SIMIN 24:4 - Wa Common Language Translation

⁴ Pui pa pon mhong gumlox Siyiex khaing pui pa hoik plak jhi mai pui pa yaox riang susai khaing kaw pa ting siawp sibrawm tau mai pa goh gup tix mai ngai nawh hoik baoh.

SIMIN 24:4 Iomraidhean Croise

YAM JAH 15:1

Khaix hoik ceu inkix khawmuik, gumlox Simiang Siyiex lih hoek ka Abram ka daux riang susai ah nin, “Abram eue, paw lhat graung. Aux mawh pa tiebtie son maix heue. Bwanson hoik ting lhaong son maix heue.”

YAM JAH 15:12

Yam hoik klip singaix, Abram hoik kied lhiak it mai krax lhat graung mai pa faik lih koe piang nawh heue.

1 SIMIANG 22:17

Nawh ah nin, “Aux hoik yaox pui Isarelax prung prang ka piang gawng awm yung pa ang koe cao liang heue. “Mai Simiang Siyiex ah nin, pui inkix ang lai koe cao simiang, kieh kix deeh ing ka nyiex tix ka daux pa nhim heue.”

YAOGYAW 89:19

Yam an tix bawg dix, Maix krai ka kix pui pa singax singeh khankix, ka daux riang susai ah nin, Aux hoik tawx pong krax pa teem ka pui pa ting riang rao, Aux hoik laug ti teei pui tix kaux ting, ka daux cub pui khankix heue.

YEZAKELAX 1:28

Grang pakpeung pa jhan riang tix hawt vung viang an khawmuik awm siyawng sijax mukheu ka daux paiawm singaix yam lih lhiex heue. In mawh grang pakpeung pa awm min sibrawm Siyiex heue. Mawh kheu nan, yam yaox aux ka riang susai an, aux hoik gup ngai tix mai aux mhong lox sikah heue.

SIMIN 12:6

Nawh Cao ah nin, “Nghiet ka lox Aux, phan cao jhai koe ka daux sinax pex, Aux Simiang Siyiex tak plak jhi tokaux tix ka nawh ka daux riang susai, Aux tak sikah mai nawh ka daux camaox.

SIMIN 22:20

Siyiex hoek ka Balam ponsawm ah nin ka nawh, “Phan pui hoek kok maix kaoh hu tau mai tix, viang mawh nan maix tak yuh awm pa hoik krai Aux ka maix khaing.”

SIMIN 22:31

Khaix an Simiang Siyiex paoh ka ngai Balam mai nawh yaox kawncau Simiang Siyiex pa cung daux krax, tau mai vaig pa lawd tix ka daux taix tix, Balam num kaing tix mai gup ngai tix.

SIMIN 24:15

Nawh krai lox jhai tix ah nin, “Gumlox pa plak jhi khaing Balam kawn simex Bawrax mai gumlox pa plak jhi khaing pui pa hoik riang ngai,

SIMIN 24:5

Pui Yakop eue, nyiex gox maix khankix mawh pa mhawm grang miex ding, pui Isarelax khankix eue, dee ot maix khankix mawh pa mhawm grang miex ding!

KAWNCAU 10:10

Nawh hoik cai rhawm mai mie ti sawm, viang mawh nan yam kawn tak khre kix nawh, nawh lip lu,

KAWNCAU 10:19

Yam kawn keud Petrux grawng riang susai an, Khuan Cao ah nin ka nawh, “Jhak heue, pui loe kaux sawg maix.

KAWNCAU 22:17

Khaix hoik deeh ing aux ka veng Yerusaliem mai yam rawg aux bwan ka daux nyiex bwan, aux liplu,

PLAK JHI 1:10

Daux singaix twah Simiang Siyiex, aux ot ka daux Khwan Cao mai aux mhong lox pa ting pa luah khaix aux, pa awm lox teettawng,

PLAK JHI 1:17

Yam yaox aux Nawh, aux goh liep caong Nawh, awm pa hoik yum heue. Nawh Cao deuh taix khawn dawm Nawh ka piang aux ah nin, “Paw vi lhat! Aux mawh pa jah mai pa ghoik khaix,

1 SAMOELAX 19:24

Nawh peeik kraung ceep tix mai ah lox jhai sivoe Samoelax, nawh it mai ang ceep kraung ku singaix. Mawh kheu nan, kix tom ah nin, “Mawh ot Sawlux sinax cao jhai khankix lie?”