tix heue.

EFESUX 2:19

Mawh kheu nan pex ang lai baox mawh pui tang praix tang klawng mai nyo sinie, pex hoik mawh ngie pui tix meung khaing tau mai pui singax singeh khankix mai pui geh nyiex Siyiex,

PINGNYAP 18:5

Grawh grawng nawh Simiang Siyiex, hoik laug ti teei nawh khaing doeh ru pex khawmuik, sonsang cung kix ti yuh kaing jhaw Siyiex, ka daux ceu kaux Simiang Siyiex, nawh mai kawn simex nawh khankix leeing ju.

HEBRIE 8:4

Phan Nawh Cao ot ka piang haktiex, Nawh ang tau ti mawh cao giex kaing li, mawh kheu hoik koe kix pa tan totaix khankix awm pa khaw mai lox lai beenli,

CAO PRAWNG 17:5

Pui Mikha an koe nyiex krub tix mu mai nawh yuh ti deuh sibex dhah tix pheen mai riang grang Asherax pa krub kix son daux nyiex daux ma tix mai nawh hoik yaog kawn simex tix, tix kaux mawh cao giex kaing li tix heue.

1 SAMOELAX 6:19

Nawh Cao pah ka pui veng Bietshemiet phwan mheen mai atixgliah kaux, kheu jhak kix teug sijax mukheu Siyiex, pui hun yiiem grai mawh kheu Simiang Siyiex pah ka pui hun tom nie heue.