SIMIN 20:2 - Wa Common Language Translation

² Mawh kheu rawm nyaux son pui hun khankix ang koe, mai kix khrawm paox tix, tieh feen ka Mose mai Arun.

SIMIN 20:2 Iomraidhean Croise

YAOGYAW 106:32

Khaix an kix baox yuh krax pa song rhawm Nawh Cao, ka praok rawm Meribax mai Mose tom yaox ti kham geu krax kha rhawm sipiag kix heue.

LIH HU 16:12

“Aux hoik mhong lox pa ngau pui Isarelax khankix, krai kix mhong, plak ponbo pex tak yaox ti ih nex mai tak yaox ti ih blah plak ponngawb, mai pex tak tawng ka mawh Aux Siyiex pex.”

LIH HU 16:2

Cup pui hun pui Isarelax khankix, ngau ka Mose mai Arun kheu krax kha rhawm tix daux tiag,

LIH HU 16:7

plak ponngawb, pex tak yaox min pakngai Siyiex, mawh kheu hoik mhong Nawh Cao lox ngau pex, mawh kheu mawh ex pui yuh ka mawx pex lai deuh phimap ka yax lie?”

SIMIN 14:2

Ceu pui Isarelax ngia ka Mose mai Arun mai pui hun khawmuik ah nin ka kiex, “Yix mhawm ti yum ka haktiex Ejiptux, phan ang mawh nan, yix mhawm ti yum ka daux tiag!

SIMIN 14:9

Paw doh tieh feen ka Simiang Siyiex, paw lhat ka pui ot ka daux haktiex an, mawh kheu kix mawh priex ih son ex, krax tiep tie hoik lih hu khaing kix mai Simiang Siyiex ot tau mai ex, paw lhat ka kix.”

SIMIN 16:19

Korax khrawm cub pui hun khankix, sonsang tieh feen kix ka hawt diang siviex nyiex gox bwan man bang kum. Min plakngai Simiang Siyiex lih bleeh ka piang cub pui hun.

SIMIN 16:3

Kix khrawm paox ti, sonsang tieh feen ka Mose mai Arun mai kix ah nin ka kiex, “Kaing yuh pax kied sidaing kin, mawh kheu pui hun khawmuik mawh pa singax singeh ku kaux mai Simiang Siyiex ot sinax kix, yuh ka mawx pax lai kawn sang yuh tix ting ka piang cub pui hun Simiang Siyiex?”

SIMIN 16:42

Yam khrawm cub pui hun khankix paox ti tieh feen ka Mose mai Arun, kix veeh ngai tix plak sivoe nyiex gox bwan man bang kum, jhak heue, Paiawm lih kheem ka piang nyiex gox bwan man mai min plakngai Simiang Siyiex lih bleeh.

SIMIN 21:5

Pui khankix ah lox tieh feen ka Siyiex mai Mose, “Kheu maix lai viex yix lih hu khaing meung Ejiptux sonsang yum ka daux tiag lie? Mawh kheu pa ih mai rawm kawx ang koe, yix hoik seeing ka blah pa ang koe jhawm jheet in.”