SIMIN 27:3 - Wa Common Language Translation

³ keeing yix yum ka daux tiag, nawh ang laig ka daux sinax cub pa kraix khrawm paox ti tieh feen ka Simiang Siyiex, tau mai cub Korax, viang mawh nan nawh yum kheu phimap tix mai nawh ang koe kawn simex tix kaux kawx.

SIMIN 27:3 Iomraidhean Croise

YEZAKELAX 18:4

Jhak heue, ju khwan khankix mawh cie Aux, awm mawh ju khwan keeing cie Aux mai ju khwan kawn kawx, mawh cie Aux, ju khwan pa yuh phimap tak yum heue.

SIMIN 14:35

Aux Simiang Siyiex, hoik ah nin, Aux tak yuh ceu in tete ka pui hun pa caox caig, pa khrawm paox ti tieh feen ka Aux mai kix tak laux leeing mai kix yum ka daux tiag in.”

SIMIN 16:19

Korax khrawm cub pui hun khankix, sonsang tieh feen kix ka hawt diang siviex nyiex gox bwan man bang kum. Min plakngai Simiang Siyiex lih bleeh ka piang cub pui hun.

SIMIN 16:49

Ang sawn pui pa yum ka grawng pa yuh Korax, can pui pa yum ka jhawm saux preng koe tix mheen pon rheng aliah yieh kaux.

SIMIN 26:33

Zelophihat kawn simex Hephax ang koe kawn simex, nawh koe kawn bun nong nong ceu kaux kawn bun Zelophihat khankix mawh Mala, Nawa, Hawgala, Milaka mai Tiraza.

SIMIN 27:2

Kix cung ka plak sivoe Mose mai ka plak sivoe Eliza cao giex kaing li mai ka plak sivoe cao kaing cao kap mai ka plak sivoe pui hun ka diang siviex laig ka daux nyiex gox bwan man bang kum pui hun ah nin,

SIMIN 27:4

Mawh kheu ang keeing yix koe kawn simex tix kaux kawx, tak sang tik yix khaing daux doeh nyiex ma nawh lie? Mawh kheu nan, tawx sinngao cie yix khaing daux sinax puxaik keeing yix khankix liak.”

YOHAN 8:21

Nawh baox ah nin ka kix tix bawg, “Aux sang hu heue. Pex tak sang sawg ka Aux mai pex tak yum ka daux phimap tix. Dee sang hu Aux ang pex pon ti hoek kah”

YOHAN 8:24

Mawh kheu nan Aux tom hoik krai ka pex, Pex tak yum ka daux phimap tix, grawh grawng nawh phan pex ang yum rhawm grawng mawh Aux Kaw an, pex tak sang yum ka daux phimap tix heue.”

ROMAX 5:12

Mawh kheu nan, awm hoik laig phimap daux haktiex kheu sipieag pui tix kaux mai krax yum hoik laig kheu phimap mai mawh kheu pui khawmuik hoik yuh phimap, krax yum hoik tah ka pui khawmuik heue.

ROMAX 5:21

awm hoik kwang hoik giex phimap kaing ka daux krax yum, viang bwanson kawx, sang pon kwang pon giex kaing kheu pa rahsee, tom lih pon ju leeing ju kheu Simiang ex Yesux Khrit heue.

ROMAX 6:23

Grawh grawng nawh ngawh riang phimap mawh krax yum, viang mawh nan totaix bwanson pa tawx Siyiex mawh ju leeing ju ka daux Simiang ex Yesux Khrit heue.