SIMIN 21:2 - Wa Common Language Translation

² Pui Isarelax khankix yuh sijax ka Simiang Siyiex ah nin, “Phan Maix Cao ap kix daux tawm taix yix, yix tak yuh veng kix laux lak pak leeing.”

SIMIN 21:2 Iomraidhean Croise

YAM JAH 28:20

Yam an Yakop yuh sijax mukheu ah nin, “Phan Siyiex ot tau mai aux, Nawh tak priex aux ka can dee hu aux kudah mai tawx pa ih sonsang ih aux mai kraung ceep pa sang ceep aux ka,

YAOGYAW 116:18

Aux tak tan ka plak sivoe ngai pui Siyiex khawmuik, awm pa hoik yuh aux sijax mukheu ka Siyiex heue.

YAOGYAW 132:2

Nawh hoik tiextu tix ka Siyiex pa ting sibrawm pa krub ceu pui Yakop ah nin,

1 KAWRINTHUX 16:22

Phan pui tix kaux kaux ang moh ka Simiang, kieh nawh mawh pa jhax lawg kah awx. Simiang ex eue hoek heue.

PINGNYAP 13:15

Pex tak pah ka pui pa ot ka daux veng an khankix ka lawm vaig mai pah ceu pa koe ka daux veng khawmuik mai khawm tobrie cie kix laux lak pak leeing ka lawm vaig pex.

PINGNYAP 13:16

Pex tak khrawm ti deuh kraung khrai pa tud rhim pex khankix ka daux sigreung krax mai gleeing khawm veng mai khawm kraung khrai pa tud rhim pex khankix tau ka ngu khawmuik, sivoe Simiang Siyiex maix. Veng an tak mawh pum nyhee leeing ju, tak ang lai baox deeh sum ka veng an.

PINGNYAP 20:16

Viang mawh nan, veng ceu pui in khankix, pa ap Simiang Siyiex, Siyiex pex, pex cie, pex tak ang pon kieh ceu pa toek bhawm khankix im ju tix ceu kawx,

PINGNYAP 7:2

yam ap Simiang Siyiex, kix ka daux taix pex, pex tak tap toi kix, mai yuh kix laux lak pak leeing, maix tak ang pon yuh sijax mukheu mai kix mai ang pon yuh krax caux rhawm ka kix.

YAWSUX 6:17

Yam in veng an mai can pa koe ka daux nawh khankix, tak hoek krax laux sivoe Siyiex leeing ju heue. Mawh ngie Rahap pa mawh bun pa coh kaux pa pon ti im ju khawm nawh tau mai can pa koe tau mai nawh daux nyiex khankix, kheu jao hoik mox nawh kawncau pa hoik ploi ex heue.

YAWSUX 6:26

Khaix an, Yawsux tiextu ka kix ka daux bawg yam an ah nin. “Kieh pa jhax lawg koe ka piang kaw pa yaog ti kaoh mai deeh sum ka veng in pa mawh veng Yerikho, ka plak sivoe ngai Siyiex, yam sum nawh num riah veng an, nawh tak mawh pa som ka kawn Ai tix, yam sum nawh ka siviex guh veng, nawh tak som kawn ghoik nawh an heue.

CAO PRAWNG 11:30

Yephata yuh lox mukheu ka Simiang Siyiex ah nin, “Phan Maix Cao sang ap pui Anon ka daux tawm taix aux tete,

1 SAMOELAX 1:11

Nawh tiextu ah nin, “Simiang Siyiex Cao pa ting piang khawmuik eue, phan Maix koe rhawm ti kia ngien ka krax kham geu siliex bun tix, doh keud ka aux, paw piawm ka siliex bun Maix, phan Maix tawx kawn simex ka siliex bun Maix tix kaux, aux tak ap nawh ka Simiang Siyiex glang singaix im ju nawh mai ang khlao ka kaing nawh.”