SIMIN 21:4 - Wa Common Language Translation

⁴ Kix lih krax khaing gawng Hawrax mai hu ka plak rawm sigrit sigra raoh, sonsang via ka rawb rim haktiex Edom, mai kix kied laux rhawm kheu nu krax.

SIMIN 21:4 Iomraidhean Croise

2 SIMIANG 3:8

Nawh ah nin, “Sang haok ex ka krax plak mawx lie?” Nawh deeh ah nin, “Haok ka plak krax daux tiagtu Edom heue.”

LIH HU 6:9

Viang Mose ah nin ka pui Isarelax kawx, kix ang nghiet ka lox Mose, mawh kheu hoik kied taug mao rhawm rhi kix ka yaox tix krax kha rhawm.

SIMIN 14:25

Cub pui Amaliet mai cub pui Khanan pa ot ka daux ngawd, pasax pex tak veeh ti hu ka daux tiag ka krax hu ka rawm sigrit sigra raoh heue.”

SIMIN 20:27

Mose yuh ceu an awm lox pa tawm Simiang Siyiex, mai kix haok ka piang gawng Hawrax, ka plak sivoe ngai cub pui hun.

SIMIN 32:7

Pex lai sang kieh rhawm rhi pui Isarelax khankix ang koe rhawm kwa rhawm cong, sonsang tiang kix ti hu ka daux haktiex pa hoik tawx Simiang Siyiex ka kix yuh ka mawh?

SIMIN 32:9

Yam hu kix ka daux ngawd Eshakawlax mai khaix hoik hu kix jhak ka haktiex an, kix kieh rhawm rhi pui Isarelax khankix, ang koe rhawm kwa rhawm cong, son ang kix laig ka daux haktiex pa hoik tawx Simiang Siyiex ka kix.

SIMIN 33:41

Pui Isarelax deeh gah tix khaing gawng Hawrax mai bang hawt baoh Zalamawnax.

KAWNCAU 14:22

Kieh rhawm kawncau mau soi khankix kaux cong mai sidiex gau kix yuh ka mawx son kawn sang ot ka daux krax yum rhawm mai krai ka kix yuh nin, “Ex tak lai kham geu pa kha rhawm tix tom nie, mai laig ka daux meung Siyiex heue.”

PINGNYAP 1:40

Viang mawh nan, phan mawh pex, deeh veeh ti hu ka daux tiag, ka krax rawm sigrit sigra raoh, an mawx rawm sigrit sigra Edom.

PINGNYAP 2:1

“Khaix an, awm pa krai Simiang Siyiex ka aux, ex deeh veeh ti hu krax daux tiag ka plak rawm sigrit sigra raoh mai ex hoik vung viang hawt gawng Sirax tom rheung singaix,

CAO PRAWNG 11:18

Mai kix lih hu ka plak krax daux tiag mai via haktiex Edom mai haktiex Mawbax mai kix hoek ka haktiex Mawbax plak lih singaix mai kix ot ka plak toi rawm klawng Anon, yam an kix ang laig ka daux haktiex Mawbax, kheu mawh rawm klawng Anon mee haktiex Mawbax heue.